BU HKAWM 22:23 - Jinghpaw Common Language Bible 2009

²³ Lawze gaw dai yang e nhtu lang let tsap nga ai hpe mu jang, lam makau de yen mat wa nna, yi de kayin shang mat wa wu ai. Balam mung lawze hpe kayat nhtawm lam de bai hkrau bang la wu ai.

Jinghpaw Hanson Version Bible

²³ Shaloi Yehowa a lamu kasa, nhtu shachyen lang let, lam e tsap nga ai hpe lawze gaw mu nna, lam kau de yen ai hte yi de shang wa wu ai: Balam chyawm gaw dai lawze hpe kayat nna lam de hkrau la wu ai.

BU HKAWM 22:23 ပူးပေါင်းရင်းမြစ်များ

2 HKAWHKAM 6:17

Dai hpang shi gaw, “O Madu e, shi mu lu u ga, shi a myi hpaw ya u!,” ngu nna hpyi wu ai. Dai Madu mung shi akyu hpyi ai ga hpe htan ya wu ai rai nna Elisha a shangun ma wa yu dat wu yang Elisha a grup yin na bum nhkrem hkan e, wan gumra ni hte wan hpyen leng ni hte hpring nga ai hpe shi mu wu ai.

1 HKAWHKAM LABAU 21:16

Dai lamu kasa gaw Yerusalem mare hpe jahten sharun kau na matu shi a lata hta nhtu lang da nhtawm nbung ka-ang e tsap nga ai lamu kasa hpe Dawi mu wu ai. Dawi hte shi a amyu masha ni a ningbaw ni gaw lachyit nba bu hpun let shanhte a myi man ga de du hkra gum dagup nga ma ai.

YEREMIA 8:7

Mali tau u ni pyi bai pyen nhtang wa na aten hpe chye ma ai; hkrudu, pilan hte u kawp ni gaw htawt hkawm na aten hpe chye ma ai. Rai ti mung, nye a amyu masha ni e, ngai nang hpe up hkang ai tara ni hpe pyi nang n chye ndai.

Daniela 10:7

Ngai chyu sha dai shingran mu ai wa rai nga nngai. Ngai hte rau nga ai masha ni kadai mung hpa n mu ma ai, rai ti mung shanhte gaw hkrit gari ai hte hprawng makoi mat ma ai.

BU HKAWM 22:22

Balam hkan sa wa wu ai majaw Karai Kasang masin pawt wu ai. Balam gaw shi a lawze hta jawn let shangun ma lahkawng hte rau sa wa nga yang, dai Madu a lamu kasa gaw shi sa wa ai lam hpe hkum pat na nga, lam e tsap nga wu ai.

BU HKAWM 22:24

Dai hpang lamu kasa gaw sabyi sun lahkawng a lapran kade nde nlung shakum nga nna gyip ai lam hta tsap nga wu ai.

KASA 22:9

Ngai hte rau sa ai ni chyawm gaw dai nhtoi hpe mu shajang ma ai rai ti mung, ngai e shaga nga ai wa a nsen hpe n na lu ma ai.

YAWSHU 5:13

Yawshu gaw Yerihko mare makau e nga nga yang, shi a man e nhtu lang nna tsap nga ai masha langai mi hpe akajawng sha mu dat wu ai. Bai Yawshu gaw shi hpang de sa wa nhtawm, “Nang gaw anhte a hpyenla langai ngai rai nga n ni? Shing n rai gumlau hpyen rai nga n ni?,” ngu nna san wu ai.

2 PETRU 2:16

Balam gaw shi galaw ai yubak a majaw daru sharin ai hkrun nu ai. Shi a Lawze gaw masha nsen hte ga shaga wa nna myihtoi wa a mana n gring ai amu hpe jahkring kau ya sai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.