BU HKAWM 18:21 - Jinghpaw Common Language Bible 2009

²¹ Dai Madu gaw, “Israela amyu masha ni ngai hpe sak jaw ai htam shi hta na htam mi shagu, Lewi masha ni hpe ngai jaw ni ai. Dai gaw nye a hpung shingkang shanu nga ai Sum hpe yu lajang ai shanhte a daw jau magam bungli a matu shabrai rai nga ai.

Jinghpaw Hanson Version Bible

²¹ Lewi masha ni gaw, shawa sum a amu gun hpai nga ma ai majaw, shanhte a sali wunli shatai na, Israela kashu kasha ni lu ai hta na htamshi hta na htammi tup ngai jaw mase ai.

BU HKAWM 18:21 ပူးပေါင်းရင်းမြစ်များ

NINGPAWT NINGHPANG 14:20

Na a gumlau hpyen ni a ntsa e, nang hpe awng padang jaw ya ai dai Tsaw Htum ai Karai Kasang gaw a nga u ga law!,” nga nna tsun ai. Abram mung shi lu la sai arai mahkra a htam shi hta na htam mi hpe Melhkizedek a lata hta jaw ya wu ai.

NINGPAWT NINGHPANG 47:24

Nsi naisi shu la ai aten hta htam manga kaw na htam mi gaw hkawhkam wa hpe nanhte sak jaw lu na rai myit dai. Ngam ai hpe chyawm gaw hpang e gat na nli a matu mung, nanhte hte nanhte a dinghku masha ni a matu mung, lusha rai nga myit ga, nanhte lang lu na myit dai,” ngu nna tsun wu ai.

NINGPAWT NINGHPANG 47:26

Dai re ai majaw, nsi naisi shu la ai htam manga na htam mi hpe hkawhkam wa madu la u ga, nga nna Yosep gaw Egutu mung a matu tara htuk shapraw da wu ai. Dai tara gaw dai ni du hkra n hten n run ai sha naw grin nga ai. Hkinjawng ni a lamu ga chyu sha hkawhkam wa madu ai lamu ga n tai nga ai.

2 HKAWHKAM LABAU 31:12

kumhpa ni hte htam shi hta na htam mi yawng shim nga lu na matu dai shara ni hta tawn da ma ai. Shanhte gaw Hkonania mying ai Lewi masha langai mi hpe hpareng shangun nga nna, shi a kanau Shime gaw shi hpe karum shingtau ai wa rai nga ai.

NEHEMIA 10:29

shi a shangun ma Mawshe a lata hku nna Karai Kasang jaw ya sai Karai Kasang a Tara hte maren, anhte asak hkrung nga na mung, dai Madu anhte a Madu anhte hpe hkang da sai lam yawng mayawng madat mara na mung, shi a tara ni hte madat da ai ga ni yawng hpe hkan shatup na lam ni hpe mung, anhte a ningbaw ni hte ndai hku matut manoi nga let ga shaka dagam da ga ai rai nna dai hpe anhte run jahten ga ai rai yang, matsa mawa ari hkrum na ga ai ngu, dagam ga ai.

NEHEMIA 10:37

Anhte gaw shawng shu la lu ai nsi naisi kaw na shadung katsing hte kaga sabyi ntsin, tsanlun sau hte namsi namsaw baw hkum sumhpa re ai hkungga ni hpe Nawku Htingnu kata na hkinjawng ni hpang de shaning shagu la sa na ga ai. Anhte gaw anhte a yi sun galaw sha nga ai kahtawng ningchyawng lamu ga hkan na htam shi hta na htam mi hpe mung, anhte a lamu ga hta tu ai nsi naisi htam shi hta na htam mi hpe mung hkan lahkawn ai Lewi masha ni hpang de la sa na ga ai.

NEHEMIA 10:38

Arun amyu matu hkinjawng ni gaw htam shi hta na htam mi lahkawn da ai shaloi Lewi masha ni hte rau rai na rai ma ai, Lewi masha ni gaw Nawku Htingnu hta lang na matu shanhte lahkawn da ai htam shi hta na htam mi yawng hpe Nawku Htingnu sut gawk ni de la sa na rai ma ai.

NEHEMIA 12:44

Dai aten hta, Nawku Htingnu a matu jaw ya ai htam shi hta na htam mi, shawng shu la lu ai nsi naisi hte shawng myin ai namsi namsaw ni hpe shaning shagu mahkawng da ai sut gawk ni hpe hpareng na masha ni hpe san da nga ma ai. Ndai masha ni gaw mare shagu a makau mayang hkan na yi sun hkauna nsi naisi hkan lahkawn la ai hte hkinjawng ni hte Lewi masha ni hpe madat da sai Tara hte maren karan jaw na lit lu nga ma ai.

NEHEMIA 12:47

Zerubabela a aten hta mung, Nehemia a aten hta mung, Israela amyu masha ni yawng gaw Nawku Htingnu mahkawn mangoi ai ni hte Nawku Htingnu sin ai ni hpe shani shagu kumhpa jaw ya let madi shadaw ma ai. Amyu masha ni gaw Lewi masha ni hpe chyoi pra ai hkungga langai jaw ma ai. Lewi masha ni mung hkinjawng ni hpe san da ai hkambum jaw ya ma ai.

NEHEMIA 13:12

Israela amyu masha yawng mayawng hte mung Nawku Htingnu sut gawk ni de nai mam nsi naisi htam shi hta na htam mi, sabyi ntsin hte tsanlun sau re ai ni hpe bai la sa shajang ma ai.

NEHEMIA 13:5

Shi gaw Tobia hpe Nawku Htingnu hta lang ai nsi naisi hkungga, manam pyaw ai baw hte arung arai hpe mung, hkinjawng ni a matu hkungga ni hpe mung, Lewi masha ni, Nawku Htingnu na mahkawn mangoi chye ai ni hte Nawku Htingnu sin ai ni hpe jaw ya ai htam shi hta na htam mi re ai nai mam nsi naisi, sabyi ntsin hte tsanlun sau re ai ni hpe tawn da na matu shatawng shada da ai gawk kaba langai mi lang na ahkang jaw ya wu ai.

MALAHKI 2:4

Dai hpang, ndai hkang da ai ga nanhte hpe ngai jaw ya sai hpe nanhte chye na marin dai; ndai hku nna Lewi amyu matu hkinjawng ni hte tawn da ai nye a ga shaka gaw hten mat na ra ai n rai.

MALAHKI 3:10

Nanhte a htam shi hta na htam mi hpring hpring Nawku Htingnu de la sa wa mi, shaloi dai yang e lusha law law nga na ra ai. Ngai hpe chyam yu mi, shaloi sumsing lamu hkuwawt ni hpe ngai hpaw nna kaja ai arai baw hkum sumhpa yawng mayawng nanhte hpe nhpaw n-ya ru bun ai hpe nanhte mu lu na rai myit dai.

BU HKAWM 18:6

Ngai gaw na a matu kumhpa shatai na, na a nhpu nnau Lewi masha ni hpe Israela amyu masha ni kaw na lata shaw la ai wa rai nga nngai. Shanhte gaw nye a matu ap nawng da hkrum nga masai rai nna Sum kata hta galaw na magam bungli ni hpe gun hpai lu na rai ma ai.

BU HKAWM 3:6

Arun a hkinjawng amu gun hpai na shangun ma hku shanhte hpe san da na rai ndai.

BU HKAWM 31:28

Hpyenla ni madu la lu ai hta na dai Madu a kang a matu bawng masha, dumsu, lawze, sagu hte bainam, manga tsa hta langai mi hku tawn da na rai myit dai.

GALATI 6:6

Dai Hkristu a mungga hpe sharin achyin hkam la ai wa gaw, sharin achyin ya ai sara wa hpe tinang lu mai ai kaja ai ja gumhpraw arung arai yawng hte karum madi shadaw nga u ga.

TARA JAHPRANG 18:8

Kaga hkinjawng ni zawn lusha gambum hpe mung maren hkam la mai nga ai; shi a dinghku masha ni shagun ya ai hpa hpe mung shi mazing mai na rai wu ai.

HEBRE 7:5

Hkinjawng ni rai nga ai Lewi a aru arat ni gaw Israela amyu masha ni kaw na htam shi hta na htam mi hta la na matu dai tara hta shanhte hpe hkang da manu ai. Dai Israela amyu masha ni mung Abraham a aru arat ni pyi rai nga ma ai.