BU HKAWM 16:29 - Jinghpaw Common Language Bible 2009

²⁹ Ndai amyu masha ni Karai Kasang jaw ai ari hpa mung n hkrum sha ai sha, shingra htung tara hku si ma ai rai yang, dai Madu ngai hpe shangun dat nga ai n rai.

Jinghpaw Hanson Version Bible

²⁹ shinggyim masha nga yawng danghta si wa ai hku she shanhte si, n-gawn shawa hkrum ai lam she shanhte hkrum yang gaw, Yehowa shangun dat ai wa ngai n rai nngai.

BU HKAWM 16:29 ပူးပေါင်းရင်းမြစ်များ

1 HKAWHKAM 18:36

Ya shana de hkungga nawng ya na aten hta, myihtoi Elia gaw tawn hkungri de sit sa nna, “Abraham, Isak hte Yaku ni a Madu Karai Kasang e, nang gaw Israela a Karai Kasang rai nga ndai mung, ngai gaw na a shangun ma rai nga nngai mung, na a hkang da ai ga hte sha ndai amu ni yawng hpe galaw nngai mung, ya jang sakse shapraw dan u law.

1 HKAWHKAM 22:28

Mihkaia gaw, “Nang shim lum ai hte bai nhtang wa lu ai rai yang, dai Madu gaw ngai hku nna ga shaga na nu ai n rai!,” ngu nna jahtau tsun wu ai. Shi gaw, “Masha shagu hte e, ngai hpe tsun ai ga hpe madat mu law!,” ngu nna jat tsun wu ai.

2 HKAWHKAM LABAU 18:27

Mihkaia gaw, “Nang shim lum ai hte bai nhtang wa lu ai rai yang, dai Madu gaw ngai hku nna ga shaga sana nu ai n rai!,” ngu nna jahtau tsun wu ai. Shi gaw, “Masha shagu hte e, ngai tsun ai ga hpe madat mu law!,” ngu nna tsun jat wu ai.

YOBA 35:15

Nang gaw Karai Kasang ari n jaw ai, shi gaw yubak jaw na matu kachyi mi sha myit lawm ai, ngu nna myit nawn nga ndai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

PRU MAT 32:34

Ya chyawm gaw ngai nang hpe tsun na shara de ndai amyu masha ni hpe woi sa su. Nye a lamu kasa nang hpe lam madun la na ra ai hpe adum nga u; rai ti mung shanhte shut hpyit kau ai yubak a matu ndai amyu masha ni hpe ngai ari jaw na aten gaw du na ra ai,” ngu nna tsun wu ai.

HPAJI NINGLI 3:19

Hpang jahtum e chyawm gaw shinggyim masha hte dusat ni hta byin ai maka gaw maren sha rai nga ai. Kaga wa si ai zawn si nga ai. Shanhte gaw hkrung kanu ni sha rai ma ai. Shinggyim masha gaw dusat hta grau kaja nga ai n rai, hpa majaw nga yang, asak gaw kade a matu mung lachyum n pru nga ai.

ESAIA 10:3

Karai Kasang nanhte hpe ari jaw ai shaloi, nanhte hpa galaw na rai myit ni? Shi gaw sumtsan mung kaw nna nanhte hpang de tsin-yam tsindam la sa ya wa ai shaloi, nanhte hpa galaw na rai myit ni? Karum la lam mu tam la hkra nanhte gara shara de hprawng hkawm na myit ni? Nanhte a sut gan hpe gara shara e makoi da na myit ni?

YEREMIA 5:9

Ngai gaw shanhte hpe dai zawn re ai amu ni a matu ari n jaw ang ai hte dai zawn re ai amyu baw hpe matai nhtang ang nngai kun?

SHARUNG SHAYAWT 4:22

Ziun gaw shi shut hpyit ai yubak a matu shabrai lu nu ai; Dai Madu gaw anhte hpe galoi mung bawng dung shangun sana n rai. Rai ti mung, Edom e, dai Madu gaw nang hpe ari jaw na ra ai; shi gaw na a shut hpyit ai arawn alai ni hpe shadan dan na ra ai.

SHINGRAN 11:5

Masha langai ngai shan hpe hpyen na hkyen ai shaloi, shan a n-gup hta na wan pru nna, hpyen ni hpe hkru kau shangun mu ai. Shanhte hpe hpyen na matu shakut ai ni nga manga gaw ndai hku nna sat kau ai hkrum na rai ma ai.