BU HKAWM 23:5 - Jinghpaw Common Language Bible 2009

⁵ Dai Madu mung Balam hpe kaning ngu tsun na lam tsun matsun nhtawm, dai ga Balak hpe bai wa hti dan na matu shi hpe bai nhtang wa shangun dat wu ai.

Jinghpaw Hanson Version Bible

⁵ Shing rai Yehowa Balam a n-gup hta ga hti bang nhtawm, “Balak hpang de wa nna ning ngu tsun u,” ngu nna hkang dat wu ai.

BU HKAWM 23:5 ပူးပေါင်းရင်းမြစ်များ

PRU MAT 4:15

Nang gaw shi hte rau ga shaga lu na rai nna, kaning ngu tsun na ga shi hpe tsun dan u. Ngai gaw nan lahkawng tsun shaga na ga hpe karum ya na nngai; ngai gaw nan hpa galaw na lam hpe mung tsun dan na made ai.

GA SHAGAWP 16:1

Anhte gaw anhte a bungli masing ni hpe galaw mai ga ai; rai ti mung hpang jahtum e, Karai Kasang a myit ra ai hku sha byin nga ai.

GA SHAGAWP 16:9

Na a bungli masing lam hpe nang lajang mai ti mung; Karai Kasang gaw na a shamu shamawt ai lam hpe hkang ya nga ai.

ESAIA 51:16

Ngai gaw sumsing lamu ni hpe hpyan da ai hte ginding aga a npawt nhpang ni hpe jahkrat tawn nngai. Ngai gaw Yerusalem hpe, ‘Nang gaw nye a amyu masha rai nga ndai! Ngai gaw nang hpe nye a sharin shaga ga jaw ni ai, ngai gaw nang hpe nye a lata hte makawp maga nngai,’” ngu nna tsun wu ai.

ESAIA 59:21

Ngai gaw nanhte hte ga shaka tawn da na nngai: dai gaw nanhte a matu htani htana rai nga na nye a daru magam n-gun hte nye a sharin achyin ai ga ni ngai nanhte hpe jaw ni ai, ya aten kaw nna, nanhte gaw nye a ga madat mara ra na rai myit dai, nanhte a kashu kasha ni hte nanhte a aru arat ni hpe prat mi hte prat mi nye a ga madat mara na matu sharin ya nga mu.”

YEREMIA 1:9

Dai hpang dai Madu gaw lata ladawn let nye a nten hpe ahtawk nna ngai hpe, “Madat u, ngai nang hpe jaw ya nga ai mungga hpe nang tsun lu na rai ndai.

BU HKAWM 22:20

Dai shana jang, Karai Kasang gaw Balam kaw sa nna, “Dai masha ni shanhte hte rau sa wa na nang hpe san jahkrup yang, hkan nang na matu jin jin di u; rai ti mung ngai nang hpe hkang da ai hku sha galaw lu na ndai,” ngu nna tsun wu ai.

BU HKAWM 22:35

Rai ti mung lamu kasa gaw, “Ndai masha ni hte rau sa wa su; rai ti mung ngai nang hpe tsun ai ga sha tsun lu na rai ndai,” ngu nna tsun wu ai. Dai rai nna Balam mung shanhte hte rau hkan sa mat wa wu ai.

BU HKAWM 23:16

Dai Madu mung Balam hte hkrum nhtawm, shi kaning ngu tsun na lam tsun matsun ngut ai hpang dai ga wa hti dan na nga, Balak hpang de bai nhtang wa shangun wu ai.

BU HKAWM 23:4

Karai Kasang hte wa hkrum wu ai. Shaloi Balam gaw shi hpe, “Ngai gaw tawn hkungri sanit gaw da nna, tawn hkungri shagu hta usu langai hte sagu la langai ngai nat nawng se ai,” ngu nna tsun wu ai.

BU HKAWM 23:6

Dai rai nna shi bai nhtang wa yang, Balak gaw Moba ningbaw ni yawng hte rau shi nawng jau ai wan nat hkungga makau e naw tsap nga ai.

LUKA 12:12

Hpa majaw nga yang, Chyoi Pra Ai Wenyi gaw, dai ahkying aten hta nanhte hpa tsun mai na hpe sharin ya na ra ai.”

YAWHAN 11:51

Ya dai hpe kaja wa shi a myit hte shi tsun wu ai n rai, dai shaning e shi Hkinjawng Agyi Kaba rai nga ai majaw Yesu gaw, Yuda masha ni a matu si hkam na ra ai lam myihtoi ga tsun nga ai.

TARA JAHPRANG 18:18

Nang zawn re ai myihtoi langai, shanhte hpang de shangun dat ya na we ai; shi kaning ngu tsun na ga, shi hpe ngai tsun dan na we ai. Shing rai shi gaw ngai hkang da mada lam magup amyu masha ni hpe tsun dan na rai wu ai.