BU HKAWM 21:4 - Jinghpaw Common Language Bible 2009

⁴ Israela masha ni gaw Hora Bum na pru wa nhtawm Edom mung hpe hkawm gawai mat wa na matu, Nawng Hkyeng lam hkan nna hkawm sa wa ma ai. Rai ti mung amyu masha ni mahtang shanhte hkawm sa wa ai hkrun lam hta n hkam sharang lu ma ai majaw Karai Kasang hte Mawshe hpe gumlau ma ai.

Jinghpaw Hanson Version Bible

⁴ Ya shanhte Hora bum na htawt nna, Edom mung hpe hkawm kawai wa na matu, nawng hkyeng lam hku hkawm wa ma ai: dai lam hta hkawm sa yak ai majaw amyu masha ni myit htum shajang ma ai.

BU HKAWM 21:4 ပူးပေါင်းရင်းမြစ်များ

2 HKAWHKAM 3:8

Dai re ai gaw gara lam hku anhte lung gasat na rai nga ga ta?,” ngu wu ai. Ya Yoram chyawm gaw Edom mung nam mali hku lam galu hkawm lung wa na re ai,” ngu nna htan wu ai.

PRU MAT 6:9

Mawshe gaw dai lam Israela amyu masha ni hpe tsun wu ti mung, shanhte a mazut ai mayam prat hta hten run mat sai shanhte a wenyi a majaw shanhte shi a ga hpe n madat na ma ai.

BU HKAWM 14:25

Amalek masha ni hte Hkanan masha ni ya shanu nga ai Kadit ni hpe madu la lu na rai ma ai. Dai rai nna hpawt ni jang, nhtang kayin mat wa nhtawm Nawng Hkyeng maga de nga ai nam mali kata de shang mat wa mu,” ngu nna tsun wu ai.

BU HKAWM 20:27

Mawshe mung dai Madu hkang da nu ai hte maren galaw wu ai. Shanhte gaw shawa hpung ting a man e Hora Bum de lung wa ma ai.

BU HKAWM 32:7

Dai Madu gaw Israela amyu masha ni hpe jaw ai mung kata de Yawdan hka rap nna shang wa na hpe nanhte hpa majaw myit shadaw gwi nga myit ta?

BU HKAWM 32:9

Shanhte gaw Eshkola Kadit du hkra sa nna, dai mung hpe mada yu nhtawm bai nhtang wa yang, dai Madu shanhte hpe mada yu nhtawm bai nhtang wa yang, dai Madu shanhte hpe jaw ya ai mung de shang sa wa na kaw na amyu masha ni hpe shanhte myit shadaw ya yu manu ai.

BU HKAWM 33:41

Hora Bum kaw nna Moba pa de du hkra Israela masha ni but ai shara ni gaw Zalmona, Punon, Obot, Moba lamu ga jarit na hten run mat sai Abarim, Dibon Gad, Almon Diblahtim, Nebo Bum makau na Abarim Bum ni, dai kaw na Moba pa hta nga ai Yawdan hka hkran, Yerihko hte tawtap ngu na Bet Yeshimot hte Akasia Kadit yan a lapran hte rai nga ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

TARA JAHPRANG 1:40

Rai ti mung nanhte chyawm gaw Nawng Hkyeng de hkrang ai lam dingyang na nam mali kata de kayin bang bang rai nna nhtang sa wa mu,’ ngu nna tsun nga ai.

TARA JAHPRANG 2:1

Dai Madu anhte hpe hkang dat ai hte maren, anhte gaw jahtum e Nawng Hkyeng de hkrang ai lam dingyang na nam mali kata de kayin bang mat wa saga ai. Shing rai Edom bum ga e anhte aten na na kayin brak hkawm kau saga ai.

TARA AGYI 11:18

Dai hpang shanhte gaw nam mali hku ga sa wa let Moba mung a sinpraw maga, Arnon hka wora hkran de du hkra Edom hte Moba mung ni hpe gawai let hkawm sa wa ma ai. Dai yang hkan shanhte dap jung ma ai; rai ti mung dai shara gaw Moba a lamu ga jarit rai nga ai majaw Arnon hka hpe n rap ma ai.