BU HKAWM 20:24 - Jinghpaw Common Language Bible 2009

²⁴ “Israela ni hpe jaw na ngu nna ngai ga sadi tawn da ai mungdan de Arun shang lu na n rai; nan lahkawng mahtang Meriba shara e nye a hkang da ai ga hte nhtan shai nna gumlau manit dai majaw si na rai ndai.

Jinghpaw Hanson Version Bible

²⁴ Arun gaw shi a amyu hpawng nga ai de wa na rai sai; Meriba ngu ai hka makau e nan nye a ga hpe nhtan jashai myit dai majaw, Israela kashu kasha ni hpe ngai jaw ai mung de, shi shang lu na n rai.

BU HKAWM 20:24 ပူးပေါင်းရင်းမြစ်များ

NINGPAWT NINGHPANG 15:15

Nang hkum nan mung gawng kung asak kaba ai du hkra nga lu nna ngwi pyaw ai hte si wa nhtawm makoi mayang ai hkrum na ndai.

NINGPAWT NINGHPANG 25:17

Ishmaela si mat ai shaloi shi a asak latsa e sumshi sanit ning rai nga wu ai.

NINGPAWT NINGHPANG 35:29

asak kung ugut gu ai aten hta si wa nu ai; shi a shadang Esaw hte Yaku hkan nau shi hpe lup makoi kau ma ai.

NINGPAWT NINGHPANG 49:29

Dai hpang Yaku gaw shi a shadang sha ni hpe, “Ya chyawm gaw ngai si wa na ni ai rai nna, nye a amyu masha ni hpawng nga ai de wa na ni ai. Hkanan mung Mamre a sinpraw maga na Makhpela pa hta nga ai dai Heti masha Ehpron a sun na ginlawng hku hta nye a kawa ni hte rau ngai hpe lup makoi da mi. Dai ginlawng hku hpe Abraham gaw lup wa shatai na matu Ehpron a sun hpe mari da nga ai.

NINGPAWT NINGHPANG 49:33

Yaku gaw shi a shadang sha ni hpe numhtet ga tsun matsun ngut jang, shi bai galeng dat ai hte nsa hti mat salu ai. Shi a amyu hpawng nga ai de du mat wa nga ai.

2 HKAWHKAM LABAU 34:28

Yerusalem mare ntsa e ngai shapraw na ari gaw nang si mat wa ai hpang du hkra du na ra ai n rai. Ngai nang hpe ngwi ngwi pyaw pyaw hte si wa shangun mayu nngai.” Dai masha ni gaw dai mungga gun nna Hkawhkam Yoshia hpang de nhtang mat wa ma ai.

PRU MAT 17:7

Dai shara kaw Israela amyu masha ni mahtang, “Dai Madu gaw anhte hte rau nga nga ai kun?, n nga nga ai kun?, ngu san let, aput ai hte dai Madu hpe chyam dinglik yu ma ai majaw shara dai hpe Masa hte Meriba ngu nna mung shamying ma ai.

BU HKAWM 20:26

dai yang e Arun a hkinjawng hpun palawng raw la nna Eleaza hpe jahpun na rai ndai; dai yang e Arun si mat na rai wu ai,” ngu nna tsun wu ai.

BU HKAWM 20:5

Nang anhte hpe hpa majaw Egutu mung kaw nna woi shapraw wa nhtawm yu myit htum na zawn re ai hpa mung n tu ai ndai shara de woi wa n ni? Ndai yang e nai mam mung, maihpang si, sabyi si hte hkainu si hpun ni hpa mung n tu nga ai; lu hka ntsin pyi n nga ai shara rai nga ai,” ngu nna aput let tsun ma ai.

BU HKAWM 27:13

Dai hpe nang mada la ngut jang, na a nhpu Arun zawn si na rai ndai; hpa majaw nga yang, Zin Nam Mali e nan lahkawng nye a hkang da ai ga hpe gumlau kau myit dai.

BU HKAWM 31:2

“Israela amyu masha ni hpe shanhte woi galaw shut ai a matu, Midian masha ni hpe ari jaw mu. Dai bungli hpe nang galaw shangut da lu ai hpang, nang si lu na rai ndai,” ngu nna tsun wu ai.

BU HKAWM 4:27

Arun hte shi a shadang sha ni, Gershon a kashu kasha ni hpe lit karan hpajang ya ai magam lit ni yawng hte gun hpai na amu shagu hte hpe shanhte galaw nga ma ai hpe Mawshe yan Arun mu lu na rai ma ai.

TARA JAHPRANG 32:50

Na a nhpu Arun gaw Hora Bum e si mat ai zawn, nang mung ndai bum ntsa hta si mat na rai ndai,

TARA JAHPRANG 33:8

Shi gaw Lewi amyu bawsang hte seng nna, ning nga nna tsun wu ai: “Madu e, nang gaw Urim hte Htumim lang nna na a myit ra ai hku madun dan nga ndai. Nang hta sadi dung ai Lewi shangun ma ni hte hpawn, Masa shara e shanhte hpe nang dinglik yu nit dai. Meriba hka kau e, shanhte hpe teng man ai sakse madun dan nit dai.

YAWSHU 2:9

shan hpe, “Dai Madu nanhte hpe ndai mungdan jaw kau sai mung, mung masha shagu nanhte hpe hkrit kajawng nga saga ai mung, ngai chye nngai.

TARA AGYI 2:10

Dai ban prat ting na ni mung si htum mat nna htawm hpang na ban prat masha ni gaw dai Madu Israela a matu hpa galaw nu ai hpe mung malap kau ma ai.