BU HKAWM 19:17 - Jinghpaw Common Language Bible 2009

¹⁷ N san n seng ai hpe la kau na matu dumsu hkyeng nat la ai htingrai hkungga wan wu loi mi la nhtawm di bu langai hta bang nna hka san jat bang na rai nga ai.

Jinghpaw Hanson Version Bible

¹⁷ Shing re ai rai yang, n san n seng ai wa a matu, wan hte nat la ai htingrai hkungga wan wu kau mi la nna, lwi ai hka na ntsin hpe wan hta kayau la nhtawm;

BU HKAWM 19:17 ပူးပေါင်းရင်းမြစ်များ

NINGPAWT NINGHPANG 26:19

Isak a shangun ma ni mung dai kadit hta hka htung langai mi htu ma ai rai nna dai hta hka rawng ai hpe shanhte mu ma ai.

Shawlumon A Mahkawn Ga 4:15

Hka hpawk ni lwi nga ai hka shi ni hte Lebanon bum ni kaw nna kahpawk pru wa ai hka shi, hka wam ni dai sun hpe hka jaw ma ai.

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

ZEHKARIA 13:1

Chyahtum Chyalai N-gun rawng ai dai Madu gaw, “Dai aten du jang, Dawi a amyu matu mara ni hte Yerusalem mare masha ni a yubak mara hte hpara sumla nawku ai htung lai len jasan jaseng kau na hka hpawk langai pru wa na ra ai.

BU HKAWM 19:18

Shawng na lang hta san seng ai wa gaw kungla pu matsun langai la nna hka hta tsing la nhtawm sum hpe mung, dai hta rawng ai arai ni yawng hpe mung, dai yang ma masha ni hpe mung, lapri bun na rai wu ai. Lahkawng lang ngu na hta san seng ai wa gaw masha nrut nra, si mang hte lup re ai ni hpe hkra ai wa hpe lapri bun na rai wu ai.

BU HKAWM 19:9

Dai hpang san seng ai masha langai gaw dai dumsu wan wu ni sa magawn la nna dap shinggan na san seng ai shara e sa tawn da na rai wu ai. Dai hpe Israela amyu ting a matu jasan jaseng ai ntsin hpaw la ai shara hta shanhte kyem da na rai ma ai. Dai gaw yubak mara la kau ya ai lai rai nga ai.

YAWHAN 7:38

Chyum laika hta tsun ai hte maren, ngai hpe kam sham ai wa a kraw lawang kaw nna asak hkrung ai ntsin hka hpawk ni lwi pru na ra ai,” ngu nna nsen kaba hte jahtau tsun wu ai.

HEBRE 9:13

Bainam sai, usu sai, wan nat kau sai nga upra a wan wu ni hpe nawku daw jau ai htung tara hku sawn yang awu asin rai mat ai masha ni a ntsa e lapri bun yang, shanhte a awu asin re ai hpe shachyoi shapra ya lu ai teng yang gaw,

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.