BU HKAWM 18:23 - Jinghpaw Common Language Bible 2009

²³ Ya kaw nna Lewi masha ni chyu sha Sum hpe yu lajang nhtawm dai hte seng ai magam lit ni hpe tup hkrak gun hpai na rai ma ai. Dai gaw nanhte amyu matu ni prat dingsa hkan sa galaw na tara rai nga ai.

Jinghpaw Hanson Version Bible

²³ Lewi masha ni gaw shawa sum a amu gun hpai nna, tinang shut ai mara tinang gun lu na rai ma ai: Israela kashu kasha ni hta sali wunli ga mung madu lu na n rai; dai gaw nanhte a shu mashi shu masha prat dingsa hkan nga na matsun maroi rai na rai nga ai.

BU HKAWM 18:23 ပူးပေါင်းရင်းမြစ်များ

PRU MAT 27:21

Nye a hpung shingkang shanu nga ai Sum kata, Ga Shaka Sumpu a man e grang ai nba grang a shinggan maga e, Arun hte shi a shadang sha ni, dai pyengdin amu hpajang lu na rai ma ai. Dai hpe nye a hpung shingkang shanu nga ai shara hta shana de nna jahpawt du hkra shatu na rai nga ai. Ndai gaw Israela masha ni hte shanhte a matu mara ni htani htana hkan sa na hkang da lam rai nga ai.

EZEKELA 44:10

Dai Madu gaw ngai hpe, “Ngai gaw naw ngam nga ai Israela amyu masha ni hte rau ngai hpe kau da nna hpara sumla nawku nga sai Lewi masha ni hpe ari jaw nga nngai.

BU HKAWM 18:1

Dai Madu gaw Arun hpe, “Nye a hpung shingkang shanu nga ai Sum kata hta daw jau amu hte seng ai shut hpyit mara hpe nang hte na a shadang sha ni hte Lewi masha ni hkam sha lu na rai ma ai; rai ti mung hkinjawng aya hte seng ai daw jau amu hte seng ai shut hpyit mara hpe chyawm gaw nang hte na a shadang sha ni chyu sha hkam sha lu na rai myit dai.

BU HKAWM 18:20

Dai Madu gaw Arun hpe, “Nang gaw lamu ga sali loi mi mung hkam la lu na n rai; Israela lamu ga daw chyen pyi na a matu masat ya hkrum na n rai. Ngai Madu nan na a sali rai nga nngai,” ngu nna tsun wu ai.

BU HKAWM 19:21

Nanhte gaw ndai tara hpe prat dingsa hkan sa na rai myit dai. Jasan jaseng ai ntsin lapri ai wa mung shi a hpun palawng hkrut kau na rai wu ai. Ntsin dai hpe hkra ai wa kadai mung shana de du hkra n san n seng naw rai nga ai.

BU HKAWM 26:62

Lewi masha ni hta shata mi shing n rai shata mi hta jan ai jahpan hta hti lawm ai ni gaw 23,000 rai nga ai. Shanhte gaw Israela amyu hta sali wunli hpa mung n hkam la lu ma ai majaw kaga Israela masha ni a jahpan hta na kaga san ginhka da hkrum nga ma ai.

BU HKAWM 3:7

Shanhte gaw nye a hpung shingkang shanu nga ai Sum hta ra ai amu ni hpe shachyen na matu, hkinjawng ni gun hpai ai magam lit ni hpe mung, shawa hpung ting hte seng ai amu ni hpe mung galaw na rai ma ai.

BU HKAWM 35:29

Ndai tara ni gaw nang hte na a matu mara ni nga ai shara shagu hta hkan sa na ga matsun ni rai nga ai.

TARA JAHPRANG 10:9

Dai re ai majaw Lewi amyu bawsang ni gaw kaga amyu bawsang ni zawn lamu ga sali lu la nga ma ai n rai; dai Madu nanhte a Karai Kasang ga sadi tawn da nu ai hte maren, dai Madu a hkinjawng ni tai nga na ahkang sha shanhte lu nga ma ai.)

YAWSHU 13:14

Lewi amyu bawsang ni hpe chyawm gaw lamu ga sali Mawshe n jaw wu ai. Dai Madu gaw Mawshe hpe hkang da nu ai hte maren, dai Madu Israela a Karai Kasang hpe tawn hkungri ntsa wan hte nawng jau ai shagu hkungga a kumhtaw hpe sha shanhte hkam la lu na rai ma ai.