BU HKAWM 16:28 - Jinghpaw Common Language Bible 2009

²⁸ Mawshe gaw amyu masha ni hpe, “Ndai amu ni yawng nye a myit ra ai hku n rai; dai Madu shangun ai hku ngai galaw nngai hpe nanhte chye lu na rai myit dai.

Jinghpaw Hanson Version Bible

²⁸ Shaloi Mawshe gaw, “Ndai amu yawng mayawng nye a myit hte ngai galaw ai n rai; Yehowa shangun nna she galaw nngai gaw, nanhte kaning rai chye lu na nga yang:

BU HKAWM 16:28 ပူးပေါင်းရင်းမြစ်များ

1 HKAWHKAM 18:36

Ya shana de hkungga nawng ya na aten hta, myihtoi Elia gaw tawn hkungri de sit sa nna, “Abraham, Isak hte Yaku ni a Madu Karai Kasang e, nang gaw Israela a Karai Kasang rai nga ndai mung, ngai gaw na a shangun ma rai nga nngai mung, na a hkang da ai ga hte sha ndai amu ni yawng hpe galaw nngai mung, ya jang sakse shapraw dan u law.

PRU MAT 3:12

Karai Kasang gaw, “Ngai nang hte rau rai nga na nngai, dai re ai majaw amyu masha ni hpe Egutu mung kaw na nang woi shapraw wa ai shaloi nanhte ngai hpe ndai bum ntsa e nawku lu na rai myit dai. Dai gaw ngai nang hpe shangun dat ai sakse tai na ra ai,” ngu nna htan wu ai.

PRU MAT 4:12

Ya chyawm gaw sa wa su! Nang shaga lu na matu ngai karum na de ai; kaning ngu nna nang tsun shaga na mung ngai tsun dan na de ai,” ngu nna tsun wu ai.

PRU MAT 4:15

Nang gaw shi hte rau ga shaga lu na rai nna, kaning ngu tsun na ga shi hpe tsun dan u. Ngai gaw nan lahkawng tsun shaga na ga hpe karum ya na nngai; ngai gaw nan hpa galaw na lam hpe mung tsun dan na made ai.

PRU MAT 7:9

“Hkawhkam wa nan hpe mauhpa lamik kumla langai madun ya mi, ngu nna hpyi yang, dawhkrawng la nna hkawhkam wa a man e kabai tawn u ngu Arun hpe tsun u, dai gaw lapu tai na ra ai,” ngu nna tsun wu ai.

YEREMIA 23:16

Chyahtum Chyalai N-gun Rawng ai dai Madu gaw Yerusalem amyu masha ni hpe, “Myihtoi ni hkaw tsun ai ga ni hpe hkum madat ya myit; shanhte gaw nang hpe shut ai myit mada shara ni hte jahpring ya nga ma ai. Shanhte gaw shanhte myit shingran mu ai lam hpe sha nang hpe tsun dan ma ai, ngai tsun sai mungga ni hpe tsun ma ai n rai.

EZEKELA 13:17

Dai Madu gaw, “Ya chyawm gaw, si chye ai masha wa e, na a amyu masha ni hta e shanhte a myit ra ai hku hkan nna myihtoi htoi ai num ni hpe yu yu u. Shanhte hpe ninghkap let daru u,

ZEHKARIA 2:9

“Dai Madu gaw shi nan nanhte hpe ninghkap gasat na ra ai; nanhte gaw lang mi nanhte a shangun ma ni tai yu sai amyu masha ni a kashun kashe hpya kau ai hkrum na marin dai.” Ndai lam byin wa ai shaloi, Chyahtum Chyalai N-gun rawng ai dai Madu ngai hpe shangun dat ai amu, masha shagu chye na wa na mara ai.

ZEHKARIA 4:9

Shi gaw, “Zerubabela gaw Nawku Htingnu a npawt nhpang jahkrat da nu ai; dai Htingnu hpe shi shangut na ra ai. Ndai lam byin wa ai shaloi, shanhte hpang de ngai nang hpe shangun dat ai hpe nye a amyu masha ni chye lu na mara ai.

YAWHAN 11:42

Nang galoi mung nye a ga madat ya ndai hpe, ngai chye nngai. Rai ti mung nang ngai hpe shangun dat ndai hpe ndai grup yin e nga ai masha ni kam sham lu mu ga, shanhte a matu ngai ning ngu tsun nngai,” nga ai.

YAWHAN 14:11

Ngai gaw Wa hta nga nna, Wa mung ngai hta nga ai ngu nna ngai tsun ai hpe kam sham nga mu. Dai n rai yang gaw, ngai galaw dan ai amu ni hpe tau yu nna pyi kam sham nga mu.

YAWHAN 5:30

Ngai gaw nye a myit hte hpa mung n galaw lu nngai; ngai gaw Karai Kasang tsun ai hte maren sha jeyang nngai; nye a jeyang daw dan ai lam mung ding man li ai; hpa majaw nga yang, ngai gaw ngai ra ai lam hkan galaw na matu shakut nga nngai n rai, ngai e shangun dat ai wa a ra ai lam hkan galaw na matu chyu sha tam shakut nga nngai.

YAWHAN 5:36

Rai ti mung ngai lu ai sakse gaw Yawhan hkam ya ai sakse hta grau kaba li ai, hpa majaw nga yang, ngai galaw ai gaw, ngai gun hpai shangut na matu, nye Wa e ngai hpe ap ya ai amu ni rai nga ai rai nna, ya ngai gun hpai nga ai amu ni e pyi, ngai hpe nye Wa e shangun dat ai lam sakse hkam ya nga ai.

YAWHAN 6:38

Hpa majaw nga yang, sumsing lamu nna ngai yu sa ai gaw, nye a myit ra ai hku hkan galaw na matu yu sa nngai n rai; ngai hpe shangun dat ai wa a myit ra ai hku hkan galaw na she, yu sa ai rai nngai.

TARA JAHPRANG 18:22

Dai Madu a mying ningsang hte myihtoi wa tsun nga ti mung shi tsun ai ga n teng nga ai rai yang, dai gaw dai Madu a mungga n rai nga ai. Dai myihtoi wa mahtang shi a ahkang aya hte tsun ai rai ti mung shi hpe hkrit lu na myit dai n rai.