BU HKAWM 19:13 - Jinghpaw Common Language Bible 2009

¹³ Si mang hkra ai wa kadai mung tinang hkum hpe n jasan ai sha naw nga nga ai wa gaw shi hkum hpe hka n jaw bun ai majaw n san n seng nga ai. Shanhte gaw dai Madu a Sum hpe awu asin di ma ai rai nna shing re ai wa gaw Karai Kasang a amyu masha kaw na sumri dan kau ai hkrum na rai wu ai.

Jinghpaw Hanson Version Bible

¹³ Si mang hkra da nhtawm, tinang hkum hpe n shawan kau ai wa gaw, Yehowa a sumpan sum hpe wu sin kau nu ai: dai zawn re ai wa hpe Israela amyu hta na sumri dan kau ya na rai myit dai; shawan shasan ai ntsin lapri n hkam ai majaw n san n seng rai nga ai; n san n seng ai gaw shi hta naw kap nga ai.

BU HKAWM 19:13 ပူးပေါင်းရင်းမြစ်များ

PRU MAT 30:33

Dai hte shabung nna galaw ai wa kadai mung, hkinjawng n re ai wa hpe ru bun na matu lang ai wa kadai mung, nye a amyu masha ni hta na sumri dan kau ai hkrum na rai wu ai,’” ngu nna tsun wu ai.

GA SHAGAWP 14:32

Tara n lang ai masha ni gaw shanhte a n hkru ai bungli hta hkrat sum ai lam hpe shabyin ya nga ai; mai kaja ai masha ni gaw shanhte a ding hpring ai amu hpe makawp maga da nga ai.

EZEKELA 44:26

Shi bai jasan jaseng ngut ai hpang, nhtoi sanit ya tup naw la ra nga ai,

JAW JAU 15:31

Dai Madu gaw Israela amyu masha ni a n san n seng ai lam hte seng nna shanhte hpe shadum jahprang na matu Mawshe hpe tsun wu ai; shing rai dap ka-ang e nga ai dai hpung shingkang hte hpring ai Sum hpe shanhte awu asin di lu na ma ai n rai. Shanhte galaw kau hkrup ai rai yang, sat kau ai hkrum na ma ai.

JAW JAU 20:3

Tinang a kashu kasha ni hpe dai Molek hpara hpe nawng ya nhtawm nye a chyoi pra ai Sum hpe matsat shabat di let, nye a chyoi pra ai mying ningsang hpe jahpoi asawng ai wa kadai hpe mung ngai hpyen tai nna, dai wa hpe nye a amyu masha ni hta na sumri dan kau na we ai.

JAW JAU 22:3

Na a amyu matu hta na hkinjawng wa n san n seng ai rai yang, nye a matu Israela amyu masha ni nawng ya ai dai chyoi pra ai hkungga arai ni de kahtep sa lu na n rai; tawn hkungri hta galoi mung daw jau lu na n rai ndai. Dai gaw prat mi hte prat mi agalaw nga na amu rai nga ai. Ngai gaw dai Madu rai nga nngai.

JAW JAU 22:4

“Arun a amyu hta na manggang gang nhtawm ari ri ai wa kadai mung shi san seng ai aten du hkra chyoi pra ai hkungga hpa hpe mung sha mai nga ai n rai. Hkinjawng wa gaw si mang hte seng ai arai hte azu hkaw ai hpe mung,

JAW JAU 5:17

Marai langai ngai gaw dai Madu hkang da ai lam lama ma hpe n dum shami yubak galaw hkrup kau ai rai yang, mara lu nga ai rai nna yubak ari gun lu na rai nga ai.

JAW JAU 5:3

Masha langai ngai gaw shinggyim masha hta mi kaw na kap ai n san n seng ai hpa hpe mung n dum shami hkra kau ai hte dai gaw hpa mi rai rai shi hpa galaw kau hkrup sai lam hpe shaloi jang shi chye ai rai yang, dai wa mara lu nga ai.

JAW JAU 5:6

hkungga shatai na sagu yi shing n rai bainam yi hpe dai Madu hpang de la sa na rai wu ai. Hkinjawng wa gaw dai wa a yubak mara a matu shagu hkungga nawng ya na rai wu ai.

JAW JAU 7:20

Rai ti mung, n san n seng ai wa kadai mung dai hpe sha ai rai yang, shi gaw Karai Kasang a amyu masha hta na sumri dan kau ai hkrum na rai wu ai.

JAW JAU 7:21

Masha hta na mung, yam nga hta na mung, htung hte maren n san n seng ai arai hpa baw hpe mung shi hkra kau ai hpang ndai hkungga ashan hpe sha hkrup ai rai yang, shi gaw Karai Kasang a amyu masha hta na sumri dan kau ai hkrum na rai wu ai.

BU HKAWM 15:30

Rai ti mung Israela amyu masha mi rai rai, dai mung e nga nga ai maigan masha wa mi rai rai, yubak mara dingsa sa galaw ai wa kadai mung dai Madu hpe n gawn n sawn di ai mara lu nga ai majaw sat kau ai hkrum na rai wu ai;

BU HKAWM 19:14

Sum kata hta masha langai ngai si ai rai yang, dai si ai aten hta sum kata e shang ai hte rawng nga ai ni kadai mung sanit ya tup n san n seng rai nga ai.

BU HKAWM 19:18

Shawng na lang hta san seng ai wa gaw kungla pu matsun langai la nna hka hta tsing la nhtawm sum hpe mung, dai hta rawng ai arai ni yawng hpe mung, dai yang ma masha ni hpe mung, lapri bun na rai wu ai. Lahkawng lang ngu na hta san seng ai wa gaw masha nrut nra, si mang hte lup re ai ni hpe hkra ai wa hpe lapri bun na rai wu ai.

BU HKAWM 19:19

San seng ai wa gaw n san n seng ai wa hpe masum ya shani mung, sanit ya shani mung lapri bun na rai wu ai. Sanit ya du ai shani hta shi gaw dai wa hpe jasan jaseng na rai wu ai. Dai wa mung shi a hpun palawng ni hkrut nhtawm hka shin kau ai hte shana de du jang san seng na ra ai.

BU HKAWM 19:20

N san n seng ai wa kadai mung jasan jaseng na matu hka n shin wu ai majaw shi hkum hpe n jasan ai hte n san n seng naw rai nga ai. Shi gaw Madu a Sum hpe awu asin di ai majaw Karai Kasang a amyu masha hta na sumri dan kau ai hkrum na rai wu ai.

BU HKAWM 19:9

Dai hpang san seng ai masha langai gaw dai dumsu wan wu ni sa magawn la nna dap shinggan na san seng ai shara e sa tawn da na rai wu ai. Dai hpe Israela amyu ting a matu jasan jaseng ai ntsin hpaw la ai shara hta shanhte kyem da na rai ma ai. Dai gaw yubak mara la kau ya ai lai rai nga ai.

BU HKAWM 8:7

jasan jaseng ai hka hte shanhte hpe lapri bun nna shanhte a hkum ting na mun shangun kau na hte hpun palawng ni hpe hkrut kau na lam tsun u. Dai hpang shanhte san seng wa na mara ai.

BU HKAWM 9:13

Rai ti mung n san n seng ai hte sumtsan n hkawm ai sha dai Shalai Wa Ai Poi hpe n galaw ai wa kadai mung ladaw da ya ai aten hta nye a matu hkungga n nawng ya ai majaw nye a amyu masha hta na sumri dan kau ai hkrum na rai wu ai. Shi gaw yubak mara a nni nkri hkam sha lu na rai wu ai.

YAWHAN 8:24

Dai re ai majaw, nanhte gaw tinang a yubak hta si wa na marin dai ngu nna ngai nanhte hpe tsun ni ai. ‘Ngai gaw ngai wa rai nga nngai,’ hpe nanhte n kam n sham myit yang gaw, nanhte tinang a yubak hta si na marin dai,” ngu mu ai.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

HEBRE 9:10

Dai lam ni gaw shahpa luhpa hte jasan jaseng ai htung lai amyu myu hte seng nna galaw ai lam ni sha rai nga ai. Dai ni gaw, Karai Kasang e ningnan bai gram lajang na ra ai aprat garai n du ai laman gan tawn da ai ntsa lam hte seng ai hkan sa tara ni rai nga ma ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:11

N ding n hpring ai wa gaw, n ding n hpring ai hku naw hkan galaw nga u ga; n san n seng ai wa gaw n san n seng ai hku naw rai nga u ga; ding hpring ai wa gaw ding hpring ai hku naw nga u ga; chyoi pra ai wa gaw naw chyoi pra nga u ga.”

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.