BU HKAWM 15:30 - Jinghpaw Common Language Bible 2009

³⁰ Rai ti mung Israela amyu masha mi rai rai, dai mung e nga nga ai maigan masha wa mi rai rai, yubak mara dingsa sa galaw ai wa kadai mung dai Madu hpe n gawn n sawn di ai mara lu nga ai majaw sat kau ai hkrum na rai wu ai;

Jinghpaw Hanson Version Bible

³⁰ Israela kashu kasha wa rai timung, amyu kaga wa rai timung, dingsa sa shut ai rai yang gaw, Yehowa hpe n gawn n sawn re ai rai nga ai majaw, dai wa gaw shi a amyu hta na sumri dan kau ya ai hkrum lu na rai wu ai.

BU HKAWM 15:30 ပူးပေါင်းရင်းမြစ်များ

NINGPAWT NINGHPANG 17:14

Matu gadoi n hkam ai lasha kadai rai ti mung nye a amyu masha hta na sumri dan kau ai hkrum na rai nga ai; hpa majaw nga yang ngai hte shaka tawn ai ga shaka hpe shi n hkan shatup ai majaw rai nga ai,” ngu nna tsun wu ai.

YOBA 38:15

Shani nhtoi gaw n hkru ai ni a matu nau wa htoi kabrim nga ai shanhte galaw ai kashun kashe du daw sai hkaw amu hpe shingdang da lu nga ai.

SHAKAWN KUNGDAWN 19:13

Myit shadang ai yubak mara ni kaw na mung, ngai hpe shim hkra bau sin ya e; dai ni gaw ngai hpe n up lu mu ga. Shing rai, ngai gaw hkum tsup wa nna n hkru ai yubak kaw na mung lawt lu na nngai.

SHAKAWN KUNGDAWN 69:9

Na a Htingnu hta nye a myit manoi ai nja nhpra myit gaw wan zawn, nye a myit masin hta grung nga li ai. Nang hpe shatan nhkan tsun ai ga ni gaw nye a ntsa e mara nga ai.

SHAKAWN KUNGDAWN 74:18

Rai ti mung, Madu e, na a gumlau hpyen ni nang hpe asawng asang di nga ai hpe, dum nga u.

SHAKAWN KUNGDAWN 74:22

Karai Kasang e, rawt u, nang galaw ai amu hpe makawp maga u! karai kata ai masha ni gaw shani tup nang hpe mani asawng nga ma ai hpe dum nga u.

SHAKAWN KUNGDAWN 79:12

Madu e, maigan mungdan ni a n kaw n law re ai hte nang hpe kabai tawn nga ma ai majaw, shanhte hpe sanit lang ari bai htang jaw u.

SHAKAWN KUNGDAWN 89:51

Madu e, nang lata san da ai hkawhkam wa hpe na a gumlau hpyen ni n kaw n law di nga ma ai! Shi hkawm sa ai shara shagu hta, shi hpe asawng asang di mu ai.

PRU MAT 21:14

Rai ti mung, masha langai mi masin pawt nna kaga langai mi hpe dingsa sa sat kau ai rai yang, shim lum na matu, nye a tawn hkungri de hprawng sa wa ti mung, shi gaw si lu na rai wu ai.

PRU MAT 30:33

Dai hte shabung nna galaw ai wa kadai mung, hkinjawng n re ai wa hpe ru bun na matu lang ai wa kadai mung, nye a amyu masha ni hta na sumri dan kau ai hkrum na rai wu ai,’” ngu nna tsun wu ai.

GA SHAGAWP 14:31

Matsan mayan ni hpe nang dip gamyet sha ai rai yang, shanhte hpe hpan da ai Karai Kasang hpe nang n gawn n sawn di nga ndai; rai ti mung, matsan mayan ni hpe matsan dum myit madun ai chyawm gaw Madu hpe nawku daw jau ai lam rai nga ai.

EZEKELA 20:27

Ya chyawm gaw, si chye ai masha wa e, Tsaw Htum ai dai Madu ngai nan gaw shanhte hpe kaning ngu tsun shadum nga ai lam, Israela amyu masha ni hpe htawn tsun u. Ndai gaw shanhte a kaji kawa ni n sadi sahka ai hku nna n sawn n sang di ai kaga lam rai nga ai.

JAW JAU 20:10

Israela amyu masha hta na manang wa a madu jan hte num shaw amu shut hkat ai wa gaw shi shaw ai num hte rau sat kau ai hkrum na rai wu ai.

JAW JAU 20:3

Tinang a kashu kasha ni hpe dai Molek hpara hpe nawng ya nhtawm nye a chyoi pra ai Sum hpe matsat shabat di let, nye a chyoi pra ai mying ningsang hpe jahpoi asawng ai wa kadai hpe mung ngai hpyen tai nna, dai wa hpe nye a amyu masha ni hta na sumri dan kau na we ai.

JAW JAU 20:6

“Si mat sai ni a wenyi ni hte ga shaga hkrum ai masha ni hpang de hpaji sa hpyi na matu marai langai ngai sa ai rai yang, ngai shi hpe hpyen tai nna shi hpe nye a amyu masha ni hta na sumri dan kau na we ai.

BU HKAWM 15:29

Israela amyu masha mi rai ti mung, dai mung e nga nga ai maigan masha wa rai ti mung, n dum shami yubak mara shut hpyit kau ai masha shagu hkan sa na tara maren sha rai nga ai.

BU HKAWM 9:13

Rai ti mung n san n seng ai hte sumtsan n hkawm ai sha dai Shalai Wa Ai Poi hpe n galaw ai wa kadai mung ladaw da ya ai aten hta nye a matu hkungga n nawng ya ai majaw nye a amyu masha hta na sumri dan kau ai hkrum na rai wu ai. Shi gaw yubak mara a nni nkri hkam sha lu na rai wu ai.

MAHTE 12:32

Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai prat hta rai ti mung, hpang na prat hta rai ti mung, raw dat kau ya hkrum na n rai.

TARA JAHPRANG 1:43

Dai Madu hkang dat ai hte maren, ngai tsun ni ai; rai ti mung nanhte hpa zawn n nawn kau ya manit dai. Nanhte gaw shi hte nhtan shai gumlau nna nanhte a gumrawng ai myit hte bum ga de lung wa manit dai.

TARA JAHPRANG 32:27

Rai ti mung shanhte a gumlau hpyen ni nye a masha ni hpe dang kau ma ai shaloi, shanhte lu galaw ai ngu nna shanhte a shakawng shakat gumrawng na lam hpe ngai ahkang n lu jaw nngai; shanhte hpe ngai hkum nan agrawp kau nngai.’

HEBRE 10:26

Hpa majaw nga yang, anhte gaw dai teng man ai lam hpe chye na hkam la ngut sayang me, yubak hpe dingsang galaw dingyang rai nga ga yang gaw, anhte a yubak mara a matu nawng ya na shagu hkungga naw nga sana n rai.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

2 PETRU 2:10

Grau nna hkum shan a matsat shabat ngang kayut ai lam hta hkan sa nna Karai Kasang a ahkang aya hpe n gawn n sawn ai ni gaw shing re ai lam ni hkrum na mara ai, Ndai masu ai sara ni gaw grai gwi nna gumrawng gumtawng re ai hte ning tsa de na hpung shingkang rawng ai ni hpe hkungga lara ai lam n madun ai sha shanhte hpe asawng asang di ma ai.

1 YAWHAN 5:16

Na a kahpu kanau wa langai ngai n si ging ai yubak langai ngai galaw nga ai hpe nang mu hkrup n yang gaw, nang gaw shi a matu mara Karai Kasang kaw akyu hpyi ya mai nga ai. Karai Kasang gaw shi hpe htani htana asak jaw na wu ai. Dai gaw si ging ai yubak mara n galaw ai ni a matu chyu sha hpyi ya na hku rai nga ai. Rai ti mung si ging ai yubak mara ngu ai nga ai rai nna, de a matu Karai Kasang kaw nang hpyi nem mai ai lam ngai n tsun nngai.

1 SAMUELA 2:25

Masha shada da shut hpyit ai rai yang, Karai Kasang hkap makawp ya lu ti mung, Karai Kasang hpe shut hpyit ai rai yang, kadai wa hkap makawp la lu nga a ta?,” ngu nna tsun wu ai. Rai ti mung shan mahtang kawa a ga n madat ma ai majaw, shan hpe sat kau na matu dai Madu daw dan kau nu ai.

1 SAMUELA 3:14

Dai rai nna, shagu hkungga hte mung, shadung hkungga hte mung ndai hkrit hpa yubak mara hpe galoi mung n shaprai kau lu na sai ngu nna, Eli a dinghku masha ni hpe ngai dagam kau nngai,” ngu nna tsun wu ai.