BU HKAWM 15:40 - Jinghpaw Common Language Bible 2009

⁴⁰ Dai banbyau ni gaw nanhte hpe myit dum shangun nhtawm nye a hkang da ai ga ni yawng hpe shatup lu na hte ngai mung nanhte hpe tsep kawp madu da na mawe ai.

Jinghpaw Hanson Version Bible

⁴⁰ ngai hkang da mada dum ai hte hkan shatsup lu nna nanhte a Karai Kasang a matu chyoi pra nga lu hkra, shing rai galaw na rai myit dai.

BU HKAWM 15:40 ပူးပေါင်းရင်းမြစ်များ

SHAKAWN KUNGDAWN 103:18

shi a ga shaka hpe hkan nang nga ai ni hte shi a hkang da ai ga ni hpe kangka ai hte madat mara hkan sa nga ai ni a ntsa e, shi a mai kaja ai gaw hpang ban ni yawng a matu anga nga na ra ai.

JAW JAU 19:2

Israela shawa hpung ting hpe, “Chyoi pra nga mu, hpa majaw nga yang ngai gaw dai Madu nanhte a Karai Kasang rai nna chyoi pra nga nngai.

JAW JAU 22:31

Dai Madu gaw, “Nye a hkang da ai ga ni hpe madat mara hkan sa nga mu; ngai gaw dai Madu rai nga nngai.

BU HKAWM 15:41

Ngai gaw dai Madu nanhte a Karai Kasang rai nga nngai. Nanhte a Karai Kasang tai na ngu nna she, Egutu mung kaw na nanhte hpe ngai woi shapraw wa ni ai. Ngai gaw dai Madu rai nga nngai.”

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

EHPESU 1:4

Anhte gaw tsaw ra ai myit hte shi a man e chyoi pra nna mara n rawng ai ni tai wa u ga, anhte Hkristu hte langai sha tai ai a marang e mungkan ga garai n lat kaw nna pyi Karai Kasang gaw anhte hpe lata la mani ai.

KOLOSE 1:2

Kolose mare na Karai Kasang a masha ni hte Hkristu hta kangka rai nga ai hpu nau ni hpang de ga shana dat ga ai. Anhte a Wa Karai Kasang kaw na chyeju hte ngwi pyaw ai gaw nanhte hta e anga nga malit ga law.

1 HTESALONI 4:7

Karai Kasang gaw anhte hpe n san n seng ai asak hkrung lam hta hkrung nga na matu shaga la mi ai n rai. Chyoi pra ai asak hkrung lam hta nga na matu she shaga la mani ai.