BU HKAWM 15:41 - Jinghpaw Common Language Bible 2009

⁴¹ Ngai gaw dai Madu nanhte a Karai Kasang rai nga nngai. Nanhte a Karai Kasang tai na ngu nna she, Egutu mung kaw na nanhte hpe ngai woi shapraw wa ni ai. Ngai gaw dai Madu rai nga nngai.”

Jinghpaw Hanson Version Bible

⁴¹ Ngai gaw nanhte a Karai Kasang tai na ngu nna, nanhte hpe Egutu mung na woi shapraw wa ai nanhte a Karai Kasang Yehowa rai nga nngai: ngai nan nanhte a Karai Kasang Yehowa rai nga nngai,” ngu wu ai.

BU HKAWM 15:41 ပူးပေါင်းရင်းမြစ်များ

SHAKAWN KUNGDAWN 105:45

Shing rai, shi a amyu masha ni shi a tara ni hpe madat nna; shi a hkang da ai ga ni yawng hpe hkan shatup na mu ai. Dai Madu hpe shakawn nga mu law!

PRU MAT 6:7

Ngai gaw nanhte hpe nye a amyu masha majing hku shatai la nna, nanhte a Karai Kasang tai na nngai. Ngai gaw Egutu mung mayam prat kaw na nanhte hpe shalawt dat ai nanhte a Karai Kasang dai Madu rai nga ai hpe nanhte chye lu na marin dai.

JAW JAU 22:33

Nanhte a Karai Kasang tai na ngu nna ngai nanhte hpe Egutu mung kaw nna woi shapraw la ni ai. Ngai gaw dai Madu nan rai nga nngai,” ngu nna tsun wu ai.

JAW JAU 25:38

Ndai gaw ngai nanhte hpe Hkanan mung jaw nna, nanhte a Karai Kasang tai na matu nanhte hpe Egutu mung kaw na woi shapraw wa ai dai Madu nanhte a Karai Kasang hkang da ai ga rai nga ai.

BU HKAWM 15:40

Dai banbyau ni gaw nanhte hpe myit dum shangun nhtawm nye a hkang da ai ga ni yawng hpe shatup lu na hte ngai mung nanhte hpe tsep kawp madu da na mawe ai.

BU HKAWM 16:1

Lewi amyu Kohat lakung lama na Izhara a kasha Kora gaw Mawshe woi awn ningbaw ai lam hpe gumlau wu ai. Shi hta Rubin amyu bawsang hta na Eliaba a shadang sha Dahtan hte Abiram yan mung, Pelet a kasha Ona mung, shawa hpung kaw na lata san da nhtawm mying gumhkawng nga ai kaga Israela masha marai 250 hte lawm ma ai.

HEBRE 11:16

Ya chyawm gaw, dai hta grau ai sumsing lamu na buga mungdan hpe marit nga ma ai. Dai re ai majaw, Karai Kasang gaw shanhte a Karai Kasang re ai ngu na hpe kaya ma ai n rai, hpa majaw nga yang, Karai Kasang gaw shanhte a matu nga na shara langai mi lajang da ya manu ai.