BU HKAWM 19:21 - Jinghpaw Common Language Bible 2009

²¹ Nanhte gaw ndai tara hpe prat dingsa hkan sa na rai myit dai. Jasan jaseng ai ntsin lapri ai wa mung shi a hpun palawng hkrut kau na rai wu ai. Ntsin dai hpe hkra ai wa kadai mung shana de du hkra n san n seng naw rai nga ai.

Jinghpaw Hanson Version Bible

²¹ Ndai gaw, shanhte a matu prat dingnawng na matsun rai nga ai: shawan shasan ai ntsin lapri ai wa mung, shi a hpun palawng hkrut na rai wu ai; ntsin dai hkra ai wa mung, shana de du hkra n san n seng rai nga ai.

BU HKAWM 19:21 ပူးပေါင်းရင်းမြစ်များ

PRU MAT 27:21

Nye a hpung shingkang shanu nga ai Sum kata, Ga Shaka Sumpu a man e grang ai nba grang a shinggan maga e, Arun hte shi a shadang sha ni, dai pyengdin amu hpajang lu na rai ma ai. Dai hpe nye a hpung shingkang shanu nga ai shara hta shana de nna jahpawt du hkra shatu na rai nga ai. Ndai gaw Israela masha ni hte shanhte a matu mara ni htani htana hkan sa na hkang da lam rai nga ai.

JAW JAU 11:40

Si mang dai sha ai wa kadai mung shi a hpun palawng ni hkrut lu na rai wu ai; rai ti mung shi gaw shana de du hkra naw n san n seng nga ai. Dai si mang hpe hpai kau ai wa kadai mung shi a hpun palawng hkrut kau na rai wu ai; rai ti mung shana de du hkra shi naw n san n seng na rai wu ai.

BU HKAWM 18:23

Ya kaw nna Lewi masha ni chyu sha Sum hpe yu lajang nhtawm dai hte seng ai magam lit ni hpe tup hkrak gun hpai na rai ma ai. Dai gaw nanhte amyu matu ni prat dingsa hkan sa galaw na tara rai nga ai.

BU HKAWM 19:10

Wan wu sa magawn la ai wa mung shi a hpun palawng ni hkrut kau lu na rai wu ai; rai ti mung shi gaw shana de du hkra n san n seng naw rai nga ai. Ndai tara gaw Israela amyu masha ni a matu mung, shanhte a lapran hta hkan shanu nga ai maigan masha ni a matu mung prat dingsa hkan nga na shagrin da sai matsun maroi rai nga ai.

BU HKAWM 19:7

Dai hpang shi gaw shi a hpun palawng ni hkrut nhtawm shi a hkum shin kau nna dap kata de shang wa mai nga ai; rai ti mung shana de du hkra shi gaw n san n seng naw rai nga ai.

BU HKAWM 19:8

Dai dumsu nat ai wa mung shi a hpun palawng ni hpe hkrut nhtawm hkum shin kau lu na rai wu ai; rai ti mung shana de du hkra shi gaw n san n seng naw rai nga ai.

HEBRE 10:4

Hpa majaw nga yang, usu asai hte bainam asai gaw yubak mara hpe galoi mung yeng seng kau ya lu ai n rai.

HEBRE 7:19

Hpa majaw nga yang, Mawshe a Tara gaw hpa lam hpe mung hkum tsup hkra galaw lu ai n rai. Ya chyawm gaw dai grau kaja ai myit mada shara jaw mani ai rai nna, de a marang e anhte Karai Kasang kaw sit shani shang lu ga ai.

HEBRE 9:10

Dai lam ni gaw shahpa luhpa hte jasan jaseng ai htung lai amyu myu hte seng nna galaw ai lam ni sha rai nga ai. Dai ni gaw, Karai Kasang e ningnan bai gram lajang na ra ai aprat garai n du ai laman gan tawn da ai ntsa lam hte seng ai hkan sa tara ni rai nga ma ai.