BU HKAWM 16:46 - Jinghpaw Common Language Bible 2009

⁴⁶ Mawshe gaw Arun hpe, “Na a wan ban la nna tawn hkungri na grung nga ai wan n-ga dai hta la bang nhtawm, dai wan n-ga ntsa e manam pyaw ai baw loi mi mara tawn na rai ndai. Dai hpang amyu masha ni hpang de tin tin kagat sa nhtawm shanhte a matu jasan jaseng ai amu galaw ya na rai ndai. Tin tin rawt sa wa su! Dai Madu a pawt sindawng ai gaw pru wa nu ai; ana zinli mung du rau ra ai,” ngu nna tsun wu ai.

Jinghpaw Hanson Version Bible

⁴⁶ Bai Mawshe gaw Arun hpe, “Na a wan ban la nna tawn hkungri na wan hta bang nhtawm, lawban mara lang let, shawa hpung de alawan gat nna shanhte a matu htingrai htingrat su: Yehowa a pawt ai sindawng pru ra ai; ana zinli mung du rau ra ai,” ngu nna shangun dat wu ai.

BU HKAWM 16:46 ပူးပေါင်းရင်းမြစ်များ

1 HKAWHKAM LABAU 27:24

Kanu Zeruia a kasha Yoab gaw dai yuptung jahpan la hpang wu ti mung, dai amu hpe shi n jahkum shatsup da lu nga ai. Dai yuptung jahpan hta ai majaw Israela hpe Karai Kasang ari jaw sai. Dai re ai majaw Hkawhkam Dawi a tara shang labau laika ni hta hpang jahtum na numbat hpe galoi mung n ka matsing da nga ai.

SHAKAWN KUNGDAWN 106:29

Shanhte gaw shanhte galaw ai amu ni hte Madu a sindawng kahtet ai hpe jasu shalut ya nga ma ai majaw, hkrithpa ana zinli mung, shanhte hta byin pru wa nga masai.

SHAKAWN KUNGDAWN 141:2

Nye a akyu hpyi ai ga hpe manam pyaw ai baw lawban zawn; nye a lata sharawt ai gaw shana de na hkungga hpe zawn, hkap la ya e.

JAW JAU 10:6

Dai hpang Mawshe gaw Arun hte shi a shadang sha yan rai nga ai Eleaza hte Ihtama hpe, “Nanhte sharung shayawt nga myit dai hpe madun dan na matu nanhte a kara hkum hpyan kau myit; nanhte a hpun palawng ni hpe mung hkum gang je kau myit. Dai hku galaw ai rai yang si na rai myit dai. Dai Madu mung shawa hpung ting hpe pawt sindawng na rai wu ai. Dai Madu shangun dat ai wan a majaw byin ai rai nga ai; Rai ti mung kaga nanhte a hpu nau Israela masha ni yawng dai si hkrung si htan a matu sharung shayawt na ahkang lu nga myit dai.

JAW JAU 9:24

Dai Madu gaw wan hpe akajawng sha dat dat nna tawn hkungri na wan nat hkungga hte sau man ni hpe hkru kau nga ai. Dai lam hpe amyu masha ni mu ma yang, shanhte yawng marawn jahtau ai hte ga de myi man gum dagup let dingnyawm nga ma ai.

HABAKU 3:5

Shi gaw shi a shawng e ana ahkya dat dat nna shi a hpang e si hkrung si htan hkan nang na matu hkang da nga ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

BU HKAWM 1:53

Rai ti mung Lewi masha ni gaw Sum a grup yin hkan e but nga nna dai hpe makawp maga na rai ma ai. Dai shara de kadai mung n shani sa lu mu ga, Israela shawa hpung ting mung nye a myit masin hpe pawt shangun nna adup ai kaw n du u ga,” ngu nna tsun wu ai.

BU HKAWM 11:33

Shanhte sha na u preng shan alaw alam naw lu nga yang, dai Madu gaw dai amyu masha ni hpe pawt nna shanhte a ka-ang e ana zinli shabyin dat ya wu ai.

BU HKAWM 18:5

Nang hte na a shadang sha ni chyu sha Chyoi Pra ai Shara hte tawn hkungri hte seng ai amu bungli ni galaw gun hpai lu na rai myit dai; shaloi Israela amyu masha ni hpe pawt sindawng ai lam bai pru wa lu na ra ai n rai.

BU HKAWM 25:13

Shi hte shi a lakung lama ni chyawm gaw htani htana hkinjawng ni tai nga manu ai. Shi gaw ngai hta lai nna shingjawng kashun ai kaning re ai hpara hpe mung n yu sharawng ai hte amyu masha ni a shut hpyit ai mara ni a matu htingrai htingrat ya nu ai.

BU HKAWM 25:8

dai lasha hte numsha nga ai sum de hkan nang nhtawm, shan lahkawng hpe nri hte galun htinggrang kau wu ai. Ndai lam hku nna Israela hpe shamyit jahten kau na ana zinli sim mat ai;

BU HKAWM 8:19

Israela amyu masha ni a matu Sum kata hta amu gun hpai na mung, shanhte dai Chyoi Pra ai Shara de sit sa wa yang, ari n hkrum mu ga, ru yak tsin-yam tsindam kaw na shanhte hpe makawp maga la na matu mung, Israela masha ni hta na Lewi masha ni hpe Arun hte shi a shadang sha ni hpe kumhpa langai hku ngai ap ya we ai,” ngu nna tsun wu ai.

TARA JAHPRANG 9:22

“Dai hta kaga, Tabera, Masa hte Kibrot Hatawa shara hkan e nanhte but nga myit dai shaloi dai Madu nanhte a Karai Kasang hpe masin pawt shangun manit dai.