BU HKAWM 21:16 - Jinghpaw Common Language Bible 2009

¹⁶ Dai Madu gaw dai shara kaw na Mawshe hpe, “Amyu masha ni hpe jahpawng tawn u; ngai shanhte hpe hka jaw na mawe ai,” ngu nna Hka Htung ni ngu shamying ai shara de matut sa mat wa ma ai.

Jinghpaw Hanson Version Bible

¹⁶ Dai kaw nna Bera de shanhte sa wa ma ai: dai hka htung gaw, Amyu masha ni hpe jahpawng u; ngai shanhte hpe ntsin jaw mawe ga, nga nna Yehowa Mawshe hpe tsun ai hka htung rai nga ai.

BU HKAWM 21:16 ပူးပေါင်းရင်းမြစ်များ

NINGPAWT NINGHPANG 21:19

Dai hpang Karai Kasang shi a myi hpe jahpaw ya wu ai rai nna hka htung langai mi hpe shi mu wu ai. Shi sa nhtawm shanhpyi nhpye hta hka jahpring la nhtawm ma hpe jaw lu wu ai.

PRU MAT 17:6

Ngai gaw Sina Bum ntsa na lunghkrung langai a ntsa, na a man e tsap nga na nngai. Dai hpang lunghkrung hpe kayat dat u; shaloi amyu masha ni lu na ntsin dai kaw na lwi pru wa na ra ai,” ngu nna tsun wu ai. Mawshe gaw Israela ningbaw ni a man e shing di galaw wu ai.

ESAIA 12:3

Mu ai hka gaw hpang gara ai wa hpe kabu gara lam jaw ya nga ai zawn, shi shanhte hpe hkye la ai shaloi Karai Kasang a amyu masha ni kabu gara ma ai,” ngu mahkawn na nhtoi du wa nga sai.

ESAIA 15:8

Jahtau hkrap ai nsen gaw Moba mung a lamu ga jarit shara shagu hkan du hkra na lu nga ai. Dai nsen hpe Eglaim hte Berelim mare du hkra na lu nga ai.

ESAIA 43:20

Zaibru jang hta hka nu ni hpe shalwi dat nna lata la hkrum ai nye a amyu masha ni hpe hka jaw ai shaloi, matse labye dusat ni pyi ngai hpe shagrau sha-a nna gwi ma-a ni hte gawla-uk u ni ngai hpe shakawn kungdawn na mara ai.

ESAIA 49:10

shanhte gaw galoi mung kawsi hpang gara hkrum na mara ai n rai. Ajan hte zaibru jang a kahtet kang ai gaw shanhte hpe hkra na ra ai n rai, hpa majaw nga yang, shanhte hpe tsaw ra ai wa gaw shanhte hpe lam woi na ra ai. Shi gaw shanhte hpe hka hpawk ni nga ai de woi sa na ra ai.

BU HKAWM 20:8

“Ga Shaka Sumpu a man na dawhkrawng la u; dai hpang nang hte Arun gaw shawa hpung ting hpe jahpawng tawn da na rai myit dai. Shaloi shanhte yawng a man e dai nlung kaw na hka shapraw ya na lam tsun na rai ndai; hka mung dai kaw na kahpawk pru wa na ra ai. Ndai hku nna amyu masha ni a matu nlung kaw na hka pru wa nhtawm shanhte mung, yam nga ni mung lu lu na rai ma ai,” ngu nna tsun wu ai.

YAWHAN 4:10

Shaloi Yesu gaw, “Karai Kasang jaw ya ai chyeju kumhpa hpe mung, nang kaw lu ntsin hpyi nga ai wa hpe mung, nang chye wu taw gaw, nang shi kaw hpyi nna, shi gaw nang hpe asak jahkrung ya ai ntsin jaw na nit dai,” ngu nna shi hpe htan wu ai.

YAWHAN 4:14

Rai ti mung dai ngai jaw na ngu ai ntsin lu ai wa kadai mung galoi mung hpang bai gara na n rai. Ngai shi hpe jaw ai ntsin gaw, dai wa kata hta asak hka hpawk tai na ra ai, dai gaw shi hpe asak jahkrung ya ai ntsin jaw na wu ai rai nna shi hpe htani htana asak lu la shangun wu ai.

SHINGRAN 21:6

Dai hta kaga shi gaw, Amu ngut sai! Ngai gaw Alhpa hte Omega, npawt nhpang mung, hpang jahtum mung, rai nga nngai, Hpang gara ai wa kadai hpe mung, dai asak hka hpawk kaw na ntsin hpe manu jahpu n jaw ai sha lu lu na ahkang ngai jaw na we ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.

TARA AGYI 9:21

Dai hpang shi gaw kahpu Abimelek hpe hkrit wu ai majaw hprawng mat wa nhtawm Bera e sa nga nga wu ai.