BU HKAWM 21:32 - Jinghpaw Common Language Bible 2009

³² Yazera mare hpe htim gasat la na matu, kaja htum ai mahkrun hkan sawk tam na masha ni hpe Mawshe shangun dat wu ai. Dai hpang Israela masha ni mung dai mare hte de a grup yin na kahtawng ni hpe gasat la nhtawm dai mung e nga nga ai Amori masha ni hpe shaden kau ma ai.

Jinghpaw Hanson Version Bible

³² Mawshe mung Yazera du hkra kin-yu yu shangun nna, dai mare ni hpe kashun la nhtawm, dai yang na Amori masha ni hpe shaden kau mu ai.

BU HKAWM 21:32 ပူးပေါင်းရင်းမြစ်များ

NINGPAWT NINGHPANG 15:21

Amori, Hkanani, Girgashi hte Yebusi masha ni nga ai mung ni lawm hkra, na a amyu matu ni hpe jaw na matu, ngai ga sadi tawn da se ai,” ngu nna tsun wu ai.

2 SAMUELA 24:5

Shanhte gaw Yawdan hka rap nhtawm Gad a lamu ga, kadit ka-ang e de da ai Aroera mare a dingda maga hta dap jung nga ma ai. Dai shara kaw nna mahtang dingdung maga Yazera mare de mung,

YEREMIA 48:32

Ngai gaw Sibma masha ni a matu hte dai hta grau nna Yazera masha ni a matu mung, marawn hkrap na nngai. Sibma mare e, nang gaw Jum Nawng lai di nna, Yazera de du hkra hkrawn sa wa ai sabyi lakung ni zawn rai nga ndai. Rai ti mung, ya chyawm gaw, na a mangai nsi naisi ni hte na a sabyi si ni gaw jahten sharun kau ai hkrum nga sai.

BU HKAWM 21:31

Dai rai nna Israela amyu masha ni gaw Amori mung hta nga nga ma ai rai nna,

BU HKAWM 32:1

Rubin hte Gad yan a amyu bawsang ni yam nga hpung law law lu ma ai. Dai rai nna Yazera mung hte Gilead mung hta yam nga a matu udat shara kade wa kaja nga ai hpe shanhte mu ma yang,

BU HKAWM 32:3

“Dai Madu gaw Israela amyu masha ni hpe karum nna shang madu la lu ai ndai ginwang na Atarot, Dibon, Yazera, Nimra, Heshbon, Eleale, Sibma, Nebo hte Beon kahtawng ni gaw yam nga rem sha na matu kaja ai lamu ga ni rai nga ai; anhte hta mung yam nga grai law nga mali ai.

BU HKAWM 32:35

Atrot Shohpan, Yazera, Yogbeha,

YAWSHU 13:25

Shanhte a lamu ga gaw Yezera mare hte Gilead mung ting na mare ni yawng hte Raba sinpraw ang de na Aroera du hkra,

YAWSHU 24:12

Nanhte rawt lung wa myit yang, dai Amori hkawhkam yan hpe shaden shapraw kau na matu shanhte hpang de hkrit kajawng ai baw ngai dat dat nngai. Nanhte a nhtu ndan ni lang ra myit dai n rai.