BU HKAWM 16:11 - Jinghpaw Common Language Bible 2009

¹¹ Arun hpe nanhte gumlau nna aput angun di myit dai shaloi dai amu gaw nang hte nang hpang maga hkan nang ai ni, dai Madu hpe teng teng gumlau nga myit dai,” ngu nna tsun wu ai.

Jinghpaw Hanson Version Bible

¹¹ Dai rai nna, nang hte nang hpang maga na ni yawng, Yehowa hpe gumlau nga myit hka; Arun hpe shara na gaw shi hpa wa rai nga a ta?” ngu wu ai.

BU HKAWM 16:11 ပူးပေါင်းရင်းမြစ်များ

1 HKAWHKAM LABAU 26:19

Ndai gaw Kora hte Merari lakung ni hta na sin langa lit gun hpai na matu lit shatsam da ai lam rai nga ai.

SHAKAWN KUNGDAWN 106:16

Shanhte gaw dai nam mali kata hkan e, Mawshe hte Madu a chyoi pra ai shangun ma kaja Arun yan hpe yu manawn nga masai.

PRU MAT 17:2

Shanhte gaw Mawshe hpe aput let, “Anhte hpe lu na ntsin jaw mi,” ngu nna tsun ma ai. Mawshe gaw, “Nanhte hpa majaw aput nga myit ta? Nanhte gaw hpa lam a majaw dai Madu hpe chyam mayu nga myit ni?,” ngu nna htan wu ai.

BU HKAWM 11:1

Dai amyu masha ni shanhte hkrum sha ai tsin-yam tsindam a majaw dai Madu hpe aput hpang wa ma ai. Dai Madu gaw dai lam ni na jang masin pawt nna amyu masha ni a ntsa e wan dat dat wu ai. Dai gaw shanhte a ka-ang e hkru wa ai hte dap a jahtum shara langai mi hpe jahten kau nga ai.

BU HKAWM 16:12

Dai hpang Mawshe gaw Dahtan hte Abiram yan hpe sa shaga shangun ti mung, shan mahtang, “An n lu sa na ga ai!

BU HKAWM 16:3

Shanhte gaw Mawshe yan Arun kaw sa hpawng let shan hpe, “Nan gaw nau wa lai manit dai! Dai shawa hpung yawng gaw dai Madu a matu rai nna, dai Madu mung anhte yawng hte rau rai nga ai. Dai rai yang, Mawshe nang gaw hpa majaw dai Madu a shawa hpung ting a ntsa e, tinang hkum hpe shagrau la mayu nga n ta?,” ngu nna tsun ma ai.

LUKA 10:16

Yesu gaw, “Nanhte a ga madat ai wa kadai mung, nye a ga madat ai mung rai nga ai. Nanhte hpe ningdang kau ai wa kadai mung, ngai hpe ningdang kau ai wa rai nga ai: ngai hpe ningdang kau ai wa kadai mung, ngai hpe shangun dat ai wa hpe mung, ningdang kau ai rai nga ai,” ngu nna shi a sape ni hpe tsun mu ai.

YAWHAN 13:20

Ngai nanhte hpe kaja wa teng teng tsun made ga, ngai shangun dat ai wa kadai hpe rai ti mung, hkap la ai wa gaw, ngai hpe hkap la ai rai nga ai; ngai hpe hkap la ai wa kadai mung, ngai hpe shangun dat ai wa hpe hkap la ai rai nga ai,” ngu nna shanhte hpe tsun mu ai.

KASA 5:4

Ga dachyawk hpe nang garai n dut yang na a rai nga ai, dut kau ai hpang mung dai gumhpraw gaw na a rai nga ai. Dai rai yang hpa majaw dai hku galaw na myit daw dan n ta? Nang gaw masha hpe masu ai n rai, Karai Kasang hpe masu kau nu ai,” ngu wu ai.

ROMA 13:2

Dai re ai majaw ahkang aya lu ai ni hpe lale ai wa kadai mung, Karai Kasang galaw lajang hkang tawn da sai lam hpe ninghkap ai wa rai nga ai. Dai wa gaw tinang nan tara dara ai hkrum na ra ai.

1 KORINHTU 10:10

Shanhte nkau mi aput angun nna, Si du a kasa wa a lata hte jahten shabyak kau ai hkrum ma ai zawn, anhte aput angun nga lu na n rai.

1 KORINHTU 3:5

Apolo gaw kadai wa rai nga a ta? Pawlu mung kadai wa rai nga a ta? Anhte gaw Karai Kasang a shangun ma ni sha rai nna, anhte a marang e nanhte Karai Kasang hpe kam sham wa lu myit ga, woi awn lanu lahku ya ai ni sha rai nga ga ai. Dai rai nna anhte langai hte langai gaw Karai Kasang e garan masat jaw da ya ai amu hpe gun hpai lu ga ai.

YUDA 1:16

Ndai masha ni gaw galoi mung aput angun nga nna masha kaga ni hpe mara sha shagun nga ma ai; shanhte gaw shanhte a n hkru n kaja ai, ra marin ai hta hkan nang ma ai. Shanhte gaw tinang a lam hpe shakawng gumrawng chye ma ai; shanhte gaw tinang a akyu pru hkra masha wa hpe kawng sharawt ya masu ai hku hkalem ai ga chye tsun ma ai.

1 SAMUELA 8:7

dai Madu gaw, “Amyu masha ni nang hpe tsun ai lam magup hpe madat u, shanhte nang hpe kau ai n rai; shanhte a hkawhkam n tai na hku shanhte kau ai gaw ngai mahtang she rai nga nngai.