BU HKAWM 19:20 - Jinghpaw Common Language Bible 2009

²⁰ N san n seng ai wa kadai mung jasan jaseng na matu hka n shin wu ai majaw shi hkum hpe n jasan ai hte n san n seng naw rai nga ai. Shi gaw Madu a Sum hpe awu asin di ai majaw Karai Kasang a amyu masha hta na sumri dan kau ai hkrum na rai wu ai.

Jinghpaw Hanson Version Bible

²⁰ N san n seng ai wa shi nan tinang hkum hpe shawan shasan na n galaw yang gaw, Yehowa a chyoi pra ai nta hpe shawu jasin wu ai majaw, shawa hpung hta na sumri dan kau ya ai hkrum lu na rai wu ai: shawan shasan ai ntsin a lapri bun ai n hkam wu ai majaw, shi hta n san n seng naw rai nga ai.

BU HKAWM 19:20 ပူးပေါင်းရင်းမြစ်များ

NINGPAWT NINGHPANG 17:14

Matu gadoi n hkam ai lasha kadai rai ti mung nye a amyu masha hta na sumri dan kau ai hkrum na rai nga ai; hpa majaw nga yang ngai hte shaka tawn ai ga shaka hpe shi n hkan shatup ai majaw rai nga ai,” ngu nna tsun wu ai.

PRU MAT 30:33

Dai hte shabung nna galaw ai wa kadai mung, hkinjawng n re ai wa hpe ru bun na matu lang ai wa kadai mung, nye a amyu masha ni hta na sumri dan kau ai hkrum na rai wu ai,’” ngu nna tsun wu ai.

JAW JAU 15:31

Dai Madu gaw Israela amyu masha ni a n san n seng ai lam hte seng nna shanhte hpe shadum jahprang na matu Mawshe hpe tsun wu ai; shing rai dap ka-ang e nga ai dai hpung shingkang hte hpring ai Sum hpe shanhte awu asin di lu na ma ai n rai. Shanhte galaw kau hkrup ai rai yang, sat kau ai hkrum na ma ai.

JAW JAU 17:16

Shi gaw dai lam hpe n hkan n sa ai rai yang, tinang galaw ai mara hte maren hkam sha na rai ma ai.

JAW JAU 22:4

“Arun a amyu hta na manggang gang nhtawm ari ri ai wa kadai mung shi san seng ai aten du hkra chyoi pra ai hkungga hpa hpe mung sha mai nga ai n rai. Hkinjawng wa gaw si mang hte seng ai arai hte azu hkaw ai hpe mung,

BU HKAWM 15:30

Rai ti mung Israela amyu masha mi rai rai, dai mung e nga nga ai maigan masha wa mi rai rai, yubak mara dingsa sa galaw ai wa kadai mung dai Madu hpe n gawn n sawn di ai mara lu nga ai majaw sat kau ai hkrum na rai wu ai;

BU HKAWM 19:13

Si mang hkra ai wa kadai mung tinang hkum hpe n jasan ai sha naw nga nga ai wa gaw shi hkum hpe hka n jaw bun ai majaw n san n seng nga ai. Shanhte gaw dai Madu a Sum hpe awu asin di ma ai rai nna shing re ai wa gaw Karai Kasang a amyu masha kaw na sumri dan kau ai hkrum na rai wu ai.

BU HKAWM 9:13

Rai ti mung n san n seng ai hte sumtsan n hkawm ai sha dai Shalai Wa Ai Poi hpe n galaw ai wa kadai mung ladaw da ya ai aten hta nye a matu hkungga n nawng ya ai majaw nye a amyu masha hta na sumri dan kau ai hkrum na rai wu ai. Shi gaw yubak mara a nni nkri hkam sha lu na rai wu ai.

MARKU 16:16

Kam sham nna hkalup hkam la ai wa kadai mung hkye hkrang la ai hkrum na ra ai. N kam n sham ai wa kadai mung daw dan kau ai hkrum na ra ai.

2 PETRU 3:14

Dai re majaw nye a manang ni e, nanhte dai nhtoi hpe la nga ai ten hta Karai Kasang a man e nanhte a myit masin san seng nna mara n kap u ga hte shi hta ngwi pyaw sim sa nga lu na matu atsam htum hkra shakut shaja nga mu.

SHINGRAN 22:11

N ding n hpring ai wa gaw, n ding n hpring ai hku naw hkan galaw nga u ga; n san n seng ai wa gaw n san n seng ai hku naw rai nga u ga; ding hpring ai wa gaw ding hpring ai hku naw nga u ga; chyoi pra ai wa gaw naw chyoi pra nga u ga.”