BU HKAWM 15:31 - Jinghpaw Common Language Bible 2009

³¹ shi gaw dai Madu tsun ai ga hpe n kaw n law di nna, shi a hkang da ai tara hpe dingsa sa jahten kau wu ai majaw shi hkum nan si hkrung si htan hkrum na rai wu ai.

Jinghpaw Hanson Version Bible

³¹ Yehowa a mungga hpe n kaw n law di nna, shi a hkang da ai tara hpe tawt lai kau wu ai majaw, dai wa gaw shi a yubak hkam sha nna, teng teng gaja wa sumri dan kau ya ai hkrum na rai wu ai,” ngu wu ai.

BU HKAWM 15:31 ပူးပေါင်းရင်းမြစ်များ

2 SAMUELA 12:9

Dai rai yang, nye a hkang da ai ga ni hpe nang hpa majaw n madat kau n ta? Ndai zawn n hkru ai amu hpe nang hpa majaw galaw kau hkrup n ni? Nang gaw Uria hpe majan pa e sat kau nit dai; Amon masha ni a lata hte shi hpe sat kau shangun nit dai; dai hpang shi a madu jan hpe nang la kau nga nit dai!

SHAKAWN KUNGDAWN 107:11

Hpa majaw nga yang, shanhte gaw Chyahtum Chyalai n-gun rawng ai Karai Kasang a hkang da ai ga ni hpe gumlau kau nna; shi a sharin shaga ai ga matsun ni hpe mung n hkap la kau ai majaw rai nga ai.

SHAKAWN KUNGDAWN 119:126

Madu e, masha ni na a tara ni hpe hpa zawn n nawn ya nga ma ai majaw, ndai aten na a matu amu galaw na aten rai nga ai.

SHAKAWN KUNGDAWN 38:4

Ngai gaw nye a yubak mawru kata hta lup mat wa nga nngai; dai ni gaw tsin-yam lit langai mi rai nga nna, hkam sharang lu na matu, nau li la nga ai.

PRU MAT 30:33

Dai hte shabung nna galaw ai wa kadai mung, hkinjawng n re ai wa hpe ru bun na matu lang ai wa kadai mung, nye a amyu masha ni hta na sumri dan kau ai hkrum na rai wu ai,’” ngu nna tsun wu ai.

GA SHAGAWP 13:13

Nang lama, mai kaja ai hpaji jaw ga hpe, ningdang kau ai rai yang, ru yak tsin-yam hkrum na ndai; nang dai hta hkan sa ai rai yang chyawm, gaw nang shim nga na ndai.

ESAIA 30:12

Rai ti mung, ndai gaw Israela a chyoi pra ai Karai Kasang tsun ai ga rai nga ai: “Nanhte gaw ngai nanhte hpe tsun ai ga hpe hpa n nawn ya myit dai, nanhte gaw kashun kashe du daw sai hkaw amu hte masu magaw amu hta myit manoi nga myit dai.

ESAIA 53:6

Anhte yawng gaw sagu ni zawn lam dam mat saga ai, anhte langai hte langai tinang lam hkan mat saga ai. Rai ti mung dai Madu gaw anhte yawng hkam la ging ai ari hpe shi a ntsa e mara da shangun nga nu ai.

EZEKELA 18:20

Yubak galaw ai wa gaw si na ra ai. Kawa galaw ai yubak ni a majaw kasha hkam ra na n rai, kasha galaw ai yubak ni a majaw kawa hkam na ra ai n rai. Mai kaja ai masha wa gaw shi galaw ai mai kaja ai amu a majaw shagrau sha-a hkrum nna, n hkru ai masha wa gaw shi galaw ai n hkru ai amu a shabrai hpe hkam la na ra ai.

JAW JAU 26:15

Nye a tara ni hte hkang da ai ga matsun ni hta hkan sa na matu nanhte lale kau nna nanhte hte ngai shagrin da sai ga shaka hpe jahten kau myit dai rai yang, nanhte hpe ari jaw na made ai.

JAW JAU 26:43

Shawng nnan e, dai mung na amyu masha ni hpe yeng seng kau ai hpang sha, tsep kawp bansa lu ai hte kabu gara lu na ra ai, shanhte gaw nye a tara hte hkang da ai ga ni hpe ningdang kau nga masai majaw ari hpring hkra hkrum sha ai lam hpe yin la lu na rai ma ai.

JAW JAU 5:1

Htingrai htingrat hkungga galaw ra ai amu ni gaw lawu de na hte maren rai nga ai. Masha langai ngai tara rung e sakse sa hkam na matu tara shang shaga da hkrum nna shi mu ai hte na a amu lama ma a lam hpe shiga n jaw ai rai yang, de a mara shi hkam sha lu na rai nga ai.

BU HKAWM 9:13

Rai ti mung n san n seng ai hte sumtsan n hkawm ai sha dai Shalai Wa Ai Poi hpe n galaw ai wa kadai mung ladaw da ya ai aten hta nye a matu hkungga n nawng ya ai majaw nye a amyu masha hta na sumri dan kau ai hkrum na rai wu ai. Shi gaw yubak mara a nni nkri hkam sha lu na rai wu ai.

TARA JAHPRANG 17:12

Amu gun hpai ai hkinjawng wa hte tara agyi langai ngai a ga hpe dingsa sa n madat ai wa kadai mung sat kau ai hkrum na rai wu ai. Ndai hku nna Israela amyu hta na n hkru n shawp ai amu yeng seng kau lu na rai myit dai.

1 HTESALONI 4:8

Dai rai nna, ndai sharin shaga ai lam hpe ningdang kau ai wa kadai mung, masha hpe n rai, Chyoi Pra ai Wenyi jaw ya ai Karai Kasang hpe mahtang ningdang kau ai wa rai nga ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.

2 PETRU 2:21

Ding hpring ai lam hpe chye chyang la nhtawm shanhte hpe ap ya da sai dai chyoi pra ai hkang da ai ga hpe tawt lai kau ai hta, dai lam hpe n chye ai sha nga na mahtang gaw grau mai nga ai.

1 SAMUELA 3:14

Dai rai nna, shagu hkungga hte mung, shadung hkungga hte mung ndai hkrit hpa yubak mara hpe galoi mung n shaprai kau lu na sai ngu nna, Eli a dinghku masha ni hpe ngai dagam kau nngai,” ngu nna tsun wu ai.