BU HKAWM 23:14 - Jinghpaw Common Language Bible 2009

¹⁴ Balak gaw shi hpe Pisga bum pungding na Zohpim pa de woi lung wa wu ai. Dai yang e mung tawn hkungri sanit gaw nhtawm tawn hkungri shagu hta usu langai hte sagu la langai ngai nat nawng wu ai.

Jinghpaw Hanson Version Bible

¹⁴ Pisga bum ntsa Zahpim pa de woi sa wa nhtawm, tawn hkungri sanit gaw ngut jang, tawn shagu hta usu langai mi hte sagu la langai ngai nat nawng wu ai.

BU HKAWM 23:14 ပူးပေါင်းရင်းမြစ်များ

ESAIA 46:6

Amyu masha ni gaw shanhte a tingsan hpaw nna aja ru bang ma ai; shanhte gaw joi jang ni hta gumhpraw shen ma ai. Shanhte gaw karai langai galaw na matu ja janghkam hpe saw shaga ma ai; dai hpang shanhte gaw dai hpe gum dagup let nawku ma ai.

HOSEA 12:11

Rai tim, Gilead mung e hpara sumla ni nawku ma ai. Dai hpe nawku ai ni si mat na mara ai. Gilgala mare e dumsu usu ni hte shagu hkungga nawng ya ma ai; dai yang e nga ai tawn hkungri ni gaw pa layang hkan e nlung sumpum tai mat na mara ai.”

BU HKAWM 21:20

Bamot de, Bamot kaw nna Pisga bum pungding a lawu hprut na nam mali hpe hproi rai mu lu ai Moba mung na Kadit de du hkra hkawm sa wa ma ai.

BU HKAWM 23:13

Dai hpang Balak gaw Balam hpe, “Israela masha nkau mi hpe sha nang mu lu na shara kaga de ngai hte rau htawt sa wa ga. Dai yang kaw na, nye a matu shanhte hpe matsa ya e,” ngu nna tsun wu ai.

BU HKAWM 23:15

Balam gaw Balak hpe, “Ngai wora ang Karai Kasang hpe sa hkrum we ga, nang gaw ndai na a wan nat hkungga makau e naw tsap nga u,” ngu nna tsun wu ai.

BU HKAWM 23:29

Balam gaw shi hpe, “Nye a matu ndai yang e tawn hkungri sanit gaw nhtawm usu sanit hte sagu la sanit hte hpe mung ngai hpang de dun wa marit,” ngu nna tsun wu ai.

TARA JAHPRANG 3:27

Pisga bum pungding de lung wa nhtawm sinpraw, sinna, dingdung dingda maga de yu la u. Nang gaw Yawdan hka galoi mung rap lu na n rai nit dai majaw nang mu mamu hpe atsawm sha mada la u.

TARA JAHPRANG 34:1

Mawshe gaw Moba pa kaw nna, Nebo bum de lung wa nhtawm, Yerihko mare a sinpraw maga de nga ai Pisga bum pungding de lung wa wu ai. Dai Madu gaw dai yang kaw na shi hpe mungdan ting madun dan wu ai; dai ni gaw Gilead mung kaw nna dingdung maga de nga ai Dan a mare de du hkra;

TARA JAHPRANG 4:49

Yawdan hka a sinpraw maga de nga ai ginwang yawng hte hpawn dingda maga Jum Nawng htep de a sinpraw maga na Pisga bum lagaw du hkra dam nga ai.