BU HKAWM 16:26 - Jinghpaw Common Language Bible 2009

²⁶ Shi gaw amyu masha ni hpe, “Ndai n hkru ai masha ni a sum kaw na tsan tsan de hprawng tsap nga mu; shanhte hte seng ai arai hpa mung hkum sa hkra nga myit. Shing n rai yang, shanhte galaw shut kau sai yubak mara yawng a majaw shanhte hte rau nanhte mung shamyit kau ai hkrum na rai myit dai,” ngu nna tsun wu ai.

Jinghpaw Hanson Version Bible

²⁶ Shaloi shi gaw, “Ndai n hkru ai masha ni a sum ni hpe hprawng yen mu; shanhte a yubak hta nanhte n hten lawm myit ga, shanhte a arai lama mi hpe muk hkum hkra ya myit,” ngu nna shawa hpung hpe tsun wu ai.

BU HKAWM 16:26 ပူးပေါင်းရင်းမြစ်များ

NINGPAWT NINGHPANG 19:17

Dai hpang lamu kasa langai mi gaw, “Na a asak lawt lu hkra hprawng u! Shingdu de hkum kayin yu et! Kadit hkam wam hta mung hkum hkring et; sat kau ai mung nang n hkrum ru ga, kawng ni de kagat lung wa u,” ngu nna tsun wu ai.

ESAIA 52:11

Nawku Htingnu arung arai hpai ai nanhte yawng hte e, Babelon mung kaw na teng sha pru wa mu. Hkum da ai arung arai hpe hkum hkra myit; nanhte a hkum ni hpe shachyoi shapra ai hte pru wa mu.

YEREMIA 51:6

Babelon a shut hpyit ai yubak a majaw sat kau ai n hkrum myit ga, Babelon mung kaw nna hprawng mat wa mu! Ngai gaw shanhte hkam la ging ai ari hkam la na matu nye a matai hpe ya dawp na nngai.

BU HKAWM 16:25

Dai hpang Mawshe kaw Israela ningbaw ni hkan nang nhtawm Dahtan yan Abiram hpang de sa du ma ai.

MAHTE 10:14

Nanhte hpe n hkap hkalum la nna nanhte a ga hpe n madat yang gaw, dai nta kaw na, shing n rai, dai mare kaw na pru wa nhtawm, nanhte a lagaw hta kap ai nhpu hpe ahpu da mu.

KASA 13:51

Kasa yan gaw, shanhte galaw ai lam hpe n ra ai kumla hku nna tinang a lagaw kaw na ga nhpu hpe ahpu jahkrat kau da nna Ikoni mare de pru mat wa ma ai.

KASA 8:20

Rai ti mung Petru gaw, “Karai Kasang a kumhpaw kumhpa hpe gumhpraw hte mari la lu na re ai ngu nna nang myit nga ndai majaw nang hte na a gumhpraw gaw ngarai mung hta hten bya mat u ga.

2 KORINHTU 6:17

Dai rai nna Madu gaw, “Nanhte gaw shanhte hpe tawn kau da lu na hte shanhte kaw na kaga lak nanhte a hkum ni hpe garan jahka kau mu. Awu asin re ai hpe hpa hkum hkra mu, shaloi ngai nanhte hpe hkap la na made ai.

TARA JAHPRANG 13:17

Shing rai yang jahten sharun kau na matu daw dan da sai mare na arai hpa hpe mung nanhte a matu hkum mazing la nga myit. Shaloi dai Madu gaw masin kawp nna matsan dum ai myit nanhte hpe madun dan na ra ai. Dai ni ngai nanhte hpe jaw made ai shi a hkang da ai ga ni yawng hpe madat mara hkan sa nna shi hpyi ai hte maren galaw ai rai yang, shi gaw nanhte a nji nwa ni hpe ga sadi tawn da nu ai hte maren nanhte hpe matsan dum nna law htam ai amyu masha shatai na rai wu ai.

1 TIMOHTI 5:22

Madu a magam bungli gun hpai na matu kadai hpe mung lata mara nna aya dang ya na hkum tin et. Kaga masha ni yubak galaw ai lam hta hkum lawm et; nang nan mara n kap hkra san seng nga u.

SHINGRAN 18:4

Dai hpang sumsing lamu de na nsen langai mi gaw, “Nye a amyu masha ni e, pru sa wa marit! Shi kaw na pru wa marit! Shi hte rau yubak mara n galaw myit ga, shi hte rau dai ari n jawm hkrum myit ga!