BU HKAWM 22:28 - Jinghpaw Common Language Bible 2009

²⁸ Dai hpang jang dai Madu gaw lawze hpe ga tsun na n-gun jaw ya wu ai rai nna Balam hpe, “Ngai nang hpe hpa di kau we ta? Nang gaw ngai hpe masum lang hpa majaw kayat kau n ta?,” ngu nna tsun wu ai.

Jinghpaw Hanson Version Bible

²⁸ Shaloi Yehowa dai lawze a n-gup hpaw ya wu ai rai nna, lawze dai gaw, “Nang ngai e masum lang du hkra kayat na gaw, ngai nang hpe hpa di de ta?” ngu nna Balam hpe tsun wu ai.

BU HKAWM 22:28 ပူးပေါင်းရင်းမြစ်များ

PRU MAT 4:11

Dai Madu gaw shi hpe, “Masha a n-gup hpe kadai jaw a ta? Ma-a ai hte na lahpang ai wa hpe kadai galaw a ta? Myi mu hkra shi hpe kadai jaw nna, kadai wa myi kyaw shangun a ta? Dai gaw Ngai Madu nan rai nga nngai.

BU HKAWM 22:29

Balam mahtang, “Nang ngai hpe mana shachyoi kau nit dai majaw nhtu lu taw gaw, ngai nang hpe sat kau na we ai,” ngu nna htan wu ai.

LUKA 1:37

Kaning rai nme law, Karai Kasang n galaw lu ai lam hpa mung n nga ai,” ngu nna htan wu ai.

ROMA 8:22

Hpa majaw nga yang hpan da hkrum ai ndai mungkan ting gaw shinggyim machyi ai zawn ya ndai aten du hkra machyi madai sharung nga ai hpe anhte chye ga ai.

1 KORINHTU 1:19

Hpa majaw nga yang, dai Chyum Laika hta, “Hpaji rawng ai ni a hpaji hpe ngai jahten kau na nngai, hpaji ninghkrin ni a chye na ai lam hpe ngai yeng seng kau ya na mawe ai,” nga nna ka da nga ai.

2 PETRU 2:16

Balam gaw shi galaw ai yubak a majaw daru sharin ai hkrun nu ai. Shi a Lawze gaw masha nsen hte ga shaga wa nna myihtoi wa a mana n gring ai amu hpe jahkring kau ya sai.