BU HKAWM 23:10 - Jinghpaw Common Language Bible 2009

¹⁰ Israela amyu matu ni gaw ga nhpu zawn- Grai law nga ma ai majaw n dang hti lu nga ai. Karai Kasang a amyu masha hta na langai mi wa zawn nye a nhtoi ni hpe jahtum kau n-ga; Ding man ai wa si ai zawn ngwi pyaw sim sa ai hte ngai si wa n-ga law.”

Jinghpaw Hanson Version Bible

¹⁰ Yaku amyu ga nhpu hpe kadai hti lu na rai ta? Israela htam mali a htammi sha pyi, kadai chye lu a ta? Dingman ai wa si ai zawn ngai si n ga, Nye a jahtum gaw shi a jahtum zawn tai nu ga,” nga ai.

BU HKAWM 23:10 ပူးပေါင်းရင်းမြစ်များ

NINGPAWT NINGHPANG 13:16

Na a amyu matu mara ni hpe ngai shalaw jahtam na nngai; kadai mung shanhte yawng hpe dang hti lu na mara ai n rai; dai gaw ga ntsa e taw ai ga nhpu ni hpe n dang hti ai zawn law htam na mara ai.

NINGPAWT NINGHPANG 22:17

Na a amyu matu ni hpe mung lamu na shagan ni shing n rai panglai zaibru ni zawn ngai nang hpe jaw na nngai. Na amyu matu ni mung shanhte a gumlau hpyen ni hpe dang kau lu na mara ai.

NINGPAWT NINGHPANG 28:14

Shanhte gaw ga na nhpu ni zawn law htam wa na mara ai. Shanhte gaw lamu ga man yawng de shanhte a lamu ga maden kung dam wa na mara ai. Nang hte na a amyu matu ni a jaw e, amyu baw ni yawng hpe ngai shaman ya na we ai.

SHAKAWN KUNGDAWN 116:15

Shi a amyu masha ni hta na langai mi si mat wa yang, dai Madu gaw kade wa gawng run machyi nga a hka?

SHAKAWN KUNGDAWN 37:37

Mai kaja ai masha wa hpe matsing da u, ding hpring ai masha wa hpe maram masam yu u; ngwi pyaw sim sa ai masha wa gaw aru arat law law lu nga ai;

GA SHAGAWP 14:32

Tara n lang ai masha ni gaw shanhte a n hkru ai bungli hta hkrat sum ai lam hpe shabyin ya nga ai; mai kaja ai masha ni gaw shanhte a ding hpring ai amu hpe makawp maga da nga ai.

BU HKAWM 31:8

Midian hkawhkam manga rai nga ai Ewi, Rekem, Zura, Hura hte Reba ni lawm hkra sat kau ma ai. Beora a kasha Balam hpe mung sat kau ma ai.

2 KORINHTU 5:1

Dinghta ga hta anhte nga nga ai sum nta ngu ai hkum hkrang gaw hten run mat wa ai shaloi, sumsing lamu e Karai Kasang anhte nga na matu shi nan galaw ya ai htani htana grin nga na ra ai nta anhte lu ga ai hpe anhte chye nga ga ai.

SHINGRAN 14:13

Dai hpang sumsing lamu kaw nna, “Ka da u: ya kaw nna Madu a magam bungli hpe gunhpai let si wa ai ni gaw a lu ma ai!,” nga ai nsen langai mi ngai na nngai. Wenyi mung, “Rai sa! Shanhte a amu bungli galaw shakut shaja ai kaw na hkring sa ai lam lu la na mara ai. Hpa majaw nga yang, shanhte galaw ai amu bungli a akyu gaw, shanhte kaw hkan nang nga ai,” nga nna tsun ai.