BU HKAWM 16:33 - Jinghpaw Common Language Bible 2009

³³ Dai rai nna shanhte mung shanhte a arung arai ni hte nawng Katsan ga de chyahkrung yu mat wa ma ai. Lamu ga mung shanhte a ntsa e bai chyip mat nna kaput kau ai hkrum ma ai.

Jinghpaw Hanson Version Bible

³³ Shing rai shanhte hkum dai hte shanhte hte seng maseng nawng katsan ga de chyahkrung yu hkrat wa ma ai: lamu ga mung shanhte a ntsa e bai chyip mat nna, shanhte gaw shawa hpung na jahtum kau ai hkrum ma ai.

BU HKAWM 16:33 ပူးပေါင်းရင်းမြစ်များ

SHAKAWN KUNGDAWN 141:7

Shanhte a nrut nra ni gaw, chye ga da ai hpun zawn, kahtum kadaw rai mat nna; dai nrut nra ni hpe lup sung hku hkan e, gat ayai da nga ma ai.

SHAKAWN KUNGDAWN 143:7

Madu e, ngai hpe ya jang, htan ya e! nye a myit mada ai lam yawng htum mat sali ai. Na a myi man ngai kaw nna, hkum kayin kau nga et; shing rai yang, nsung hku kata de shang mat wa ai ni hta ngai lawm wa na ring ngai.

SHAKAWN KUNGDAWN 55:15

Nye a gumlau hpyen ni gaw shanhte a aten garai n du yang si htum mat mu ga; shanhte gaw katsan ga de jahkrung sa mat wa mu ga! Dai n hkru n shawp ai gaw shanhte a dum nta ni hte shanhte a myit kraw lawang ni hta rawng nga ai.

SHAKAWN KUNGDAWN 55:16

Rai ti mung, karum la na matu ngai gaw Madu Karai Kasang hpe hpyi shaga ai; shi ngai hpe hkye hkrang la na ra ai.

SHAKAWN KUNGDAWN 55:23

Rai ti mung, Karai Kasang e, nang gaw masha sat ai ni hte masu magaw ai masha ni hpe shanhte a asak ka-ang garai n lai yang pyi shanhte a lup sung hku ni de, jahkrat kau na rai nga ndai. Ngai chyawm gaw nang hpe kam hpa nga na nngai.

SHAKAWN KUNGDAWN 69:15

Mawru hka hte ngai hpe hkum ka-up kau shangun et; sung ai hka hte ngai hpe hkum marit shangun et, lup sung hku de mung ngai hpe hkum lup wa shangun et.

SHAKAWN KUNGDAWN 9:15

Tara maigan masha ni gaw nhkun htu mu ai hte dai hta di hkrat bang mu ai; shanhte hkam da ai mahkam hta shanhte bai lu nga manu ai.

ESAIA 14:15

Rai ti mung shing rai galaw lu na malai, nang gaw katsan ga a sung htum ai shara hta jahkrat bang kau ai hkrum nga nit dai.

ESAIA 14:9

“Katsan ga gaw Babelon hkawhkam wa hpe tau hkalum la na matu jin jin rai nga ai. Ginding aga ntsa na daru magam n-gun rawng lai wa sai ni a tsu minla ni kabring kabrawng rai nga ai. Hkawhkam ni a tsu minla ni gaw shanhte a tingnyang ni kaw na rawt wa nga ma ai.

ESAIA 38:18

Katsan ga na masha kadai mung nang hpe shakawn kungdawn lu ai n rai; Si hkrung si htan gaw na a sadi sahka hpe kam ai n rai.

EZEKELA 31:14

Dai rai nna, hka hkru hkru lu lu ai hpa hpun mung, tsaw ai shara na sumwi ni hpe dep lu hkra tu kaba shangun ai hpun ndung hpe mung, ya kaw nna bai tu kaba tsaw kung dam shangun sana n rai. Dai ni yawng gaw si chye ai masha ni zawn si mat nna, Katsan ga de yu wa ai ni hte mazum na matu dingnye hkrum nga masai.”

EZEKELA 32:18

Shi gaw, “Si chye ai masha wa e, Egutu mung masha yawng a matu sharung shayawt nga u. Shanhte hpe kaga daru magam n-gun rawng ai masha amyu baw ni hte hpawn katsan ga de shayu kau dat u.

EZEKELA 32:30

“Dingdung maga de na hkawhkam kasha ni ngu ai Sidon masha ni yawng mung dai shara hta nga nga ma ai. Shanhte a n-gun atsam hpe lang mi na aten hta hkrit hpa hku shapraw dan lai wa masai; rai ti mung ya chyawm gaw, matu gadoi n hkam ai sha si kaleng taw nga ai ni hte majan hta sat kau hkrum sai ni hte rau nsung hku de yu wa ai hte kaya kahpa sum hkrum nga ma ai. Shanhte gaw katsan ga de yu wa ai ni hte rau kaya kahpa hkrum nga ma ai.

BU HKAWM 16:32

shan a dinghku masha ni hte Kora a hpang hkan ai ni yawng hte shanhte a arai yawng mayawng hpe mayu kau nga ai.

BU HKAWM 16:34

Shanhte a marawn jahtau ai nsen na ai Israela amyu masha ni dai yang kaw na hprawng mat wa ma ai. Shanhte gaw, “Hprawng mu! Dai lamu ga gaw anhte hpe mung mayu kau na ra ai!,” ngu nna jahtau tsun ma ai.

BU HKAWM 22:33

Rai ti mung na a lawze ngai hpe mu nna masum lang koi yen kau nga ai. Shing rai n koi taw gaw, nang hpe ngai sat kau nna lawze hpe jahkrung da na we ai,” ngu nna tsun wu ai.

BU HKAWM 26:11

Rai ti mung Kora a shadang sha ni chyawm gaw n si lawm ma ai.)

TARA JAHPRANG 32:22

Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.