BU HKAWM 23:23 - Jinghpaw Common Language Bible 2009

²³ Israela amyu baw hpe matsa ai hta lawng hpaji, hpyi lamum hpaji hpa mung shang lu na n rai; Ya chyawm gaw masha amyu ni Israela a lam hpe, ‘Yu mu, Karai Kasang shing di kau nu hka!,’ ngu nna kajai na mara ai.

Jinghpaw Hanson Version Bible

²³ Gaja wa Yaku hpe matsa dat ai hte dang na n rai, Israela hta lawng shang lu na n rai: Karai Kasang shing di nu ai, nga nna, Ya e, Yaku hte Israela a lam kajai na mara ai.

BU HKAWM 23:23 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

SHAKAWN KUNGDAWN 31:19

Nang hpe shagrau sha-a ai ni a matu nang kyem da ya ai kaja ai chyeju ni gaw kade wa mauhpa rai nga a hka! Nang kade wa mai kaja nga ai hpe mung nang hta kam hpa nga ai ni hpe kade sha shim ai hku nang makawp maga ya nga ndai hpe mung masha shagu chye nga ai.

SHAKAWN KUNGDAWN 64:9

Shanhte yawng hte gaw hkrit wa na mara ai rai nna, Karai Kasang hpa galaw da sai lam hpe shanhte myit aru yu na mara ai hte shi a amu bungli lam hpe tsun hkai dan na mara ai.

ESAIA 41:4

Ndai zawn re ai hpe shabyin dat ai wa gaw kadai rai nga a ta? Masha ban hte ban a labau hpe kadai gawn dan a ta? Dai Madu ngai gaw shawng npawt e nga nga nngai, Dai Madu ngai gaw ahpang jahtum e mung nga nga na nngai.

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

EZEKELA 21:21

Babelon hkawhkam gaw dai lam lahkawng a nbraw e jung da ai masat shara hta tsap nga ai; shi gaw gara lam de pru sa na chye la na matu, ndan pala ni garu nhtawm shi a hpara sumla ni hpe san yu nna, hkungga nawng jau ya ai dusat a sinpai hpe jep yu nga ai.

Daniela 9:15

“O Madu anhte a Karai Kasang e, nang gaw na a daru magam n-gun madun dan let na a amyu masha ni hpe Egutu mung kaw nna woi wa nga ndai majaw na a daru magam n-gun hpe ya du hkra adum nga ai. Anhte gaw yubak galaw kau saga ai; anhte gaw shut hpyit amu galaw kau saga ai.

MIHKA 7:15

Madu e, nang gaw anhte hpe Egutu mung kaw nna woi shapraw wa ai shani hta nang galaw dan sai amu ni zawn anhte a matu mauhpa amu galaw dan mi.

BU HKAWM 24:1

Israela amyu masha ni hpe mahtang shaman ya na matu dai Madu shi hpe ra sharawng nga ai gaw Balam chye wu yang, shawng de lamik kumla wunli sa hpyi ai zawn shi n sa mat wu ai. Shi gaw nam mali de myi man yawng nhtawm,

MAHTE 12:25

Yesu gaw, shanhte hpa baw myit mang nga ma ai hpe chye ya mu ai majaw, shi shanhte hpe tsun mu ai gaw, “Mungdan langai mi hta masha ni gaw myit n hkrum nna shada da gasat hkat nga yang gaw dai mungdan na na grin na n rai. Gara mare, gara nta dinghku rai tim, myit n hkrum nna shada da gasat hkat ma yang gaw bra garan mat na mara ai.

MAHTE 12:27

Ngai gaw Bezebula jaw ai n-gun atsam hte she, nat ni hpe shaden kau mawe ai rai yang gaw, nanhte a hpang hkan ai ali ama ni gaw gade a n-gun atsam hte nat ni hpe shaden kau nga ma ta? Nanhte shut nga ai hpe nanhte a ali ama ni galaw ai lam e nan sakse hkam ya nga sai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

YAWHAN 11:47

Dai rai nna Hparishe ni hte hkinjawng agyi ni gaw, Yuda Tara hte seng ai kongsi hpawng shaga jahpawng nhtawm, “Ndai wa madun dan nga ai mauhpa lamik kumla nlang hte hpe mada yu mu! Anhte gaw hpa majaw hpa mung n di ai nga nga na rai ta?

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 15:12

Barnaba yan Pawlu gaw shan a lata hte maigan amyu ni hta Karai Kasang galaw dan ai lamik kumla ni hte mauhpa amu ni yawng a lam hkai dan nga ma yang, shawa hpung ting atsin sha madat nga ma ai.

KASA 4:16

“Ndai yan hpe anhte kaning di na rai ta? Shan a lata hte dan hkung ai ndai lamik kumla byin wa sai gaw, Yerusalem e nga ai ni nlang ni a man e dan dan pra pra rai wa sai rai nna anhte mung n lu ningdang sagaw ai.

KASA 5:12

Ya kasa ni gaw lamik kumla ni hte mauhpa amu law law hpe mung masha ni a man e madun dan mu ai. Kam sham ai ni yawng gaw Shawlumon mying ai jarawp hta hpawng de nga ma ai.

KASA 5:14

Rai ti mung, Karai Kasang hpe hkap la kam sham ai numsha, lasha hpung kaba grau grau nna dai hpung hta jat bang wa ma ai.

ROMA 16:20

Ngwi pyaw ai a npawt Karai Kasang gaw gade n na yang Satan wa hpe nanhte a lagaw npu e kabye agrawp kau na ra ai. Anhte a Madu Yesu a chyeju gaw nanhte hte rau anga nga u ga law.

TARA JAHPRANG 3:24

nang galaw nga ai galu kaba ai hte mauhpa amu ni, ngai hpe chyu sha nang madun hpang nit dai hpe gaw ngai chye nngai. Nang galaw shapraw dan sai daru magam n-gun hte hpring ai amu ni hpe galaw lu ai karai gaw sumsing lamu e mung, ginding aga ntsa e mung kadai n nga nga sai!

YAWSHU 13:22

Beora a shadang sha lakle sara Balam hpe mung dai ni hte rau sat kau ma ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.