BU HKAWM 18:12 - Jinghpaw Common Language Bible 2009

¹² “Israela amyu masha ni ngai hpe shaning shagu jaw jau ai shawng ngai ai nsi naisi a kaja htum ai tsanlun sau, sabyi ntsin hte nai mam ngai nang hpe jaw nga nngai.

Jinghpaw Hanson Version Bible

¹² Shanhte Yehowa hpe jaw jau ai shawng ngai ai nsi naisi a kaja htum ai namman, kaja htum ai tsabyi jahku hte nai mam, ngai nang hpe jaw sade ai.

BU HKAWM 18:12 ပူးပေါင်းရင်းမြစ်များ

NINGPAWT NINGHPANG 27:28

Karai Kasang gaw nang hpe lamu na numri jaw ya nhtawm na a yi sun hkauna ni hpe ga sau tung shangun u ga! Nai mam law law hte sabyi ntsin ni mung nang hpe jaw na nit dai!

2 HKAWHKAM 4:42

Bai kalang mi na masha langai mi Bala Shalisha kaw nna wa yang, dai shaning hta shawng shu la ai muk-yaw mam muk tawng hkun hte nsi naisi gungsi nnan loi mi Elisha kaw la sa ya wu ai. Shaloi Elisha gaw dai hpe myihtoi hpung mi hpe jaw sha na matu shi a shangun ma ni hpe tsun wu ai;

2 HKAWHKAM LABAU 31:5

Shing ngu hkang dat ai ga pru jang, Israela amyu masha ni gaw kaja htum ai nsi naisi, sabyi ntsin, tsanlun sau, lagat ntsin hte kaga yi sun hkauna na pru ai hkai nmai kumhpa ni la sa ya ma ai; shanhte lu ai arai yawng mayawng kaw na htam shi hta na htam mi hpe mung la sa shajang nga ma ai.

SHAKAWN KUNGDAWN 147:14

Shi gaw na a lamu ga jarit ni hpe shim nga shangun nna; sau ai hkaulan mam hta nang hpe shakat ya nga ai.

SHAKAWN KUNGDAWN 81:16

Rai ti mung, kaja htum ai hkaulan mam hte ngai shanhte hpe bau nna, nam na lagat jahku hte shanhte hpe myit dik hkra jahkru na mawe ai.”

PRU MAT 22:29

“Shawng myin ai na a nsi naisi, sabyi jahku hte tsanlun sau ni ngai hpe jaw jau lu na rai ndai. Shawng shaprat ai na a shadang sha alat ni ngai hpe jaw na rai ndai.

PRU MAT 23:19

“Nang shu la lu ai shawng ngai ai nsi naisi hpe dai Madu na a Karai Kasang a nta de shaning shagu nang la sa na rai ndai. “Sagu, bainam kasha ni hpe kanu a chyu hte hkum shadu et.

PRU MAT 34:26

“Nanhte shu la lu ai shawng ngai ai nsi naisi ni hpe dai Madu a man de shaning shagu la sa na rai myit dai. “Sagu kasha shing n rai bainam kasha hpe kanu a chyu hte hkum shapyaw myit,” ngu nna tsun wu ai.

EZEKELA 44:30

Hkinjawng ni gaw yawng hta shawng ngai ai kaja htum ai nsi naisi hte ngai hpe nawng jau ya ai hkungga amyu myu lu la nga ma ai. Amyu masha ni gaw muk kabaw ai aten shagu, shawng na muk tawng hpe shadung hkungga hku nna hkinjawng ni hpe jaw ya ra nga ai; shaloi shanhte a dum nta ntsa hta nye a shaman chyeju tawn da ya na nngai.

JAW JAU 2:12

Nanhte gaw shaning shagu shawng shu la lu ai nsi naisi sak jaw lu na matu dai Madu hpang de la sa na rai myit dai; rai ti mung dai ni hpe tawn hkungri ntsa nat lu na myit dai n rai.

JAW JAU 2:14

Nang shu la lu ai nsi naisi hkungga hte dai Madu hpang de la sa ai shaloi kakang da sai nsi naisi shing n rai rin da sai lusha nawng jau na rai ndai.

JAW JAU 23:17

Dinghku shagu gaw muk tawng lahkawng hkawng shapraw nhtawm laksan kumhpa shatai nna dai Madu hpe sak jaw na rai myit dai. Muk tawng shagu hpe mani ai shadung pawng mali hpe matsi hte shawawm nhtawm shawng ngai ai nsi naisi hkungga shatai nna dai Madu hpe nawng jau na rai myit dai.

JAW JAU 23:20

Hkinjawng ni a matu dai Madu hpe laksan kumhpa shatai na muk hte sagu la lahkawng hpe mung hkinjawng wa nawng ya na rai wu ai. Dai hkungga ni gaw chyoi pra nga ai.

TARA JAHPRANG 18:3

Sagu dumsu ni hpe shagu hkungga hku nawng ya shagu, hkinjawng wa hpe lahpa, shabyi hte pu kan ni jaw na rai myit dai.

TARA JAHPRANG 18:4

Shawng shu la ai nai mam, sabyi ntsin, tsanlun sau hte sagu mun re ai kumhtaw ni hpe shanhte lu la na rai ma ai.

TARA JAHPRANG 26:2

nanhte shu la lu ai shawng myin ai nsi naisi amyu shagu hpe ka hta bang nna nawku shara de la sa lu na rai myit dai.

TARA JAHPRANG 32:14

Shanhte a dumsu, bainam ni chyu alaw alam jaw ma ai; ra n rawng ai dumsu yam nga, sagu bainam shanhte hta nga nga ai. Kaja htum ai hkaulan mam hte jet ai sabyi ntsin shanhte lu ma ai.