BU HKAWM 20:16 - Jinghpaw Common Language Bible 2009

¹⁶ anhte hpe karum la na matu dai Madu hpe jahtau ga yang, anhte a jahtau ga hpe na ya wu ai rai nna anhte hpe Egutu mung kaw nna woi wa na matu lamu kasa shangun dat ya mi ai. Ya chyawm gaw na a lamu ga jarit na Kadesha hta e anhte nga nga saga ai.

Jinghpaw Hanson Version Bible

¹⁶ dai rai nna, anhte Yehowa hpe jahtau shaga yang shi lamu kasa shangun dat nna Egutu mung na anhte hpe hkrang shaw la mi ai: ya, yu u, na lamu ga shingnawm Kadesha mare e anhte nga nga ga ai.

BU HKAWM 20:16 ပူးပေါင်းရင်းမြစ်များ

PRU MAT 14:10

Hkawhkam wa hte shi a hpyen luksuk ni shanhte hpang de htim sa wa nga ai hpe Israela masha ni mu ma ai shaloi, hkrit gari mat ai hte dai Madu kaw karum hpyi jahtau ma ai.

PRU MAT 14:19

Israela dap a shawng e sa wa ai Karai Kasang a lamu kasa gaw hpang de nhtang nna sa nga ai. Sumwi shadaw mung hpang de htawt tu nna,

PRU MAT 23:20

“Ngai lajang da ya sai shara de nang hpe woi hkawm wa ai shaloi, nang hpe bau sin makawp maga na matu, na a shawng e lamu kasa hpe ngai shangun dat ni ai.

PRU MAT 33:2

Ngai gaw nanhte hpe lam woi na matu lamu kasa langai shangun dat ya nna Hkanan, Amori, Hiti, Hperizi, Hiwi hte Yebusi masha ni hpe gawt shapraw kau ya na made ai.

PRU MAT 6:5

Ya mung, Egutu masha ni mayam shatai da ai Israela amyu masha ni a madai sharung ai nsen hpe ngai na ni ai rai nna nye a ga shaka hpe dum ni ai.

Daniela 6:22

Karai Kasang gaw hkanghkyi ni a n-gup ni hpe pat kau ya na matu shi a lamu kasa hpe shangun dat wu ai rai nna, ngai hpe machyi shangun lu ai n rai. Madu hkawhkam wa e, ngai gaw hpa mara n kap nga ai hte nang hpe mung n shut kau nngai gaw shi chye nga ai majaw ndai amu hpe shi galaw wu ai,” ngu nna htan wu ai.

BU HKAWM 20:15

anhte gaw dai mung e shaning law law nga kau da nhtawm anhte hkrum sha kau saga ai nni nkri yak hkak lam ni hpe nang chye nga ndai. Dai Egutu masha ni mung anhte a kaji kawa ni hte anhte hpe zingri zingrat di mi ai;

BU HKAWM 21:22

“Na a mung hku anhte ga lai wa lu u ga, anhte hte anhte a yam nga ni nmaw lam sha hkan nna na a yi sun hkauna hte sabyi sun ni hpe n kabye ya na ga ai. Hka htung hka mung n lu na ga ai; na a lamu ga kaw nna tawng mat wa ai aten du hkra nmaw lam kaba hku sha anhte hkan na ga ai,” ngu nna tsun ma ai.

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

TARA JAHPRANG 4:37

Nanhte a nji nwa ni hpe shi tsaw ra wu ai majaw nanhte hpe lata la nu ai rai nna shi a galu kaba ai daru magam n-gun hte shi nan nanhte hpe Egutu mung kaw na woi shapraw wa nu ai.

YAWSHU 15:1

Yuda amyu bawsang hta na lakung lama ni lu la ai lamu ga sali gaw lawu de na hte maren rai nga ai. Dai lamu ga gaw dingda maga de Edom lamu ga jarit hte htep rai nga ai Zin nam mali dingda jahtum du hkra rai nga ai.