BU HKAWM 16:41 - Jinghpaw Common Language Bible 2009

⁴¹ Hpang shani e, shawa hpung ting gaw Mawshe yan Arun hpe aput let, “Nan gaw dai Madu a amyu masha nkau mi hpe sat kau manit dai,” ngu nna deng ma ai.

Jinghpaw Hanson Version Bible

⁴¹ Hpang jahpawt e Israela shawa hpung ting gaw Mawshe yan Arun hpe, mara shagun let, “Nan Yehowa a masha ni hpe sat kau myit dai,” nga nna aput ma ai.

BU HKAWM 16:41 ပူးပေါင်းရင်းမြစ်များ

1 HKAWHKAM 18:17

Ahab shi hpe mu jang, Ahab gaw, “Israela mung hta ru yak tsin-yam tsindam sawng hkra jaw ai wa gaw nang she rai nga n hka i!,” ngu nna tsun wu ai.

SHAKAWN KUNGDAWN 106:13

Rai ti mung, shanhte gaw shi galaw dan sai amu ni hpe alawan malap kau ya mu ai hte; shi a hpaji jaw ai lam ni hpe n la nga ai sha, galaw kau manu ai.

SHAKAWN KUNGDAWN 106:23

Shi gaw shi a amyu masha ni hpe jahten kau na nga, Karai Kasang tsun wu ai shaloi, shi lata la ai shangun ma kaja Mawshe gaw shi a man e, rawt tsap nna, shanhte hpe n shamyit kau u ga, shi a masin kahtet ai hpe shakawp ya wu ai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

YEREMIA 38:4

Dai hpang, du salang ni gaw hkawhkam wa hpang de sa nna, “Ndai masha wa gaw si ging nga ai. Shi gaw dai zawn nga ai ga tsun shaga ai majaw mare kata na hpyenla ni hpe shanhte a n-gun marai shadaw kau ya nu ai; shi gaw ndai mare hta naw ngam nga ai masha shagu hte hpe karum na matu, shakut ai wa n rai, shanhte hpe nchyi nmu machyi shangun na ra sharawng ai wa sha rai nga ai,” ngu nna tsun dan ma ai.

YEREMIA 43:3

Babelon mung masha ni gaw anhte a ntsa e daru magam n-gun bai rawng wa ai hte anhte hpe sat kau na shing n rai Babelon mung de woi wa na matu Neria a kasha Baruk gaw anhte hpe gumlau na matu nang hpe kasu kabrawng dat nu ai,” ngu nna tsun ma ai.

AMO LAIKA (AMOS) 7:10

Behtela na hkinjawng Amazia gaw Israela a Hkawhkam Yeroboam hpang de ning ngu shiga shana dat wu ai: “Amo gaw amyu masha ni a lapran e nang hpe gumlau na matu maw mawn nga ai. Shi a tsun shaga ai ga ni gaw mungdan hpe jahten nga ai.

BU HKAWM 14:2

Shanhte gaw Mawshe yan Arun hpe aput let, “Egutu mung shing n rai ndai Nam Mali hkan e si mat tim pyi grau kaja na saga ai law!

MAHTE 5:11

“Nanhte nye a hpang hkan nang ai ni re ai majaw, nanhte hpe masha ni asawng asang di nna zingri zingrat nga ma ai hte masu ai hku hkan let mara amyu myu shagun da myit dai shaloi e, nanhte a lu myit dai;

KASA 21:28

Shanhte gaw, “Israela masha ni e, karum la marit! Ndai wa gaw shara shagu hkan hkawm nna yawng mayawng hpe anhte Israela amyu hpe mung, Mawshe a Tara hpe mung ndai Nawku Htingnu hpe mung nhtan shai mara shagun ai hku hkaw tsun sharin shaga ai wa rai nga ai law. Dai hta n-ga ya shi gaw tara maigan masha ni hpe Nawku Htingnu kata de shaga shashawn nna ndai Chyoi pra ai shara hpe awu asin di kau nu ai law!” nga nna jahtau ma ai.

KASA 5:28

“Nanhte hpe dai amying hte n sharin shaga na matu anhte aja awa hkang da saga ai. Rai ti mung nanhte hpa galaw manit dai lam yu yu mu! Nanhte gaw nanhte a sharin shaga ai lam hpe Yerusalem mare ting shachyam shabra dat manit dai rai nna, dai wa si ai gaw anhte a majaw re ngu nna nanhte shadu mayu nga myit dai,” ngu nna tsun mu ai.

1 KORINHTU 10:10

Shanhte nkau mi aput angun nna, Si du a kasa wa a lata hte jahten shabyak kau ai hkrum ma ai zawn, anhte aput angun nga lu na n rai.

2 KORINHTU 6:8

Anhte gaw shagrau sha-a ai mung, jahpoi asawng ai mung, shakawn kungdawn ai mung hkrum ga ai. Anhte hpe masu hkalem sha ai masha ni rai ma ai ngu nna shadu ma ai, rai ti mung, anhte gaw teng man ai ga tsun ga ai.

YUDA 1:16

Ndai masha ni gaw galoi mung aput angun nga nna masha kaga ni hpe mara sha shagun nga ma ai; shanhte gaw shanhte a n hkru n kaja ai, ra marin ai hta hkan nang ma ai. Shanhte gaw tinang a lam hpe shakawng gumrawng chye ma ai; shanhte gaw tinang a akyu pru hkra masha wa hpe kawng sharawt ya masu ai hku hkalem ai ga chye tsun ma ai.