BU HKAWM 22:18 - Jinghpaw Common Language Bible 2009

¹⁸ Rai ti mung Balam chyawm gaw, “Balak wa ngai hpe shi a hkawhkam htingnu na ja gumhpraw yawng jaw lu wu ai rai yang pyi dai Madu nye a Karai Kasang a hkang da ai ga hta lai nna, kaji htum ai amu hta pyi ngai n galaw lu nngai.

Jinghpaw Hanson Version Bible

¹⁸ Balam chyawm gaw, “Balak wa, ja gumhpraw hpring ai, shi a hkaw wa mi jaw lu timung, nye a Karai Kasang Yehowa a ga lai nna, amu kaji amu kaba, hpa mung ngai n galaw lu nngai.

BU HKAWM 22:18 ပူးပေါင်းရင်းမြစ်များ

1 HKAWHKAM 13:8

Dai myihtoi wa mung, “Na a sut gan ka-ang hkup mi ngai hpe jaw tim pyi nang hte rau lu rau sha na matu, ngai nang kaw n hkan nang lu na nngai.

1 HKAWHKAM 22:14

Rai ti mung Mihkaia mahtang, “Ngai gaw shi e ngai hpe tsun ai hte sha ngai tsun na we ai gaw ahkrung nga ai dai Madu hta ngai ga sadi tawn da nngai!,” ngu nna htan wu ai.

2 HKAWHKAM LABAU 18:13

Rai ti mung Mihkaia mahtang, “Ahkrung nga ai dai Madu hku nna sha nye a Karai Kasang ngai hpe tsun ai ga hpe tsun na nngai,” ngu nna htan wu ai.

YOBA 3:15

Dai hpang ngai gaw tinang a nta hta aja gumhpraw hte jahpring ai hkawhkam shadang sha ni zawn ngai yup pyaw na ni ai,

Daniela 5:17

Daniela gaw, “Na a kumhpa ni gaw na a matu she rai nga u ga; shing n rai marai langai ngai hpe jaw u. Dai ka da sai laika ga gaw nang madu hkawhkam wa a matu ngai hti nna, de a lachyum tsun dan na de ai.

BU HKAWM 22:19

Rai ti mung dai Madu ngai hpe lama mi naw tsun na hpe ngai chye la lu n-ga, shawng na ni zawn chyeju hte lana mi naw hkring nga ya mi,” ngu nna htan wu ai.

BU HKAWM 22:38

Balam gaw, “Ngai du ni ai n rai ni? Ya rai tim, ngai kaning re ai daru magam n-gun wa lu nga a ta? Karai Kasang ngai hpe tsun shangun ai ga hpe chyu sha tsun lu na nngai,” ngu nna htan wu ai.

BU HKAWM 22:8

Balam gaw shanhte hpe, “Lana mi sha gaw nang e nga shalai kau mu, dai Madu ngai hpe tsun ai hte maren hpawt de rai jang ngai nanhte hpe tang madun na mawe ai,” ngu nna tsun wu ai. Shingrai Moba ningbaw ni mung Balam hte rau hkring nga ma ai.

BU HKAWM 23:26

Balam mung, “Dai Madu ngai hpe tsun ai hte maren sha, lam shagu ngai galaw lu na nngai, ngu nna ngai nang hpe tsun yu ni ai n rai ni?,” ngu nna htan wu ai.

BU HKAWM 24:12

Balam chyawm gaw, “Na a hkaw na ja gumhpraw yawng ngai hpe jaw tim pyi, dai Madu a hkang da ai ga hta lai nna nye a myit hte kaning re ai amu hpe mung n galaw lu nngai. Dai Madu ngai hpe tsun shangun ai hpe sha ngai tsun na nngai ngu nna ngai hpang de shangun dat ai na a kasa ni hpe ngai tsun ni ai,” ngu nna htan wu ai.

KASA 8:20

Rai ti mung Petru gaw, “Karai Kasang a kumhpaw kumhpa hpe gumhpraw hte mari la lu na re ai ngu nna nang myit nga ndai majaw nang hte na a gumhpraw gaw ngarai mung hta hten bya mat u ga.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

YAWSHU 24:10

ngai chyawm gaw Balam a ga n madat ya we ai; dai rai nna shi nanhte hpe shaman ya nga ai. Dai hku nna ngai nanhte hpe Balak a lata kaw na hkye mawai la made ai.