BU HKAWM 22:34 - Jinghpaw Common Language Bible 2009

³⁴ Balam gaw, “Ngai shut ni ai, ngai hkum shingdang na matu lam e nang tsap nga ndai hpe ngai n chye kau we ai; ya rai ti mung, hkawm matut na lam nye a matu n manu ai ngu nna nang myit lu ai rai yang, ngai nta de bai nhtang wa na nngai,” ngu nna tsun wu ai.

Jinghpaw Hanson Version Bible

³⁴ Shaloi she Balam gaw, “Ngai shut ni ai; lam e nang ngai e hkap shadang ai hpe ngai n chye nngai: dai re ai majaw nang n hkraw n yang gaw, ngai bai nhtang wa na ni ai,” ngu nna Yehowa a lamu kasa hpe tsun wu ai.

BU HKAWM 22:34 ပူးပေါင်းရင်းမြစ်များ

2 SAMUELA 12:13

Dawi gaw, “Dai Madu hpe ngai shut kau ni ai,” ngu nna tsun wu ai. Nahtan mung, “Dai Madu nang hpe yubak raw ya nga sai; nang si lu na nit dai n rai.

1 HKAWHKAM LABAU 21:7

Dai zawn galaw kau manu ai lam hpe Karai Kasang n ra sharawng wu ai rai nna Israela amyu ni hpe ari jaw wu ai.

SHAKAWN KUNGDAWN 78:34

Shanhte kaw na n kau mi hpe shi sat kau ai aten shagu hta, ngam ai ni gaw shi hpang de kayin wa ma ai; shanhte myit malai wa nna, Madu kaw akroi anoi akyu hpyi nga ma ai.

PRU MAT 9:27

Hkawhkam wa gaw Mawshe yan Arun hpe shaga la nna, “Ndai lang chyawm gaw ngai shut kau ni ai. Dai Madu gaw ding hpring nga ai, nye a amyu masha ni hte ngai mahtang shut hpyit kau saga ai.

GA SHAGAWP 24:18

Nang gaw shi a jaw e, kabu taw nga ai rai yang, Madu gaw dai hpe chye ya nna n yu sharawng na ra ai; shaloi shi hpe ari n jaw na nhten!

BU HKAWM 11:1

Dai amyu masha ni shanhte hkrum sha ai tsin-yam tsindam a majaw dai Madu hpe aput hpang wa ma ai. Dai Madu gaw dai lam ni na jang masin pawt nna amyu masha ni a ntsa e wan dat dat wu ai. Dai gaw shanhte a ka-ang e hkru wa ai hte dap a jahtum shara langai mi hpe jahten kau nga ai.

BU HKAWM 14:40

Hpang jahpawt manap jau jau aten e, shanhte gaw bum ga shang gasat na nga rawt pru wa let, “Dai Madu anhte hpe tsun da mani ai mung de lung wa na matu ya anhte jin jin rai nga saga ai. Anhte galaw shut kau saga ai yubak hpe mung yin la saga ai,” ngu nna tsun ma ai.

BU HKAWM 22:12

Karai Kasang gaw Balam hpe, “Dai masha ni hte rau sa wa lu na n rai; Israela amyu masha ni hpe matsa lu na n rai; hpa majaw nga yang, shanhte gaw nye a shaman chyeju lu la ai ni rai nga ma ai,” ngu nna tsun wu ai.

BU HKAWM 22:33

Rai ti mung na a lawze ngai hpe mu nna masum lang koi yen kau nga ai. Shing rai n koi taw gaw, nang hpe ngai sat kau nna lawze hpe jahkrung da na we ai,” ngu nna tsun wu ai.

1 SAMUELA 15:24

Shawlu gaw, “Rai sa, ngai shut kau ni ai law; ngai gaw dai Madu a hkang da ai ga hte na a matsun maroi ga ni hpe n madat kau se ai. Ngai gaw nye a masha ni hpe hkrit we ai majaw shanhte ra ai hku galaw kau shangun se ai.

1 SAMUELA 15:30

Shawlu gaw, “Ngai shut kau ni ai; rai ti mung, nye a amyu masha ni a ningbaw ni hte Israela yawng a man e, ngai hpe dik dik hkungga lara ai lam naw madun dan mi. Dai Madu na a Karai Kasang hpe ngai nawku lu n-ga, ngai hte rau nhtang wa ga,” ngu nna tsun htang wu ai.

1 SAMUELA 24:17

Dai hpang, shi gaw Dawi hpe, “Nang galaw ai lam jaw nga ai; ngai mahtang shut nga nngai. Ngai nang hpe dai zawn shut ai hku galaw kau ti mung nang chyawm gaw ngai hpe grai kaja ai hku galaw nga nit dai!

1 SAMUELA 26:21

Shawlu gaw, “Ngai shut kau ni ai. Nye kasha Dawi e, bai wa rit! Nang gaw nye a asak hpe dai na e jahkrung da ya nga ndai majaw, ngai nang hpe galoi mung n machyi hkra shangun na ni ai. Ngai mahtang mana ni ai! Ndai zawn re ai hkrit hpa amu hpe ngai galaw shut kau ni ai!,” ngu nna htan wu ai.