BU HKAWM 18:19 - Jinghpaw Common Language Bible 2009

¹⁹ “Israela amyu masha ni ngai hpe sak jaw ai laksan kumhpa ni yawng gaw nang hte na a shayi shadang sha ni hpe prat dingsa ngai jaw ya nga nngai. Dai gaw nanhte mung, na a amyu matu ni hte mung ngai tawn da ai n hten n run mat ai ga shaka rai nga ai,” ngu nna tsun wu ai.

Jinghpaw Hanson Version Bible

¹⁹ Israela kashu kasha ni Yehowa hpe jaw jau ai chyoi pra ai kumhpa ni hta na manawt kumhpa yawng gaw, nang hte na a shayi shadang sha ni hpe htani htana kumhtaw shatai na matu ngai jaw da masade ai: dai gaw nang hte na amyu matu ni hte Yehowa a man e jum hte shangang da ai htani htana ga shaka rai nga ai,” ngu wu ai.

BU HKAWM 18:19 ပူးပေါင်းရင်းမြစ်များ

2 HKAWHKAM 12:16

Mara raw hkungga hte yubak hkungga ni a matu jaw ya ai gumhpraw hpe chyawm gaw sumpu hta n mahkawng ma ai; dai gaw hkinjawng ni a matu rai nga ai.

2 HKAWHKAM LABAU 13:5

“Dai Madu Israela a Karai Kasang gaw Dawi hte agrin nga ai ga shaka tawn da nhtawm Israela hpe htani htana up hkang na hkawhkam ahkang aya shi hpe mung, shi a amyu matu ni hpe mung jaw da nu ai hpe nanhte n chye nga myit ni?

2 HKAWHKAM LABAU 31:4

Dai sha n-ga, hkinjawng ni hte Lewi masha ni gaw dai Madu a Tara hte seng ai ra mara ni hpe aten tup sharin ya lu na matu mung, shanhte a matu hkungga ni la sa ya na lam mung, hkawhkam wa gaw Yerusalem mare masha ni hpe hkang dat wu ai.

PRU MAT 29:27

“Hkinjawng langai mi aya dang ai shaloi, sagu la a sinda hte magyi hpe laksan kumhpa langai mi zawn nye a matu lang nna dai hpe hkinjawng ni a matu san da ya na rai ndai.

EZEKELA 43:24

dai ni hpe nye a man de la sa wa mi. Hkinjawng ni mung dai ni hpe jum mun bun nna nye a matu hkungga nat nawng na mu ai.

JAW JAU 2:13

Nang hte Karai Kasang a lapran e ga shaka jum tawn da nga ai majaw shadung hkungga shagu hta jum bang lu na rai ndai. (Na a hkungga yawng hta jum bang lu na rai ndai.)

JAW JAU 21:22

Dai zawn re ai wa gaw ngai hpe nawng ya ai dai chyoi pra ai hkungga hte chyoi pra htum ai lusha hkungga yan hpe sha mai nga ai.

JAW JAU 7:14

Shi gaw muk tawng shagu na chyen chyen, dai Madu hpe laksan kumhpa hku nawng ya na rai wu ai. Dai hpe tawn hkungri hta yam nga asai lapri ai hkinjawng wa madu la na rai wu ai.

BU HKAWM 18:11

“Dai sha n-ga, Israela masha ni nye a matu sak jaw ai kaga laksan kumhpa ni mung na a matu rai na rai nga ai. Dai ni hpe nang hte na a shayi shadang sha ni a matu ngu nna prat dingsa ngai jaw ya nga nngai. Na a dinghku kata na san seng ai masha shagu hte mung dai ni hpe sha mai nga ai.

BU HKAWM 18:8

Dai Madu gaw Arun hpe, “Nye a matu wan nat hkungga n re ai kaga laksan kumhpa ni yawng ngai nang hpe jaw ya nngai hpe dum u. Dai ni gaw nang hpe mung, na a amyu matu ni hpe mung htani htana kumhtaw tai na, ngai jaw nga nngai.

BU HKAWM 31:29

Dai ni hpe dai Madu a matu laksan hkungga shatai na hkinjawng Eleaza a lata de ap ya na rai myit dai.

BU HKAWM 31:41

Mawshe gaw dai Madu hkang da ai hte maren, dai Madu a matu laksan hkungga shatai na kang Eleaza hpe jaw ya wu ai.

TARA JAHPRANG 12:26

Nanhte a hkungga ni mung, dai Madu hpe ga sadi jaw da sai kumhpa ni hpe mung, nawku na matu san da ai shara de la sa na rai myit dai.

TARA JAHPRANG 12:6

Dai yang e, wan nat na nanhte a shagu hkungga ni hte kaga shagu hkungga ni, nanhte a htam shi hta na htam mi hte hkungga ni, dai Madu hpe ga sadi jaw ai kumhpa ni, jaw mayu ai hkungga ni hte shawng hkrat ai nanhte a sagu dumsu ni hpe mung nawng jau na rai myit dai.