BU HKAWM 21:7 - Jinghpaw Common Language Bible 2009

⁷ Amyu masha ni mung Mawshe hpang de sit sa nhtawm, “Anhte gaw dai Madu hte nang hpe nhtan shai ai hku tsun kau saga ai majaw yubak galaw kau saga ai. Ndai lapu ni hpe la kau ya na dai Madu hpe ya jang hpyi nem ya mi,” ngu nna tsun ma ai. Dai rai nna Mawshe gaw amyu masha ni a matu hpyi nem ya wu ai.

Jinghpaw Hanson Version Bible

⁷ Shaloi amyu masha ni gaw Mawshe hpang de sa nna, “Anhte gaw Yehowa hte nang hpe nhtan shai ai hku tsun kau ai majaw shut saga ai: Yehowa dai lapu ni hpe anhte kaw na seng kau ya mi ga, anhte a matu hpyi ya mi,” nga nna nem ma ai. Mawshe mung amyu masha ni a matu hpyi ya wu ai.

BU HKAWM 21:7 ပူးပေါင်းရင်းမြစ်များ

NINGPAWT NINGHPANG 20:17

Abraham a madu jan Sara hta byin lai wa sai lam a majaw dai Madu gaw Abimelek a hkaw wang na numsha kadai hpe mung kashu kasha n kap hkra dim da nu ai. Dai rai nna Abraham gaw Abimelek a matu akyu hpyi ya wu yang, shi hpe mung, shi a madu jan hte mayam num ni hpe mung Karai Kasang shamai ya nu ai rai nna shanhte gaw kashu kasha ni shaprat mu ai.

NINGPAWT NINGHPANG 20:7

Rai ti mung, ya chyawm gaw dai num hpe shi a madu wa a lata de bai ap ya u. Shi myihtoi rai nga ai hte maren, na a matu shi akyu hpyi ya na ra ai; shaloi nang si lu na ndai n rai. Rai ti mung, nang shi hpe n ap ya ai rai yang chyawm gaw nang hte na a masha ni yawng si htum mat na myit dai hpe ngai sadi jaw nga nngai,” ngu nna htan wu ai.

1 HKAWHKAM 13:6

Hkawhkam Yeroboam gaw myihtoi wa hpe, “Chyeju hte dai Madu na a Karai Kasang kaw nye a matu akyu hpyi ya e; nye a lata lahpum hpe bai shamai ya na shi kaw hpyi nem ya e!,” ngu nna tsun wu ai. Shaloi myihtoi wa mung dai Madu kaw akyu hpyi ya wu ai rai nna hkawhkam wa a lata lahpum mai tsai mat wu ai.

2 HKAWHKAM 13:4

Dai hpang Yehoahaza gaw dai Madu kaw akyu hpyi wu ai rai nna Israela masha ni hpe Suri hkawhkam wa laja lana rai gade wa zingri zingrat dip gamyet sha nga ai hpe dai Madu mu jang shi a akyu hpyi ga hpe htan ya wu ai.

YOBA 42:10

Yoba gaw shi a manang marai masum a matu akyu hpyi ngut jang, dai Madu gaw shi shawng e lu malu mahkra hta htam lahkawng bai jat ya let shi hpe bai ngamu ngamai shangun wu ai.

YOBA 42:8

Ya, usu sanit hte sagu la sanit Yoba hpang de la sa nna, dai ni hpe nanhte a matu shagu hkungga shatai let nawng ya mu. Shaloi, Yoba gaw nanhte a matu akyu hpyi ya na ra ai; ngai mung shi a akyu hpyi ga hpe htan ya na nngai; nanhte hkam la ging ai ari hte maren ngai kaya n jahkrum na nngai. Nanhte gaw shi galaw ai zawn nye a lam hpe teng man ai hku n tsun nga myit dai,” ngu nna tsun wu ai.

SHAKAWN KUNGDAWN 106:23

Shi gaw shi a amyu masha ni hpe jahten kau na nga, Karai Kasang tsun wu ai shaloi, shi lata la ai shangun ma kaja Mawshe gaw shi a man e, rawt tsap nna, shanhte hpe n shamyit kau u ga, shi a masin kahtet ai hpe shakawp ya wu ai.

SHAKAWN KUNGDAWN 78:34

Shanhte kaw na n kau mi hpe shi sat kau ai aten shagu hta, ngam ai ni gaw shi hpang de kayin wa ma ai; shanhte myit malai wa nna, Madu kaw akroi anoi akyu hpyi nga ma ai.

PRU MAT 10:17

Ndai lang mi sha gaw nye a yubak hpe naw dat kau ya mi. Ndai si shangun lu ai ari hpe mung ngai kaw na yeng kau ya na matu nan a Karai Kasang kaw hpyi nem ya mi,” ngu nna tsun wu ai.

PRU MAT 32:11

Rai ti mung, Mawshe mahtang dai Madu shi a Karai Kasang hpe, “Madu e, chyalai n-gun kaba, daru magam n-gun hte Egutu mung kaw na nang hkrang shaw wa ai na a amyu masha ni hpe hpa majaw masin grai pawt nga n ta?

PRU MAT 32:30

Hpang shani e Mawshe gaw shi a amyu masha ni hpe, “Nanhte gaw hkrit hpa yubak galaw shut kau manit dai. Rai ti mung, ya chyawm gaw ngai mung dai Madu nga ai bum de bai lung wa nna nanhte shut kau ai yubak raw dat kau ya na matu, mahkoi htingrat ya lu nhten,” ngu nna tsun wu ai.

PRU MAT 8:28

Hkawhkam wa gaw, “Nanhte tsan tsan de n sa na myit dai rai yang chyawm gaw dai Madu nanhte a Karai Kasang hpe nam mali e hkungga nawng jau shangun na made ai; nye a matu mung hpyi nem ya mi,” ngu nna tsun wu ai.

PRU MAT 8:4

Dai shu ni gaw nang hta mung, na a amyu masha ni hta mung, na a du salang ni yawng hta mung gumjawt lung wa na mara ai.’”

PRU MAT 8:8

Hkawhkam wa gaw Mawshe yan Arun hpe shaga la nna, “Ndai shu ni hpe seng kau ya na matu dai Madu kaw hpyi nem ya mi, shaloi dai Madu hpe hkungga nawng jau lu na matu na a amyu masha ni hpe ngai dat dat ya na nngai,” ngu nna tsun wu ai.

ESAIA 26:16

Madu e, nang gaw na a amyu masha ni hpe ari jaw nga ndai, nni nkri hkrum ai shaloi shanhte nang kaw akyu hpyi ma ai.

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.

YEREMIA 37:3

Hkawhkam Zedekia gaw Shelemia a kasha Yehuhkala hte hkinjawng Masea a kasha Zehpania yan hpe ngai hpang de shangun dat nhtawm amyu masha ni yawng a malai dai Madu anhte a Karai Kasang kaw akyu hpyi ya na matu ngai hpe htet dat wu ai.

HOSEA 5:15

“Ngai gaw shanhte shut kau ai yubak ni a matu law ram hkra re ai nni nkri hkam sha ai hte ngai hpe hkan tam wa ai aten du hkra, nye a amyu masha ni hpe kau da na nngai. Shanhte hkam sha ai nni nkri a majaw shanhte ngai hpe mahkoi tam shakut wa na ma ai nhten.”

BU HKAWM 11:2

Amyu masha ni gaw Mawshe hpe jahtau let karum hpyi ma ai; Mawshe gaw dai Madu hpe hpyi nem wu ai majaw wan mung si mat nga ai.

MAHTE 27:4

“Ngai gaw mara n lu ai masha langai mi hpe si na matu ap kau we ai majaw, yubak kap ni ai,” ngu mu ai. Shanhte gaw, “Dai anhte hte hpa seng nga a ta? Dai na a amu she rai lit dai!,” ngu mu ai.

KASA 8:24

Shaloi Simun gaw, “Ngai hta nan tsun ai lam hpa mung n du u ga, nye a matu chyeju hte Madu kaw akyu hpyi ya mi,” ngu nna Petru yan Yawhan hpe tsun mu ai.

ROMA 10:1

Hpu nau ni e, ngai gaw nye a amyu masha ni hkye hkrang la hkrum lu na matu nye a kraw lawang mahkra hte ra sharawng ndawt let shanhte a matu Karai Kasang kaw ngai akyu hpyi nga nngai.

TARA JAHPRANG 9:20

Arun hpe mung sat kau na nga, dai Madu shi hpe grai pawt wu ai; dai aten hta nan Arun a matu ngai hpyi nem ya we ai.

YAKU 5:16

Nanhte shamai shatsai ai hkrum myit ga, nanhte a yubak mara ni hpe shada da shapraw dan nna, shada da a matu mara akyu hpyi ya nga mu. Ding hpring ai wa a akyu hpyi ai ga gaw shabyin lu ai atsam law law rawng nga ai.

1 SAMUELA 15:24

Shawlu gaw, “Rai sa, ngai shut kau ni ai law; ngai gaw dai Madu a hkang da ai ga hte na a matsun maroi ga ni hpe n madat kau se ai. Ngai gaw nye a masha ni hpe hkrit we ai majaw shanhte ra ai hku galaw kau shangun se ai.

1 SAMUELA 15:30

Shawlu gaw, “Ngai shut kau ni ai; rai ti mung, nye a amyu masha ni a ningbaw ni hte Israela yawng a man e, ngai hpe dik dik hkungga lara ai lam naw madun dan mi. Dai Madu na a Karai Kasang hpe ngai nawku lu n-ga, ngai hte rau nhtang wa ga,” ngu nna tsun htang wu ai.