BU HKAWM 21:2 - Jinghpaw Common Language Bible 2009

² Dai hpang Israela amyu masha ni dai Madu hpe, “Ndai masha ni hpe dang shangun mi ai rai yang, shanhte hte shanhte a mare ni hpe nang Madu kaw ap ya nna, la hpa shara n nga mat hkra akrin atsai jahten kau na ga ai,” ngu nna dagam ma ai.

Jinghpaw Hanson Version Bible

² Dai rai nna Israela gaw, Yehowa hte ga shaka nna, “Nang ndai amyu hpe nye a lata hta ap ya n yang gaw, shanhte a mare ni hpe ngai akrin atsai di kau na we ai,” nga ai.

BU HKAWM 21:2 ပူးပေါင်းရင်းမြစ်များ

NINGPAWT NINGHPANG 28:20

Dai shara hpe Yaku gaw dai Madu hpe, “Nye wa a nta de shim lum ai hte ngai bai nhtang wa lu hkra,

SHAKAWN KUNGDAWN 116:18

Ngai nang hpe ga sadi tawn da ai hte maren, na a amyu masha ni yawng a hpawng hta mung, Yerusalem na na a chyoi pra ai Htingnu hta mung, dai ga sadi hpe ngai shatup na nngai. Dai Madu hpe shakawn mu!

SHAKAWN KUNGDAWN 132:2

Madu e, Dawi gaw, “Dai Madu a Nawku Htingnu ngu ai, dai Chyahtum Chyalai n-gun rawng ai Yaku a Karai Kasang a matu nta n gap ngut dingsa, nye a nta de wa na nngai n rai, yupku ntsa de ngai lung na n rai, ngai ban sa la na n rai, ngai yup la na n rai,” nga nna nang hpe shi dagam da ai ga sadi hte Chyahtum Chyalai n-gun rawng ai Yaku a Karai Kasang hpe, shi tawn da nu ai ga ndat hpe dum nga u.

1 KORINHTU 16:22

Marai langai ngai dai Madu hpe n tsaw n ra a yang gaw, shi hta dagam dala hkrum u ga! Maranahta-Dai Madu du ru ga!

TARA JAHPRANG 13:15

dai hpang dai mare hta nga ai mare masha ni yawng hpe mung, shanhte a yam nga hpung ni hpe mung sat kau na rai myit dai. Dai mare hpe tsep kawp jahten kau na rai myit dai.

TARA JAHPRANG 13:16

Dai mare e nga ai masha ni a sut rai yawng mayawng hpe magawn la nhtawm mare lam ka-ang hta sumpum da na rai myit dai. Dai hpang dai Madu nanhte a Karai Kasang hpe hkungga nawng ya ai zawn mare hte hpawn sut rai nlang hte hpe nat kau na rai myit dai. Dai mare gaw prat dingsa hten run mat nna galoi mung bai de lu na n rai.

TARA JAHPRANG 20:16

“Rai ti mung, dai Madu nanhte a Karai Kasang nanhte hpe jaw ya nga ai mungdan na mare ni hpe madu la myit dai shaloi, masha shagu hpe sat kau na rai myit dai.

TARA JAHPRANG 7:2

Dai Madu nanhte a Karai Kasang gaw dai masha ni hpe nanhte a lata de ap ya nna nanhte dang kau myit dai shaloi, shanhte yawng hpe sat kau na rai myit dai; shanhte hte mung jinghku galaw lu na myit dai n rai; matsan yu dum ai kumla hpa mung madun dan lu na myit dai n rai.

YAWSHU 6:17

Dai Madu hpe hkungga nawng jau ya ai hku nna dai mare hte dai hta rawng marawng ni hpe tsep kawp jahten kau lu na rai myit dai. Shawa num Rahab hte shi a nta na nga manga ni chyu sha lawt lu na rai ma ai; hpa majaw nga yang, Rahab chyawm gaw anhte a kin-yu ni hpe makoi da ya mi ai.

YAWSHU 6:26

Dai aten hta sadi jaw ai dagam ga Yawshu tsun shapraw dat wu ai: “Yerihko mare hpe bai gaw gap na matu shakut ai wa kadai mung dai Madu a man e dagam dala hkrum nga u ga. Npawt nhpang gaw ai wa kadai mung shi a shadang sha alat mat mat na ra ai; Mare chyinghka gaw ai wa kadai mung shi a kasha hpungdim mat mat na ra ai.”

TARA AGYI 11:30

Yephta gaw dai Madu hpe, “Amon masha ni hpe gasat dang lu ai awng padang nang ngai hpe jaw ai rai yang,

1 SAMUELA 1:11

Hana chyawm gaw dagam ga sadi hte ning ngu tawn da wu ai: “Chyahtum Chyalai N-gun rawng ai Madu e, na a shangun ma rai nga ai ngai hpe mada yu e law! Nye a ru yak tsin-yam tsindam hpe mu ya nna ngai hpe dum nga u law! Ngai hpe hkum malap kau et! Nang ngai hpe shadang sha jaw n yang gaw shi a kara galoi mung n doi kau ya ai sha, shi a prat dingsa, nang hpe ap ya na nngai, ngu nna ngai ga sadi jaw nngai.”