BU HKAWM 21:34 - Jinghpaw Common Language Bible 2009

³⁴ Dai Madu gaw Mawshe hpe, “Shi hpe hkum hkrit et; shi hte shi a masha yawng hpe mung, shi a lamu ga hpe mung dang la kau na ahkang nang hpe ngai jaw na de ai. Heshbon mare na Amori Hkawhkam Sihon hpe shamyit kau ai zawn shi hpe mung shamyit kau na rai ndai,” ngu nna tsun wu ai.

Jinghpaw Hanson Version Bible

³⁴ Shaloi Yehowa Mawshe hpe, “Shanhte hpe hkum hkrit myit! shi hte shi a masha nlang hpe mung, shi a lamu ga mung, na a lata hta ngai ap sade ai: Hesbon mare na Amori hkawhkam Sihon hpe di ai zawn, ndai wa hpe mung di na rai myit dai,” ngu wu ai.

BU HKAWM 21:34 ပူးပေါင်းရင်းမြစ်များ

2 SAMUELA 5:19

Dawi gaw dai Madu hpe, “Hpilisti masha ni hpe sa gasat lu na rai ni? Nang ngai hpe awng padang jaw ya na n ni?,” ngu nna san wu ai. Dai Madu mung, “Rai sa, htim gasat su! Ngai nang hpe awng padang jaw na de ai!,” ngu nna htan wu ai.

1 HKAWHKAM 20:13

Dai aten hta myihtoi langai mi gaw Hkawhkam Ahab kaw sa nhtawm, “Dai Madu gaw dai hpyen hpung kaba hpe hkum hkrit et! Dai ni pyi shanhte hpe dang kau lu ai awng padang ngai nang hpe jaw na de ai; shaloi ngai nan dai Madu rai nga nngai hpe nang chye lu na rai ndai ngu tsun ai,” ngu nna tsun wu ai.

1 HKAWHKAM 20:28

Myihtoi langai mi gaw Hkawhkam Ahab kaw sa nhtawm, “Dai Madu ning nga tsun ai. Ngai gaw layang ga na karai n rai, bum ga hkan na karai langai rai nga nngai, nga nna Suri masha ni tsun mu ai majaw ngai nan dai Madu rai nga nngai hpe nang hte na a amyu masha ni chye lu hkra, shanhte a hpyen luksuk kaba hpe dang kau lu ai awng padang ngai nang hpe jaw na we ai,” ngu nna tsun wu ai.

2 HKAWHKAM 3:18

Elisha gaw matut nna, “Rai ti mung dai chyawm gaw dai Madu galaw na matu aloi sha re ai amu rai nga ai; Moba masha ni hpe dang kau na awng padang shi nanhte hpe mung jaw na ra ai.

ESAIA 41:13

Ngai gaw dai Madu na a Karai Kasang rai nga nngai; Ngai gaw nang hpe n-gun jaw nna nang hpe, ‘Hkum hkrit et; ngai nang hpe karum na nngai,’ ngu nna tsun nngai.

BU HKAWM 14:9

Dai Madu hpe hkum gumlau nga myit; dai mung e nga ai masha ni hpe mung hkum hkrit nga myit. Anhte gaw shanhte hpe aloi sha dang kau lu na ga ai. Dai Madu gaw anhte hte rau anga nga ai majaw shanhte hpe makawp maga la na karai ni hpe dang kau na nu ai; dai re ai majaw hkum hkrit nga myit,” ngu nna tsun ma ai.

TARA JAHPRANG 2:30

“Rai ti mung, Hkawhkam Sihon gaw anhte hpe shi a mung hku ga lai wa na ahkang n jaw mi ai. Dai Madu nanhte a Karai Kasang gaw shi a myit shaja ya nhtawm gumlau shangun mi ai majaw shi hpe anhte dang kau ai hte shi a lamu ga la kau ya nna ya du hkra anhte naw madu da nga ga ai.

TARA JAHPRANG 20:3

hpyen luksuk hpe, ‘Israela masha ni e, madat mu! Dai ni, nanhte majan pa de rawt sa wa nga myit dai. Nanhte a gumlau hpyen ni hpe hkum hkrit myit, myit mung hkum yu htum myit; hkum kajawng hkum kahpra nga myit.

TARA JAHPRANG 3:1

“Dai hpang, anhte mung dingdung maga Bashan ginwang de shanang lung wa ga ai rai nna, Hkawhkam Oga mung shi a masha ni yawng hte anhte hpe hkap gasat na matu, Edri mare makau de pru sa wa ma ai.

TARA JAHPRANG 3:11

(Hkawhkam Oga gaw Rehpim amyu a jahtum ngam nga ai hkawhkam rai nga ai. Shi a da-u gaw nlung hte galaw da wu ai rai nna shadawn shadang hte maren nga yang, galu de pe 14 daram, nda de pe 6 daram rai nga ai. Dai hpe Amon masha ni a mare Raba e dai ni du hkra naw mu lu nga ai.)

TARA JAHPRANG 31:6

Myit jahkut daw dan ai hte kam hpa nga mu. Shanhte hpe hkum hkrit myit. Dai Madu nanhte a Karai Kasang gaw nanhte hte rau anga nga ai; shi nanhte hpe kabai kau na n rai; nanhte hpe kau da na n rai,” ngu nna tsun wu ai.

TARA JAHPRANG 7:17

“Ndai masha amyu ni nanhte hta grau law ai mi, shanhte hpe kaning di gawt shapraw kau lu na rai a hka!, nga nna nanhte nan hkum tsun myit.

TARA JAHPRANG 7:18

Shanhte hpe hkum hkrit myit; dai Madu nanhte a Karai Kasang gaw Egutu hkawhkam wa hte shi a masha ni yawng hpe kaning di kau nu ai hpe adum nga mu.

TARA JAHPRANG 7:21

Dai rai nna ndai masha ni hpe hkum hkrit myit. Dai Madu nanhte a Karai Kasang gaw nanhte hte rau rai nga ai; shi gaw galu kaba ai Karai Kasang rai nga ai hte hkrit kamyin ging ai wa rai nga ai.

TARA JAHPRANG 7:24

Shi gaw shanhte a hkawhkam hpe mung, na a lata hta ap ya na ra ai rai nna, shanhte hpe sat kau lu nhtawm shanhte mung malap kau ai hkrum na mara ai. Masha shagu hpe nanhte shamyit kau lu na rai myit dai; kadai mung nanhte hpe jahkring da lu na ma ai n rai.

YAWSHU 10:25

Dai hpang Yawshu gaw shi a du salang ni hpe, “Hkum hkrit nga myit, myit hkum daw nga myit. Dai Madu gaw nanhte a gumlau hpyen ni yawng hpe ning rai galaw na rai nga ai majaw myit jahkut daw dan nna kam hpa nga mu,” ngu nna tsun wu ai.

YAWSHU 10:8

Dai Madu gaw Yawshu hpe, “Shanhte hpe hkum hkrit et; ngai nang hpe awng padang jaw ya sade ai. Shanhte hta na kadai mung nang hpe hkap daw lu na ma ai n rai,” ngu nna tsun wu ai.

YAWSHU 8:7

Dai hpang, nanhte gaw up nga ai kaw na pru wa nhtawm dai mare hpe gasat dip la na rai myit dai. Dai Madu nanhte a Karai Kasang gaw nanhte a lata hta dai mare ap ya na ra ai.

TARA AGYI 11:30

Yephta gaw dai Madu hpe, “Amon masha ni hpe gasat dang lu ai awng padang nang ngai hpe jaw ai rai yang,

1 SAMUELA 23:4

Dai re ai majaw, dai Madu hpe Dawi lang mi bai san yu wu ai rai nna, dai Madu gaw shi hpe, “Hpilisti masha ni hpe gasat dang lu ai awng padang ngai nang hpe jaw ya na de ai majaw Kila mare hpe sa htim gasat u,” ngu nna tsun wu ai.