BU HKAWM 15:24 - Jinghpaw Common Language Bible 2009

²⁴ masha hpung ting a hpa n nawn kau ai amu a majaw shut mat ai rai yang, shanhte gaw dai Madu a matu manam pyaw sangau shatai na wan nat hkungga a matu usu langai, htuk ai shadung hkungga hte sabyi hkungga nawng ya na rai ma ai. Dai sha n-ga, shanhte gaw htingrai hkungga a matu bainam la langai mi nawng jau na rai ma ai.

Jinghpaw Hanson Version Bible

²⁴ shawa hpung yawng hte gaw n dum shami shut hpyit kau nna mara rawng ai rai yang, shawa hpung nlang hte gaw, tawn da sai htung hking nga ai hte maren, Yehowa a matu manam pyaw sangau shatai na, shadung kumhpa hte ru hkaw kumhpa hte hpawn, usu uram hpe wan nat hkungga, bainam la hpe htingrai hkungga di nna nawng na rai mu ai.

BU HKAWM 15:24 ပူးပေါင်းရင်းမြစ်များ

EZRA 6:17

Dai ap nawng hpawng a matu, shanhte gaw usu latsa, sagu lahkawng tsa, hte sagu kasha mali tsa hpe shagu hkungga shatai let, Israela amyu bawsang shagu a matu, mara raw hkungga shatai na bainam shi lahkawng hpe mung nawng jau ya ma ai.

EZRA 8:35

Bawng dung ai kaw nna nhtang wa sai ni yawng gaw Israela Karai Kasang a matu shagu hkungga nat na nga, hkungga ni hpe la sa shajang ma ai. Shanhte gaw Israela amyu ting a matu usu 12, sagu la 96 hte sagu kasha 77 nawng ya ma ai. Shanhte gaw yubak kaw na tinang hkum hpe jasan jaseng na matu bainam 12 hpe mung nawng ya ma ai. Ndai yam nga yawng hte gaw dai Madu a matu wan nat hkungga hkrai rai nga ai.

JAW JAU 23:19

Dai hpang htingrai hkungga a matu bainam langai, mahku hkungga a matu laning mi ladu hkrum sai sagu la lahkawng jaw jau na rai myit dai.

JAW JAU 4:2

yubak mara shut hpyit nna dai Madu hkang da sai lam lama ma hpe n dum shami jahten kau hkrup ai kadai mung lawu de na hkang da ai lam ni hkan sa lu na matu Israela amyu masha ni hpe tsun dan na hkang da wu ai.

JAW JAU 4:22

Up hkang du wa gaw dai Madu hkang da ai lam lama ma hpe n dum shami shut hpyit tawt lai nna yubak galaw hkrup ai hte shi a yubak hpe shaloi jang chye ai rai yang,

JAW JAU 4:23

shi a hkungga shatai na matu ra n rawng ai bainam la langai mi la sa na rai wu ai.

JAW JAU 5:15

Kadai rai ti mung dai Madu a matu jaw shalai ra ai chyoi pra ai arai ni hpe n dum shami jaw dumhprut nna shut kau ai rai yang, dai Madu a matu htingrai hkungga shatai na ra n rawng ai sagu la shing n rai bainam la sa na rai nga ai. De a manu chyawm gaw tara shang lang ai joi jang hte maren daw dan sawn ya na rai nga ai.

JAW JAU 5:18

Shi gaw hkinjawng wa hpang de mara raw hkungga shatai na ra n rawng ai sagu la shing n rai bainam la langai mi la sa na rai wu ai. De a hkrat ang ai manu hpe chyawm gaw tara shang lang ai joi jang hte maren, manu sawn ya na rai nga ai. Hkinjawng wa gaw shi a n dum shami shut kau ai yubak mara a matu shagu hkungga nawng ya ai hte shi mung mara raw dat kau ya ai hkrum na ra ai.

BU HKAWM 15:23

du na ra ai aten hta shawa hpung ting hkan galaw na matu Mawshe hpe dai Madu hkang da ai lam shagu hpe n dum shami a majaw mara rawng ai ngu ga,

BU HKAWM 15:26

Masha hkum shagu hte gaw n dum shami shut kau ai mara hta ra rawng nga ai majaw, Israela shawa hpung ting hte shanhte hta nga nga ai maigan masha ni mung mara raw dat kau ai hkrum na rai ma ai.

BU HKAWM 28:15

Shani shagu na wan nat hkungga hte de a sabyi hkungga hta kaga, htingrai hkungga a matu bainam la langai mi hpe mung nawng jau na rai myit dai.