BU HKAWM 22:38 - Jinghpaw Common Language Bible 2009

³⁸ Balam gaw, “Ngai du ni ai n rai ni? Ya rai tim, ngai kaning re ai daru magam n-gun wa lu nga a ta? Karai Kasang ngai hpe tsun shangun ai ga hpe chyu sha tsun lu na nngai,” ngu nna htan wu ai.

Jinghpaw Hanson Version Bible

³⁸ Balam chyawm gaw, “Nang kaw ngai du ring ngai; rai timung, nye myit hte ngai ga hkaw mi tsun lu na ahkang nga a ni? Karai Kasang nye a n-gup hta hti bang ai ga sha ngai tsun na rai nngai,” ngu nna Balak hpe htan wu ai.

BU HKAWM 22:38 ပူးပေါင်းရင်းမြစ်များ

1 HKAWHKAM 22:14

Rai ti mung Mihkaia mahtang, “Ngai gaw shi e ngai hpe tsun ai hte sha ngai tsun na we ai gaw ahkrung nga ai dai Madu hta ngai ga sadi tawn da nngai!,” ngu nna htan wu ai.

1 HKAWHKAM 22:16

Rai ti mung Ahab gaw, “Dai Madu a mying ningsang hte nang ngai hpe ga shaga ndai shaloi teng man ai ga hpe tsun u! Dai lam ngai nang hpe gade lang tsun shadum ra na rai ta?,” ngu nna tsun htang wu ai.

2 HKAWHKAM LABAU 18:13

Rai ti mung Mihkaia mahtang, “Ahkrung nga ai dai Madu hku nna sha nye a Karai Kasang ngai hpe tsun ai ga hpe tsun na nngai,” ngu nna htan wu ai.

SHAKAWN KUNGDAWN 33:10

Dai Madu gaw masha amyu baw ni a shatawng shada ai lam ni hpe shanut kau ya nga ai; shanhte a maw mawn ai lam ni n awng dang u ga, shi shanhte hpe hkum shingdang da nga ai.

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

GA SHAGAWP 19:21

Masha gaw lam magup hpe maw mawn mai nga ai; Madu a myit ra ai hte maren sha byin wa na ra ai.

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

ESAIA 46:10

Ngai gaw shawng npawt kaw nna byin pru sai amu hpe tau tsun ni ai; moi chyaloi nhkoi kaw nna byin wa na lam hpe ngai tau tsun ni ai. Nye a yaw shada lam ni galoi mung hkrat sum na n rai nga ai hpe mung, ngai galaw na ngu shatawng shada ai lam magup hte hpe ngai galaw ai hpe mung tsun ni ai.

ESAIA 47:12

Na a mandan lakle hpaji hte lakhpoi hpaji mahkra hta machyu nga u; nang gaw dai ni hpe na a ram prat kaw nna akyu jashawn nga ndai. Dai hpaji ni gaw nang hpe lam maga mi hku karum ya lu nhten; na a gumlau hpyen ni hpe nang jahkrit lu na nhten.

BU HKAWM 22:18

Rai ti mung Balam chyawm gaw, “Balak wa ngai hpe shi a hkawhkam htingnu na ja gumhpraw yawng jaw lu wu ai rai yang pyi dai Madu nye a Karai Kasang a hkang da ai ga hta lai nna, kaji htum ai amu hta pyi ngai n galaw lu nngai.

BU HKAWM 22:37

Balak gaw shi hpe, “Shawng na lang ngai nang hpe shaga shangun we yang, nang hpa majaw n sa n ta? Ngai nang hpe kumhpa alaw mi n lu shagrau na zawn nawn da wu ni?,” ngu nna tsun wu ai.

BU HKAWM 22:39

Dai rai nna Balam gaw Balak hte rau Huzot mare de sa wa ma ai;

BU HKAWM 22:8

Balam gaw shanhte hpe, “Lana mi sha gaw nang e nga shalai kau mu, dai Madu ngai hpe tsun ai hte maren hpawt de rai jang ngai nanhte hpe tang madun na mawe ai,” ngu nna tsun wu ai. Shingrai Moba ningbaw ni mung Balam hte rau hkring nga ma ai.

BU HKAWM 23:16

Dai Madu mung Balam hte hkrum nhtawm, shi kaning ngu tsun na lam tsun matsun ngut ai hpang dai ga wa hti dan na nga, Balak hpang de bai nhtang wa shangun wu ai.

BU HKAWM 23:26

Balam mung, “Dai Madu ngai hpe tsun ai hte maren sha, lam shagu ngai galaw lu na nngai, ngu nna ngai nang hpe tsun yu ni ai n rai ni?,” ngu nna htan wu ai.