BU HKAWM 21:6 - Jinghpaw Common Language Bible 2009

⁶ Dai hpang dai Madu gaw amyu masha ni a lapran de atuk rawng ai lapu ni hpe shangun dat wu ai. Israela masha law law hte gaw achye hkrum ai hte si mat ma ai.

Jinghpaw Hanson Version Bible

⁶ Dai majaw Yehowa Israela amyu masha ni hta wan lapu shangun dat wu ai rai nna, masha law law wa lapu kawa ai hte si mat ma ai.

BU HKAWM 21:6 ပူးပေါင်းရင်းမြစ်များ

ESAIA 14:29

Hpilisti masha ni e, nang hpe kayat ai hkawn daw mat sai, rai ti mung nanhte kabu lu na lam hpa mung n nga nga ai. Lapu mi si yang, de a shara hta grau sawng ai langai du nga ai. Lapu a di gaw pyen chye ai baren hpe hpum shakraw nga ai.

ESAIA 30:6

Ndai gaw dingda nam mali e nga ai dusat ni hte seng ai Karai Kasang a mungga rai nga ai: “Dat kasa ni gaw hkanghkyi ni, atuk rawng ai lapu ni hte pyen ai baren ni nga nga ai dai hkrit tsang ra ai mungdan hku ga lai mat wa ma ai. Shanhte gaw shanhte a lawze ni hte gawla-uk ni hta manu dan ai kumhpa ni mara nna, shanhte hpe loi mi pyi n karum ya lu ai amyu baw ni a matu htaw sa ma ai.

YEREMIA 8:17

Dai Madu gaw, “Yu u, Mandan hpaji hte n shangap lu ai atuk ja ai lapu pu htum ni, ngai nang hpang de shangun dat nga nngai, dai ni gaw nang hpe achye na mara ai,” ngu nna tsun ai.

EZEKELA 14:15

“Shing n rai, ngai gaw amyu masha ni hpe kawa amya sat na matu matse labye ni hpe shangun dat nhtawm, dai mungdan hta kadai mung n lai hkawm lu hkra, hkrit hpa shara shatai kau na we ai,

1 KORINHTU 10:9

Shanhte nkau mi dai Madu hpe chyam dinglik nna lapu e kawa sat kau ai hkrum ma ai zawn, anhte mung Madu hpe chyam dinglik lu na n rai.

TARA JAHPRANG 8:15

Shi gaw nanhte hpe atuk rawng ai lapu hte n-gaw gawk ni sawng ai dai hkrit hpa htat ai nam mali hku woi wa nhtawm, hkun hkraw nna lu na hka n nga ai shara hta nanhte a matu nhpai lungkring hta na hka shapraw jaw wu ai.