BU HKAWM 21:22 - Jinghpaw Common Language Bible 2009

²² “Na a mung hku anhte ga lai wa lu u ga, anhte hte anhte a yam nga ni nmaw lam sha hkan nna na a yi sun hkauna hte sabyi sun ni hpe n kabye ya na ga ai. Hka htung hka mung n lu na ga ai; na a lamu ga kaw nna tawng mat wa ai aten du hkra nmaw lam kaba hku sha anhte hkan na ga ai,” ngu nna tsun ma ai.

Jinghpaw Hanson Version Bible

²² “Na a mung ka-ang hku ngai ga lai wa n ga; yi hkauna, tsabyi sun anhte n kabye na ga ai; hka htung ntsin mung n lu na ga ai: na a lamu ga n tawng tawng gaw, hkawhkam a nmaw lam hku sha anhte ahkan na ga ai,” ngu nna htet dat wu ai.

BU HKAWM 21:22 ပူးပေါင်းရင်းမြစ်များ

BU HKAWM 20:16

anhte hpe karum la na matu dai Madu hpe jahtau ga yang, anhte a jahtau ga hpe na ya wu ai rai nna anhte hpe Egutu mung kaw nna woi wa na matu lamu kasa shangun dat ya mi ai. Ya chyawm gaw na a lamu ga jarit na Kadesha hta e anhte nga nga saga ai.

BU HKAWM 20:17

Chyeju hte na a mung hku ga lai wa na ahkang jaw mi law. Anhte hte anhte a yam nga ni lam n yit ai hte na a yi hkauna hte sabyi ni hpe mung n kabye hkra ai sha sa wa na ga ai. Na a hka htung na hka n ja lu na ga ai. Na a lamu ga kaw nna n tawng tawng gaw nmaw lam kaba hku sha anhte hkan na ga ai,” ngu nna tsun wu ai.