BU HKAWM 21:13 - Jinghpaw Common Language Bible 2009

¹³ Dai yang kaw nna shanhte bai htawt hkawm nhtawm Amori mung hte htep dam ai nam mali hta nga ai Arnon hka a dingdung maga na shara kaw but ma ai. (Arnon gaw Moba mung hte Amori mung yan a lapran na lamu ga jarit rai nga ai.)

Jinghpaw Hanson Version Bible

¹³ Dai yang na shanhte bai htawt ai gaw, nam mali hku pru nna, Amori lamu ga jarit na Arnon hka wora hkran e but de ma ai: Arnon hka chyawm gaw Moba mung hte Amori mung Lapran na Moba a lamu ga jarit rai nga ai.

BU HKAWM 21:13 ပူးပေါင်းရင်းမြစ်များ

ESAIA 16:2

Shanhte gaw tsip run nna nwan hkawm ai u ni zawn Arnon hka nu hkin-gau ntsa hkan e ala nga nna shatawng shada ai lam n nga ai sha shawng de, hpang de kahkrang hkawm nga ma ai.

YEREMIA 48:20

Shanhte gaw, ‘Moba gaw hkrat mat sai, shi a matu hkrap mu; dai gaw jahpoi jahpyak hkrum nga sai. Moba jahten sharun hkrum sai lam hpe Arnon hka nu mayan hku tsun shana ya mu!,’ ngu nna htan na mara ai.

BU HKAWM 21:14

Dai majaw Suhpa shara na Waheb mare hte kadit ni;

BU HKAWM 22:36

Balam sa wa nga ai hpe Balak na wu ai shaloi, Moba mung a lamu ga jarit na Arnon hka makau nga ai Ara mare de shi hpe tau la na nga pru sa wa wu ai.

TARA JAHPRANG 2:13

“Dai hpang dai Madu gaw anhte hkan galaw na matu tsun mi ai hte maren anhte dai Zered hka rap di ga ai.

TARA JAHPRANG 2:18

Dai ni nanhte gaw Moba mung a lamu ga Ara mare lam hku ga lai mat wa na rai myit dai.

TARA JAHPRANG 2:24

“Anhte Moba mung hpe ga lai mat wa ai hpang, dai Madu gaw anhte hpe, ‘Ya chyawm gaw rawt hkawm sa wa manu, Arnon hka rap di manu. Amori masha Heshbon Hkawhkam Sihon hte hpawn shi a lamu ga, ngai nanhte a lata hta ap ya nga nngai; shi a lamu ga hpe madu la magang na matu shi hpe htim gasat magang mu.

TARA AGYI 11:18

Dai hpang shanhte gaw nam mali hku ga sa wa let Moba mung a sinpraw maga, Arnon hka wora hkran de du hkra Edom hte Moba mung ni hpe gawai let hkawm sa wa ma ai. Dai yang hkan shanhte dap jung ma ai; rai ti mung dai shara gaw Moba a lamu ga jarit rai nga ai majaw Arnon hka hpe n rap ma ai.