BU HKAWM 17:5 - Jinghpaw Common Language Bible 2009

⁵ Dai hpang ngai lata la ai wa a dawhkrawng gaw maku ku na ra ai. Dai lam hku nna nang hpe ninghkap ai ndai Israela masha ni a n htum n mat hkraw ai aput angun ga hpe ngai shangap kau lu na rai nngai,” ngu nna tsun wu ai.

Jinghpaw Hanson Version Bible

⁵ Shaloi ngai lata la ai wa a dawhkrawng gaw apu pu na ra ai: ning rai jang she, Israela Kashu Kasha ni nang hpe aput apai nga ai ga, ngai na pu shara n nga na sai,” ngu wu ai.

BU HKAWM 17:5 ပူးပေါင်းရင်းမြစ်များ

2 HKAWHKAM LABAU 26:16

Rai ti mung Hkawhkam Uzia gaw n-gun rawng wa jang, myit tsaw myit dap wa ai rai nna dai gaw shi hkrat sum na lam de woi mat wa nga ai. Shi gaw tawn hkungri ntsa e manam pyaw ai baw hpe nat nawng na nga Nawku Htingnu kata de shang nna dai Madu shi a Karai Kasang hpe hkap daw wu ai.

SHAKAWN KUNGDAWN 105:26

Dai hpang, shi lata san da sai shi a shangun ma Mawshe hte Arun yan hpe shi shangun dat wu ai.

PRU MAT 16:7

Jahpawt e mung nanhte gaw htoi kabrim ai dai Madu a hpung shingkang hpe mu lu na marin dai. Nanhte shi hpe aput ai ga, rai sa, dai aput ai ga hpe shi na nu ai; an chyawm gaw shi a ga matsun ni hpe chyu sha gun hpai ai yan rai nga ga ai,” ngu nna tsun ma ai.

ESAIA 11:1

Dawi a hkawhkam amyu matu gaw kran kadawng kau hkrum ai hpun hte bung nga ai; rai ti mung ndu kaw nna nnaw nnan prut lung wa ai zawn hkawhkam nnan langai mi gaw Dawi a matu mara ni kaw na paw pru wa na ra ai.

ESAIA 13:11

Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

ESAIA 27:6

Dai nhtoi ni du jang, Yaku a aru arat ni ngu ai Israela amyu masha ni gaw hpun zawn aru jung wa nna asi si na matu apu pu majawm wa na mara ai. Ginding aga gaw shanhte shapraw ai nsi naisi hte jahpring na mara ai.

ESAIA 5:24

Dai majaw, Chyahtum Chyalai N-gun rawng ai dai Madu Israela a chyoi pra ai Karai Kasang gaw anhte hpe sharin da ya mi ai hpe nang ningdang kau nga ndai majaw yihku hte tsingdu jahkraw ni nyip mat nna wan hta hkru mat ai zawn na a ru ni tsam mat nna na a nampan pu ni hkraw nyui mat ai hte poi mat wa na ra ai.

EZEKELA 16:41

Numsha law law ni gaw nang hpe jaw ai ari hpe mu la mu ga, shanhte gaw na a dum nta ni hpe nat kau ya na mara ai. Ngai gaw nang hpe shawa num n tai mat hkra mung, sumtsaw sumra ni hpe kumhpa jaw ai kaw na mung, jahkring kau shangun na nngai.

EZEKELA 23:27

Ngai gaw nang Egutu mung hta naw nga nga yang, shut hpyit kau sai nse nsa matsat shabat re ai amu ni hte na a ngang gayut ai shawa num hking hpe ngai jahkring kau ya na we ai. Nang mung hpara sumla ni hpe loi mi mung mada yu na rin dai n rai, Egutu mung a lam hpe mung myit sana ndai n rai.”

HOSEA 14:5

Ngai gaw hkun hkraw ai shara hta marang htu ai zawn ngai gaw Israela amyu masha ni a matu tai na nngai. Shanhte gaw nampan ni zawn pu wa nna; Lebanon a hpun ni zawn ngang ngang ru jung na ra ai.

BU HKAWM 1:51

Nanhte dabang htawt ai aten shagu, Lewi amyu ni mahtang Sum run hpya nna dabang nnan ni de bai du shagu dai hpe sharawt shachyaw na rai ma ai. Sum de shani sa wa ai ni kadai mung sat kau ai hkrum na rai wu ai.

BU HKAWM 11:1

Dai amyu masha ni shanhte hkrum sha ai tsin-yam tsindam a majaw dai Madu hpe aput hpang wa ma ai. Dai Madu gaw dai lam ni na jang masin pawt nna amyu masha ni a ntsa e wan dat dat wu ai. Dai gaw shanhte a ka-ang e hkru wa ai hte dap a jahtum shara langai mi hpe jahten kau nga ai.

BU HKAWM 16:11

Arun hpe nanhte gumlau nna aput angun di myit dai shaloi dai amu gaw nang hte nang hpang maga hkan nang ai ni, dai Madu hpe teng teng gumlau nga myit dai,” ngu nna tsun wu ai.

BU HKAWM 16:5

Dai hpang shi gaw Kora hte shi a manang ni hpe, “Shi hte kadai seng nga ai lam mung, hpawt de dai Madu anhte hpe madun dan na ra ai; shi hte seng ai wa hpe shi lata la nhtawm tawn hkungri nga ai de shani la na ra ai.

BU HKAWM 17:10

Dai Madu gaw Mawshe hpe, “Ga Shaka Sumpu a man e Arun a dawhkrawng hpe bai tawn da u. Dai gaw gumlau ai Israela masha ni a matu sakse kumla tai na ra ai rai nna shanhte a aput angun ai hpe n jahkring kau ai rai yang, si na rai ma ai,” ngu nna tsun wu ai.

BU HKAWM 17:6

Dai rai nna Mawshe gaw Israela amyu masha ni hpe tsun dat mu ai rai nna shanhte a ningbaw shagu hte mung, amyu baw shagu a matu dawhkrawng langai ngai la nhtawm dawhkrawng shi lahkawng sa ya ma ai. Arun a dawhkrawng mung dai ni hte rau tawn da nga ai.

BU HKAWM 17:8

Hpang shani e, dai Sum kata de Mawshe shang yu wu yang, Lewi amyu bawsang a malai tawn da ai Arun a dawhkrawng mahtang alap lap ai hte pu majawm nna pu lagra ai hte myin ai batan si si nga ai!

1 KORINHTU 10:10

Shanhte nkau mi aput angun nna, Si du a kasa wa a lata hte jahten shabyak kau ai hkrum ma ai zawn, anhte aput angun nga lu na n rai.

YAWSHU 4:7

nanhte gaw shanhte hpe dai Madu a Ga Shaka Sumpu hka rap sa wa yang, dai Yawdan hka mahtang lwi nga ai kaw na hkring mat ai rai nga ai, ngu nna tsun dan na rai myit dai. Dai nlung ni gaw ndai shara e Israela amyu masha ni hpa byin lai wa sai lam hpe myit dum shangun na matu rai nga ai,” ngu nna tsun na rai myit dai.