BU HKAWM 20:15 - Jinghpaw Common Language Bible 2009

¹⁵ anhte gaw dai mung e shaning law law nga kau da nhtawm anhte hkrum sha kau saga ai nni nkri yak hkak lam ni hpe nang chye nga ndai. Dai Egutu masha ni mung anhte a kaji kawa ni hte anhte hpe zingri zingrat di mi ai;

Jinghpaw Hanson Version Bible

¹⁵ anhte a ji wa Egutu mung de yu wa ma ai rai nna dai yang na na wa anhte nga kau saga ai; Egutu masha ni mung anhte hte anhte a ji wa ni hpe zingri zingrat di mi ai:

BU HKAWM 20:15 ပူးပေါင်းရင်းမြစ်များ

NINGPAWT NINGHPANG 15:13

Dai Madu gaw shi hpe, “Na a amyu matu ni gaw maigan mung hta tsasam masha ni sa tai nga na mara ai; shanhte gaw dai mung hta e mayam tai nna shaning mali tsa ning tup gumshem ai hte zingri zingrat ai hkrum na mara ai.

NINGPAWT NINGHPANG 46:6

Shanhte mung Hkanan mung na shanhte lu ai yam nga ni hte sut gan arung arai ni hpe la nna, Egutu mung de sa mat wa ma ai. Yaku mung shi hte rau shi a amyu matu ni yawng rai nga ai,

NINGPAWT NINGHPANG 46:7

shadang sha ni, lasha, numsha, hte kashu ni yawng hpe woi mat wa wu ai.

2 SAMUELA 12:18

Shaloi bat mi na jang, ma dai si mat sai. Dawi a du salang ni mung dai shiga shi hpe tsun dan na matu hkrit nga ma ai. Shanhte gaw, “Dai ma hkrung nga yang anhte shaga ai ga hpe shi n htan ya ai mi, ya shi a ma si mat sai lam anhte shi hpe kaning rai lu tsun dan lu na rai nga ga ta? Shi hkum hpe grau machyi hkra galaw na ru ai!,” ngu nna tsun ma ai.

PRU MAT 1:16

Shi gaw dai yan hpe, “Nan Hebre numsha ni hpe ma shangai karum myit dai shaloi, lasha rai yang dai ma hpe sat kau mu; rai ti mung numsha rai yang chyawm gaw jahkrung da mu,” ngu nna hkang da wu ai.

PRU MAT 1:22

Jahtum e, hkawhkam wa gaw shi a mung masha ni yawng hpe, “Shangai wa sai lasha shagu hte hpe Nila hka nu de kabai bang kau ya mu, rai ti mung numsha ni yawng hpe chyawm gaw jahkrung da ya mu,” ngu nna hkang da ai ga hpe shabra dat wu ai.

PRU MAT 12:40

Israela amyu masha ni gaw Egutu mung e 430 ning tup sa nga kau manu ai.

PRU MAT 5:14

Egutu masha mayam hpareng ni gaw bungli woi awn na matu san tawn ai Israela salang ni hpe mung anu kayat ma ai. Shanhte gaw, “Ndai amyu masha ni shawng de nanhte galaw ai shadang hte maren nanhte hpa majaw n galaw nga myit ta?,” ngu nna san ma ai.

BU HKAWM 11:5

Egutu mung e anhte ra ai nga amyu baw hkum sumhpa yawng anhte sha lu nna de a manu jahpu jaw ra ga ai n rai; dai mung na kumgyin, gyinshau si, shakau gaubyen, shakau hkyeng ni hte shakau hpraw anhte lu sha ga ai hpe dum mai nga ga ai n rai ni?

BU HKAWM 16:13

Ndai nam mali hta anhte hpe sat kau lu hkra nga, ngamu ngamai ai Egutu mung kaw na nang anhte hpe woi shapraw wa ai pyi n ram dum nga n ni? Ya mung anhte a ntsa e madu naw tai mayu nga n ni?

BU HKAWM 20:14

Mawshe gaw Kadesha kaw nna Edom hkawhkam hpang de kasa shangun dat wu ai. Shanhte gaw, “Ndai mungga gaw na a sai rum, Israela amyu masha ni kaw na rai nga ai. Anhte a kaji kawa ni Egutu mung de du yu wa nna,

BU HKAWM 20:16

anhte hpe karum la na matu dai Madu hpe jahtau ga yang, anhte a jahtau ga hpe na ya wu ai rai nna anhte hpe Egutu mung kaw nna woi wa na matu lamu kasa shangun dat ya mi ai. Ya chyawm gaw na a lamu ga jarit na Kadesha hta e anhte nga nga saga ai.

KASA 7:15

Yaku mung Egutu mung de yu wa nna dai yang e shi hte shi kasha ni yawng si mat wa masai.

KASA 7:19

Dai Hkawhkam wa gaw, anhte a bawsang ni hpe hpaji hte manai nna zingri zingrat di ma ai, shanhte a ma chyangai ni si mat mu ga, nta shinggan e adip arip tawn da shangun ma ai.

TARA JAHPRANG 26:6

Egutu masha ni mung anhte hpe nhtum nni zingri zingrat ai hte aja awa mayam shatai kau mi ai.