BU HKAWM 19:19 - Jinghpaw Common Language Bible 2009

¹⁹ San seng ai wa gaw n san n seng ai wa hpe masum ya shani mung, sanit ya shani mung lapri bun na rai wu ai. Sanit ya du ai shani hta shi gaw dai wa hpe jasan jaseng na rai wu ai. Dai wa mung shi a hpun palawng ni hkrut nhtawm hka shin kau ai hte shana de du jang san seng na ra ai.

Jinghpaw Hanson Version Bible

¹⁹ shing rai dai san seng ai wa gaw, n san n seng ai wa hpe masum ya du ai shani mung, sanit ya du ai shani mung, lapri bun na rai nna, sanit ya du ai shani hta e dai wa hpe shawan shasan na rai wu ai: dai wa gaw shi a hpun palawng hkrut nhtawm, hkum shin kau nna, shana de du jang san seng na ra ai.

BU HKAWM 19:19 ပူးပေါင်းရင်းမြစ်များ

NINGPAWT NINGHPANG 2:2

Karai Kasang gaw sanit ya nhtoi hta e, shi galaw nu ai amu magam hpe shangut shakre nna bungli galaw ai hpe jahkring da nga ai.

PRU MAT 19:10

dai Madu gaw shi hpe, “Amyu masha ni hpang de yu wa nhtawm nawku na matu shanhte a hkum ni hpe dai ni, hpawt ni jasan jaseng na shanhte hpe tsun u. Shanhte gaw shanhte a hpun palawng ni hpe hkrut lu na rai nna,

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

JAW JAU 14:7

Shi gaw hpyi shan ana jasan jaseng hkrum ai wa hpe sanit lang sai lapri bun ai hte dai wa hpe san seng sai ngu nna tsun na rai wu ai. Hkrung ai u hpe chyawm gaw pa layang de dat kau dat na rai wu ai.

JAW JAU 14:9

Dai sanit ya shani e, shi a baw kara hpe mung, nhka mun hpe mung, myi kaw mun hte kaga shi a hkum hta tu ai mun yawng mayawng hpe bai shangun kau ai hte shi a hpun palawng ni hpe hkrut kau nhtawm hka shin kau na rai wu ai. Shi gaw htung hte maren san seng na rai wu ai.

BU HKAWM 19:12

Shanhte gaw tinang hkum hpe masum ya shani hte sanit ya shani hta hka hte jasan jaseng lu na rai ma ai. Dai hpang shanhte san seng wa na mara ai. Rai ti mung shanhte gaw tinang hkum hpe masum ya hte sanit ya nhtoi lahkawng hta n jasan n jaseng ai rai yang, shanhte hkum dai san seng na ma ai n rai.

BU HKAWM 19:13

Si mang hkra ai wa kadai mung tinang hkum hpe n jasan ai sha naw nga nga ai wa gaw shi hkum hpe hka n jaw bun ai majaw n san n seng nga ai. Shanhte gaw dai Madu a Sum hpe awu asin di ma ai rai nna shing re ai wa gaw Karai Kasang a amyu masha kaw na sumri dan kau ai hkrum na rai wu ai.

BU HKAWM 19:18

Shawng na lang hta san seng ai wa gaw kungla pu matsun langai la nna hka hta tsing la nhtawm sum hpe mung, dai hta rawng ai arai ni yawng hpe mung, dai yang ma masha ni hpe mung, lapri bun na rai wu ai. Lahkawng lang ngu na hta san seng ai wa gaw masha nrut nra, si mang hte lup re ai ni hpe hkra ai wa hpe lapri bun na rai wu ai.

BU HKAWM 31:19

Nanhte hta na masha sat ai wa hte si mang hkra ai wa kadai mung dap shinggan e sanit ya tup naw but nga lu na rai myit dai. Nanhte nan mung, nanhte rim wa ai numsha ni mung masum ya hte sanit ya shani hta jasan jaseng kau lu na rai myit dai.

BU HKAWM 31:24

Sanit ya ngu na shani hta nanhte a hpun palawng ni hkrut lu na rai myit dai; dai hpang mahtang, nanhte mung san seng wa nna dap de bai shang wa lu na rai myit dai,” ngu nna tsun wu ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

1 YAWHAN 1:7

Rai ti mung shi gaw nhtoi hta nga nga ai zawn, anhte mung Nhtoi hta asak hkrung hkawm sa nga ga yang gaw, anhte langai hte langai shada da kanawn mazum ai ni rai nga ga ai hte shi Kasha Yesu a asai gaw anhte hta na yubak nlang hte hpe jasan jaseng kau ya mi ai.

YUDA 1:23

Bai kaga nkau mi hpe wan hta na gare la ai zawn hkye hkrang la mu. Bai kaga nkau mi hpe hkrit kang ai hte matsan dum nga mu, rai ti mung shanhte hkum shan ngang kayut ai hta na matsat shabat kap nga ai hpun palawng ni hpe pyi n dawng n yawt nga mu.