BU HKAWM 23:20 - Jinghpaw Common Language Bible 2009

²⁰ Ngai gaw shaman ya na matu shatsam hkrum ni ai; Karai Kasang shaman ya ai hpe ngai shabai lu na n rai.

Jinghpaw Hanson Version Bible

²⁰ Yu u, Shaman ya u, nga ai ga ngai lu ni ai; Shi shaman ya nu ai, ngai shabai lu na n rai.

BU HKAWM 23:20 ပူးပေါင်းရင်းမြစ်များ

NINGPAWT NINGHPANG 12:2

Ngai nang hpe law law mayat maya shangun nna amyu kaba shatai na nngai. Ngai nang hpe shaman ya nna na a mying hpe gumhkawng shangun na nngai; shing rai nang gaw chyeju daju tai na rin dai.

NINGPAWT NINGHPANG 22:17

Na a amyu matu ni hpe mung lamu na shagan ni shing n rai panglai zaibru ni zawn ngai nang hpe jaw na nngai. Na amyu matu ni mung shanhte a gumlau hpyen ni hpe dang kau lu na mara ai.

NINGPAWT NINGHPANG 27:33

Isak gaw, “Ataw, dusat hpe sat nna ngai kaw la sa wa ai wa gaw kadai ta? Nang garai n du yang ngai dai hpe sha kau se ai. Shi hpe nye a hpang jahtum na shaman ga hte shaman kau ni ai rai nna dai gaw shi hta htani htana agrin nga na ra ai,” ngu nna grai gari ashun ai hte san wu ai.

1 HKAWHKAM LABAU 17:27

Nye a amyu matu ni na a man e matut nna kabu gara lu mu ga, shanhte hpe shaman ya na matu ngai nang kaw hpyi nga nngai. Madu e, nang gaw shanhte hpe shaman ya nga ndai; na a shaman chyeju gaw shanhte a ntsa e htani htana anga nga nu ga law.

ESAIA 43:13

Ngai gaw Karai Kasang rai nga nngai, tut nawng arai nga na nngai. Kadai mung nye a daru magam n-gun kata kaw na lawt lu ai n rai; kadai mung ngai galaw ai amu hpe galai lu nga ai n rai,” ngu nna tsun ai.

BU HKAWM 22:12

Karai Kasang gaw Balam hpe, “Dai masha ni hte rau sa wa lu na n rai; Israela amyu masha ni hpe matsa lu na n rai; hpa majaw nga yang, shanhte gaw nye a shaman chyeju lu la ai ni rai nga ma ai,” ngu nna tsun wu ai.

BU HKAWM 22:18

Rai ti mung Balam chyawm gaw, “Balak wa ngai hpe shi a hkawhkam htingnu na ja gumhpraw yawng jaw lu wu ai rai yang pyi dai Madu nye a Karai Kasang a hkang da ai ga hta lai nna, kaji htum ai amu hta pyi ngai n galaw lu nngai.

BU HKAWM 22:38

Balam gaw, “Ngai du ni ai n rai ni? Ya rai tim, ngai kaning re ai daru magam n-gun wa lu nga a ta? Karai Kasang ngai hpe tsun shangun ai ga hpe chyu sha tsun lu na nngai,” ngu nna htan wu ai.

BU HKAWM 6:27

Dai Madu gaw, “Shanhte nye a mying gang nna Israela amyu masha ni hpe shaman ga tsun ai rai yang, ngai mung shanhte hpe shaman ya na mawe ai,” ngu nna tsun wu ai.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.