BU HKAWM 16:18 - Jinghpaw Common Language Bible 2009

¹⁸ Dai rai nna dai masha shagu hte gaw tinang a wan ban la nhtawm de a ntsa e grung nga ai wan n-ga hte manam pyaw ai baw hpe mara nhtawm Mawshe yan Arun hte rau Sum chyinghka lam e sa tsap nga ma ai.

Jinghpaw Hanson Version Bible

¹⁸ Shing rai shanhte langai hte langai tinang a wan ban la nna, wan hte lawban mara nhtawm, Mawshe yan Arun hte rau shawa sum chyinghka e tsap nga ma ai.

BU HKAWM 16:18 ပူးပေါင်းရင်းမြစ်များ

2 HKAWHKAM LABAU 26:16

Rai ti mung Hkawhkam Uzia gaw n-gun rawng wa jang, myit tsaw myit dap wa ai rai nna dai gaw shi hkrat sum na lam de woi mat wa nga ai. Shi gaw tawn hkungri ntsa e manam pyaw ai baw hpe nat nawng na nga Nawku Htingnu kata de shang nna dai Madu shi a Karai Kasang hpe hkap daw wu ai.

JAW JAU 16:12

tawn hkungri na grung nga ai wan n-ga hpring hkra rawng ai wan ban la nhtawm mani ai lawban latup lahkawng lang let Chyoi Pra Htum ai Sum de la shang wa na rai wu ai.

JAW JAU 16:13

Shi gaw dai Madu a man e wan ntsa hta lawban mara da na rai wu ai. Lawban nat ai wan hkut mung Ga Shaka Sumpu magap hpe mawng bun na rai nga ai majaw dai hpe shi n mu lu ai hte si na wu ai n rai.

BU HKAWM 16:17

Nanhte langai hte langai mung tinang nang a wan ban la nna de a ntsa e manam pyaw ai baw mara tawn nhtawm tawn hkungri e nawng jau na rai myit dai,” ngu wu ai.

BU HKAWM 16:19

Dai hpang Kora gaw shawa hpung ting hpe jahpawng da nhtawm Sum chyinghka lam e Mawshe yan Arun hte man chyaw tsap nga ma ai. Shaloi htoi tu ai dai Madu a hpung shingkang gaw dai shawa hpung de akajawng sha dan hkung wa nhtawm,

BU HKAWM 16:37

“Dai wan ban ni chyoi pra nga ai majaw naw ngam nga ai masha ni hta hkru nga ai magri mang wan ban ni hpe hta la nna, dai wan ban ni hta wan n-ga ni hpe shara ra de sa ru kau na lam, hkinjawng Arun a shadang sha Eleaza hpe tsun u.

BU HKAWM 16:48

Dai gaw ana zinli hpe shazim kau nhtawm shi mung hkrung nga ai ni hte si ai ni a lapran e tsap nga wu ai.