BU HKAWM 16:16 - Jinghpaw Common Language Bible 2009

¹⁶ Mawshe gaw Kora hpe, “Hpawt de rai jang nang hte na a hpung hkan ai ni marai 250 hte gaw dai Madu a hpung shingkang shanu nga ai Sum de sa wa lu na rai myit dai; Arun mung dai yang e nga nga na rai wu ai.

Jinghpaw Hanson Version Bible

¹⁶ Bai Mawshe gaw Kora hpe, “Nang hte nang hpang maga na ni nlang hte gaw Arun hte rau hpawt de Yehowa man e nga nga mala:

BU HKAWM 16:16 ပူးပေါင်းရင်းမြစ်များ

PRU MAT 16:9

Mawshe gaw Arun hpe, “Dai Madu gaw nanhte a aput ai nsen ni hpe na ya nu ai majaw, shi hpang de sa nna shi a man e tsap nga na matu hpung shawa ting hpe htawn tsun u,” ngu nna tsun wu ai.

BU HKAWM 12:4

Dai Madu gaw Mawshe, Arun hte Miriam ni hpe, “Nye a hpung shingkang shanu nga ai Sum de nanhte masum pru sa wa na ngai ra sharawng nga nngai,” ngu nna akajawng sha tsun wu ai.

BU HKAWM 16:15

Mawshe gaw masin pawt ai hte dai Madu hpe, “Ndai masha ni la sa ai hkungga hpa hpe mung hkum hkap la ya et; ngai shanhte hte hpa mara mung n galaw shut yu nngai; shanhte a lawze langai mi hpe pyi n la yu nngai,” ngu nna tsun wu ai.

BU HKAWM 16:17

Nanhte langai hte langai mung tinang nang a wan ban la nna de a ntsa e manam pyaw ai baw mara tawn nhtawm tawn hkungri e nawng jau na rai myit dai,” ngu wu ai.

2 TIMOHTI 2:14

Masha ni hpe ndai lam shadum shahprang nga u; ga hte ndang kalang nga nna gasat ningjet n nga na matu Karai Kasang a man e shanhte hpe ja ja sadi jaw da u. Shing rai ndang kalang hkat ai lam gaw, hpa akyu n shabyin ai hta n ga, madat la ai masha ni hpe jahten shabya ai lam sha byin shangun nga ai.

1 SAMUELA 12:3

Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,” ngu nna tsun wu ai.

1 SAMUELA 12:7

Nanhte nga nga ai shara hta ya tsap nga mu, nanhte hte nanhte a kaji kawa ni hpe hkye hkrang la na nga, dai Madu galaw nu ai chyalai amu ni yawng mayawng, nanhte hpe shadum jahprang na ngu dai Madu a man e ngai nanhte hpe deng na made ai.