BU HKAWM 21:28 - Jinghpaw Common Language Bible 2009

²⁸ Lang mi ndai Heshbon mare kaw na Sihon a Hpyen luksuk gaw wan zawn pru hkawm let, Moba mung na Ara mare hpe jahten kau nu ai; Arnon a lahta na kawng ni hpe mayu kau nu ai.

Jinghpaw Hanson Version Bible

²⁸ Hesbon hta na wan pru nna, Sihon a mare na wan shinglet poi ai hte, Moba mung na Ara mare hte hpawn, Arnon kawng ni a Madu du ni hpe hkru kau manu ai.

BU HKAWM 21:28 ပူးပေါင်းရင်းမြစ်များ

SHAKAWN KUNGDAWN 78:63

Shabrang ni majan hta sat kau ai hkrum nga ma ai; mahkawn ni mung shanhte hpe hkungran la na masha langai mi mung n nga nga ai.

ESAIA 10:16

Chyahtum Chyalai N-gun rawng ai dai Madu gaw ya hpum sau nga ai ni hpe ari jaw na matu ana zinli dat dat na ra ai. Shanhte a hkum ni hta wan rawng nga nna, dai gaw hkru chyu hkru nga na ra ai.

ESAIA 15:4

Heshbon hte Eleale masha ni jahtau hkrap ma ai rai nna, shanhte a marawn hkrap ai nsen hpe Yahaza mare du hkra na lu nga ai. Hpyenla ni mung hkrit gari ma ai; shanhte a nden marai mung n nga mat masai.

ESAIA 16:12

Moba masha ni gaw bum ntsa na shanhte a nawku shara ni hte akyu hpyi na matu shanhte a nawku htingnu ni de shanhte hkum nan hki ba ai hte lung wa nga ma ai, rai ti mung dai gaw shanhte hpe mai kaja ai lam galaw ya lu nga ai n rai.

AMO LAIKA (AMOS) 1:10

Dai rai nna, ngai gaw Turu mare bunghku ntsa e wan jahkrat dat nna dai mare a hpyen dap ni hpe jahkru kau na we ai,” ngu nna tsun ai.

AMO LAIKA (AMOS) 1:12

Dai rai nna, ngai gaw Teman mare a ntsa e wan jahkrat dat nna Bozra a hpyen dap ni hpe jahkru kau na we ai,” ngu nna tsun ai.

AMO LAIKA (AMOS) 1:14

Dai rai nna, ngai gaw Raba a mare bunghku ni a ntsa de wan jahkrat dat nhtawm de a hpyen dap ni hpe jahkru kau na we ai. Dai hpang dai yang e hpyen majan shani jahtau garu ai lam nga nna dai gasat gala ai gaw nbung laru zawn n-yun bu na ra ai.

AMO LAIKA (AMOS) 1:4

Dai rai nna, ngai gaw Hkawhkam Hazaela gap da ai hkawhkam htingnu de wan jahkrat dat nna Hkawhkam Benhadad a hpyen dap ni hpe jahkru kau na nngai.

AMO LAIKA (AMOS) 1:7

Dai rai nna, ngai gaw Gaza mare bunghku a ntsa e wan jahkrat dat nna dai mare a hpyen dap ni hpe jahkru kau na we ai.

AMO LAIKA (AMOS) 2:2

Ngai gaw Moba mung a ntsa e wan jahkrat dat nhtawm Keriot a hpyen dap ni hpe jahkru kau na we ai. Moba masha ni gaw hpyenla ni marawn jahtau nna pahtau dum nga ai hte yang majan a wu gadu ai nsen hta si mat na mara ai.

AMO LAIKA (AMOS) 2:5

Dai rai nna, ngai gaw Yuda a ntsa e wan jahkrat dat nhtawm Yerusalem a hpyen dap ni hpe jahkru kau na we ai,” ngu nna tsun ai.

BU HKAWM 21:15

Arnon hka hte Moba lamu ga jarit maga, Ara mare du hkra rwi rai hkrat wa ai kadit ni,” nga nna dai Madu a hpyen majan laika hta tsun kajai nga ai.

BU HKAWM 21:27

Dai re ai majaw ga shagawp hku nna mahkawn da nga ai: “Heshbon de sa marit, Hkawhkam Sihon a mare de sa marit! Dai mare hpe bai gaw gap nna shangang shakang da sai hpe anhte mu mayu ga ai.

BU HKAWM 22:41

Hpang jahpawt e, Balak gaw Israela amyu masha ni hpe loi mi mu mada lu ai Bamot Bala kawng de Balam hpe woi lung wa wu ai.

TARA JAHPRANG 2:18

Dai ni nanhte gaw Moba mung a lamu ga Ara mare lam hku ga lai mat wa na rai myit dai.

TARA JAHPRANG 2:9

Dai Madu gaw ngai hpe, ‘Moba mung e nga ai Lawt a amyu matu mara ni hpe hkum sharu shatsang myit; shanhte hte majan hkum baw myit. Ara mare gaw ngai shanhte hpe jaw da mawe ai majaw shanhte a lamu ga lahpa mi hpe mung nanhte hpe ngai jaw na mawe ai n rai,’” ngu nna tsun wu ai.

TARA AGYI 9:15

Ju hpun gaw, ‘Nanhte teng teng ngai hpe hkawhkam shatai mayu myit yang gaw ngai kaw sa nna nye a shingnip hta shingbyi nga mu. Nanhte n sa myit yang gaw dai ju hpun lakung lakying hta na wan hkru wa nhtawm Lebanon arit hpun ni hpe pyi hkru kau na ra ai,’ ngu nna htan wu ai.

TARA AGYI 9:20

Rai ti mung, dai hku n re ai sha, Abimelek kaw na wan grung pru wa nhtawm, Shehkem masha ni hte Betmilo ni hpe hkru kau u ga; dai hte maren, Shehkem hte Betmilo masha ni kaw na wan grung pru wa nhtawm Abimelek hpe hkru kau u ga,” ngu nna matut tsun wu ai.