BU HKAWM 20:13 - Jinghpaw Common Language Bible 2009

¹³ Israela amyu masha ni dai Madu hpe aput angun ai hte shi chyoi pra nga ai lam shanhte hpe madun dan nu ai gaw Meriba e byin nga sai.

Jinghpaw Hanson Version Bible

¹³ Israela kashu kasha ni Yehowa hte ndang kalang hkat timung, shi shanhte hta shagrau sha a shara rawng nga ai majaw, hka dai hpe Meriba ngu wu ai.

BU HKAWM 20:13 ပူးပေါင်းရင်းမြစ်များ

SHAKAWN KUNGDAWN 81:7

Nang ru tsang hkrum nga ai shaloi, ngai hpe shaga manit dai hte; ngai nanhte hpe hkye hkrang la ni ai. Nbung laru kata na, nye a makoi nga ai shara kaw nna ngai nanhte hpe htan ya mani ai. Meriba hka hpawk e, ngai nanhte hpe chyam yu made ai.

SHAKAWN KUNGDAWN 81:8

Nye a amyu masha ni e, ngai sadi jaw ai ga hpe madat la mu; Israela amyu masha ni e, ngai hpe madat ya na, ngai kade wa ra sharawng nga a hka!

SHAKAWN KUNGDAWN 95:8

“Meriba e nga lai wa sai nanhte a kaji kawa ni zawn nanhte a du ni hpe hkum shaja da nga myit; nam mali na Masa shara e, nanhte a kaji kawa ni nga lai wa ai shaloi na zawn, nanhte a myit hpe hkum shaja da nga myit.

PRU MAT 17:7

Dai shara kaw Israela amyu masha ni mahtang, “Dai Madu gaw anhte hte rau nga nga ai kun?, n nga nga ai kun?, ngu san let, aput ai hte dai Madu hpe chyam dinglik yu ma ai majaw shara dai hpe Masa hte Meriba ngu nna mung shamying ma ai.

ESAIA 5:16

Rai ti mung Chyahtum Chyalai N-gun rawng ai dai Madu gaw teng man ai amu galaw let shi a galu kaba ai lam hpe madun dan nga ai, shi gaw shi a amyu masha ni hpe tara jeyang ai hku nna shi a chyoi pra ai lam hpe hpaw dan nga ai.

EZEKELA 20:41

Ngai gaw nanhte hpe shabra kau dat ai mungdan ni kaw nna woi wa nhtawm nanhte hpe shinggyin la ai hte jahpawng da ai hpang, nanhte nat nawng ai shagu hkungga ni hpe hkap la na nngai. Ngai nan chyoi pra nga nngai hpe amyu masha ni mu lu na mara ai.

EZEKELA 36:23

Maigan amyu ni a ka-ang e, nanhte jahpoi kau ya ai nye a galu kaba ai dai chyoi pra ai mying ningsang hpe masha amyu baw ni a man e n-gun madun dan ai shaloi, ngai nan dai Madu rai nga nngai hpe shanhte chye lu na mara ai. Tsaw Htum ai dai Madu ngai nan tsun ni ai. Ngai nan chyoi pra nga nngai lam masha amyu baw ni hpe madun dan lu na matu, ngai nang hpe jai lang na nngai.

EZEKELA 38:16

Nang gaw nye a amyu masha Israela hpe nbung laru ahpawt mat wa ai zawn htim gasat na rin dai. Ngai kadai rai nga nngai hpe masha amyu baw ni mu chye shangun na matu mung, na a jaw e, ngai galaw ai nye a chyoi pra ai amu hpe madun dan na matu mung, dai aten du ai shaloi, nye a mungdan hpe htim gasat na matu ngai nang hpe shangun dat na nngai.

TARA JAHPRANG 32:51

hpa majaw nga yang, nan lahkawng mahtang Israela amyu masha ni a man e, ngai hta sadi n dung kau nga manit dai. Zin nam mali, Kadesha mare makau na Meriba hka e nanhte nga nga myit yang, amyu masha ni a man e, nanhte ngai hpe n sawn n sang di myit dai.

TARA JAHPRANG 33:8

Shi gaw Lewi amyu bawsang hte seng nna, ning nga nna tsun wu ai: “Madu e, nang gaw Urim hte Htumim lang nna na a myit ra ai hku madun dan nga ndai. Nang hta sadi dung ai Lewi shangun ma ni hte hpawn, Masa shara e shanhte hpe nang dinglik yu nit dai. Meriba hka kau e, shanhte hpe teng man ai sakse madun dan nit dai.