BU HKAWM 21:33 - Jinghpaw Common Language Bible 2009

³³ Dai hpang Israela masha ni kayin wa nhtawm Bashan mung de hkrang ai lam hku lung wa ai rai nna Bashan Hkawhkam Oga mung shi a hpyen luksuk hte shanhte hpang de pru sa nna Edri shara e hkap gasat wu ai.

Jinghpaw Hanson Version Bible

³³ Shaloi shanhte dai kaw na kayin nna Bashan mung de lung wa ma ai: Bashan hkawhkam Oga mung shi a masha ni nlang hte hte Edri shara e hkap gasat na pru sa wa ai.

BU HKAWM 21:33 ပူးပေါင်းရင်းမြစ်များ

SHAKAWN KUNGDAWN 135:11

Amori masha ni a hkawhkam Sihon, Bashan hkawhkam Oga hte Hkanan mung na hkawhkam ni mahkra hpe mung sat kau nu ai.

SHAKAWN KUNGDAWN 136:20

Bashan hkawhkam Oga hpe sat kau nu ai; shi a tsaw ra myit htani htana agrin nga ai.

SHAKAWN KUNGDAWN 22:12

Gumlau hpyen law law ni gaw ngai hpe usu ni zawn wang gawan da mi ai; Bashan ga na matse ai usu ni zawn shanhte ngai hpe shinggrup da mi ai.

SHAKAWN KUNGDAWN 68:15

Bashan bum gaw grai kaba nga nna, bum pungding law law marawng nga ai bum rai nga a hka!

SHAKAWN KUNGDAWN 68:22

Dai Madu gaw, “Na a gumlau hpyen ni hpe Bashan kaw nna bai shaga shapraw la na nngai; nammukdara a sung htum ai shara kaw na mung ngai shanhte hpe shaga shapraw la na nngai,

ESAIA 33:9

Mungdan gaw yu lagawn na zawn tai nna katsi katsang shara rai mat sai. Lebanon nam maling ni nyui mat sai, ga sau rawng ai Sharon kadit gaw zaibru jang zawn tai nga ai, Bashan hte Hkarmela Bum ntsa na hpun lap ni run hkrat nga ai.

EZEKELA 27:6

Shanhte gaw li lashap galaw na matu Bashan mung na wamyi hpun ni lang ma ai; Kupru zunlawng na pru ai marau hpun hpe mung shanhte la nna dai hpe magwi kawng ni hte hkrep nhtawm li hpe mawn shatsawm nga ma ai.

EZEKELA 39:18

Shanhte gaw share ninghkrin ni a ashan sha nna, mungkan ga up hkang ai mung du ni a asai ni hpe lu na mara ai; yawng hte mung sagu la, sagu kasha, bainam hte hpum sau ai usu ni zawn sat kau hkrum na mara ai.

AMO LAIKA (AMOS) 4:1

Yaw jahpum da ai Bashan na nga kanu ni zawn galu kaba hpum tsawm nga ai Samari numsha ni e, ndai ga madat mu, nanhte gaw n-gun kya ai ni hpe n gawn n sawn di nna, matsan mayan masha ni hpe dip gamyet sha nhtawm nanhte a madu wa ni kaw lu na sabyi ntsin shapraw ya na hpyi nga myit dai.

BU HKAWM 32:33

Dai rai nna Mawshe gaw Amori Hkawhkam Sihon a, lamu ga yawng hte Bashan Hkawhkam Oga a lamu ga hte de a grup yin na kahtawng ni lawm hkra, Gad hte Rubin a amyu bawsang ni hte Manashe a amyu bawsang ka-ang hkup hte hpe masat ya wu ai.

TARA JAHPRANG 1:4

Ndai lam gaw Heshbon mare e hkaw dung ai Amori Hkawhkam Sihon hte Edri, Ashtarot e hkaw dung ai Bashan Hkawhkam Oga yan hpe dang kau ai hpang, dai Madu tsun ai ga rai nga ai.

TARA JAHPRANG 2:30

“Rai ti mung, Hkawhkam Sihon gaw anhte hpe shi a mung hku ga lai wa na ahkang n jaw mi ai. Dai Madu nanhte a Karai Kasang gaw shi a myit shaja ya nhtawm gumlau shangun mi ai majaw shi hpe anhte dang kau ai hte shi a lamu ga la kau ya nna ya du hkra anhte naw madu da nga ga ai.

TARA JAHPRANG 29:7

Anhte gaw ndai shara de pru sa wa ai shaloi, Heshbon Hkawhkam Sihon hte Bashan Hkawhkam Oga anhte hpe hkap gasat na nga pru sa wa ma ai. Rai ti mung anhte gaw shanhte hpe dang kau lu nna,

TARA JAHPRANG 32:14

Shanhte a dumsu, bainam ni chyu alaw alam jaw ma ai; ra n rawng ai dumsu yam nga, sagu bainam shanhte hta nga nga ai. Kaja htum ai hkaulan mam hte jet ai sabyi ntsin shanhte lu ma ai.

TARA JAHPRANG 4:47

Shanhte gaw shi a lamu ga hpe mung, Yawdan hka a sinpraw maga hkaw dung ai kaga Amori hkawhkam langai rai nga ai Bashan Hkawhkam Oga a lamu ga hpe mung madu la kau ya ma ai.

YAWSHU 12:4

Shanhte mung Rehpim amyu hta na hpang jahtum hkawhkam langai rai nga ai Bashan Hkawhkam Oga hte shi hkaw dung ai Ashtarot hte Edri mare ni hpe gasat dang la ma ai.

YAWSHU 13:12

Ashtarot hte Edri mare ni hpe up ai Rehpim amyu hta na hpang jahtum hkaw dung ai Oga a mungdan ting lawm nga ai. Dai masha amyu ni hpe Mawshe gasat dang nna gawt shapraw kau wu ai.

YAWSHU 13:30

Shanhte a lamu ga gaw Mahanim hte Bashan yawng hte Bashan Hkawhkam Oga a mungdan ting, Bashan mung Yaira kahtawng kru shi yawng lawm nga ai.