BU HKAWM 15:35 - Jinghpaw Common Language Bible 2009

³⁵ Dai hpang dai Madu gaw Mawshe hpe, “Dai wa hpe sat kau lu na rai myit dai; shawa hpung ting mung shi hpe dap shinggan de woi shapraw la nna nlung hte kabai sat kau na rai myit dai,” ngu nna tsun wu ai.

Jinghpaw Hanson Version Bible

³⁵ Shaloi Yehowa Mawshe hpe, “Dai wa gaw teng teng sat kau ai hkrum na rai nga ai; dai shawa hpung ting, dap shinggan e nlung hte kabai sat na rai ma ai,” ngu wu ai.

BU HKAWM 15:35 ပူးပေါင်းရင်းမြစ်များ

1 HKAWHKAM 21:13

Dai hpang masha gumbyak lahkawng yan gaw Karai Kasang hpe mung, hkawhkam wa hpe mung matsa kau ai ngu nna Nabot hpe shawa man e mara shagun da mu ai. Shing rai mare shinggan de shi hpe woi shapraw mat wa nhtawm nlung hte kabai sat kau mu ai.

JAW JAU 20:2

Israela amyu masha ni hpe ning ngu tsun na matu hkang da wu ai: “Nanhte hta na kadai rai ti mung, nanhte hta hkan nang nga ai maigan masha kadai rai ti mung Molek hpara hpe nawng jau ai hta tinang a kashu kasha ni hpe jaw ya ai wa kadai hpe mung shawa masha ni a man e nlung hte kabai sat kau ai hkrum na ra ai.

JAW JAU 20:27

“Si mat sai masha ni a wenyi hte ga shaga ai numsha lasha kadai mung nlung hte kabai sat kau ai hkrum na rai wu ai; dai zawn re ai amu galaw ai wa gaw shi a si hkrung si htan lam a matu lit lu nga wu ai.

JAW JAU 24:23

Mawshe gaw Israela amyu masha ni hpe dai lam tsun ngut jang shanhte gaw dai masha wa hpe dap shinggan de dun shapraw sa wa nhtawm nlung hte kabai sat kau ma ai. Ndai hku nna Israela amyu masha ni dai Madu Mawshe hpe hkang da ai hte maren hkan galaw nga ma ai.

BU HKAWM 15:36

Dai rai nna dai Madu hkang da sai hte maren, shawa hpung ting shi hpe dap shinggan de woi shapraw la nhtawm nlung hte kabai sat kau ma ai.

LUKA 4:29

Shanhte rawt nna, Yesu hpe mare shinggan de dun garawt shapraw kau nhtawm, shanhte a mare de da ai bum pungding na n-gam mahka kaw nna shi hpe kanawng jahkrat kau na woi dun sa wa mu ai.

KASA 7:58

Mare shinggan de dun shapraw nhtawm, nlung hte jawm kabai mu ai. Sakse ni mung Shawlu mying ai shabrang wa a lagaw nhpang e shanhte a hpun palawng ni hpe yu ya na matu raw tawn ma ai.

TARA JAHPRANG 21:21

Shaloi mare na lasha nlang shi hpe nlung hte kabai sat kau na rai ma ai. Shing rai dai zawn n hkru n shawp ai amu hpe yeng seng kau na rai myit dai. Shing re ai lam a majaw dai shiga na ai Israela amyu masha shagu hkrit gari nga na mara ai.